Bigg Boss 6 Telugu: ఫ్యామిలీని కలిసిన ఇంటి సభ్యులు - బిగ్‌బాస్ హౌస్‌లో ఆదిరెడ్డి భార్య, రాజ్ తల్లి

Bigg Boss 6 Telugu: బిగ్ బాస్ సీజన్ 6 కథ కంచికి చేరుతోంది. దీంతో ఫ్యామిలీ మెంబర్స్ ఎంట్రీ కూడా మొదలైపోయింది.

(Image credit: Star maa)

Bigg Boss 6 Telugu: ఫ్యామిలీ వీక్ వచ్చిందంటే ఇంతకుముందు ఫ్రీజ్ - రిలీజ్ అంటూ ఓ ఆట ఆడేవారు. ఫ్యామిలీ మెంబర్ వచ్చినప్పుడు ఫ్రీజ్ అని చెప్పి వారు వచ్చాక రిలీజ్ అని చెప్పేవారు. ఇప్పుడు అలాంటిదేం ఆడించలేదు. బిగ్‌బాస్ ఇంటిని బీబీ కోచింగ్ సెంటర్ గా మార్చారు. ఇందులో ఫైమా ఇంగ్లిష్ టీచర్, ఆదిరెడ్డి డ్యాన్సు టీచర్, శ్రీసత్య మేకప్ టీచర్‌లా వ్యవహరించింది. ఫైమా క్లాస్ స్పెల్లింగు కూడా సరిగా రాయకపోవడంతో అందరూ నవ్వారు. ఎలిఫేంట్ స్పెల్లింగ్ కూడా ఆమె రాయలేక మధ్యలోనే ఆపేసింది. ఆమె మధ్యమధ్యలో మాట్లాడే ఇంగ్లిస్ అందరినీ నవ్వించింది. 

ఇక శ్రీసత్య మేకప్ క్లాస్ తీసుకుంది. ఇందులో మేకప్ అంటే ఏమిటి అని అడిగింది పిల్లల్లా మారిన ఇంటి సభ్యులను. రేవంత్ ‘మేకు అప్‌లో కొడితే అదే మేకప్’ అని చెప్పగా, రాజ్ ‘కప్పులో మేకు వేస్తే అదే మేకప్’ అని చెప్పి కామెడీ చేశాడు. తరువాత శ్రీహాన్ కు మేకప్ వేశారు. తరువాత ఆదిరెడ్డి డ్యాన్సు క్లాసు తీసుకున్నారు. ఆయన డ్యాన్సు చేస్తుంటే ప్రతి ఒక్కరూ నవ్వుకున్నారు. 

ఆదిరెడ్డి భార్య...
మధ్యలో ఆదిరెడ్డి భార్యా, కూతురిని ఇంట్లోకి పంపించారు బిగ్ బాస్. ఏడాది వయసున్న ఆ కూతురు తండ్రిని గుర్తు పట్టలేకపోయింది. ఎక్కువసేపు ఏడుస్తూనే కనిపించింది. వారిద్దరికీ ఎక్కువగా మాట్లాడే అవకాశం ఇవ్వలేదు ఆ చిన్నారి. తన డ్యాన్సు గురించి అడిగాడు ఆదిరెడ్డి. చూసి నవ్వుకుంటున్నాం అని చెప్పింది భార్య. గేమ్‌లో కొట్టుకున్న తిట్టుకున్నా కలిసిమెలిసి ఉండమని చెప్పింది కవిత. దానికి ఆదిరెడ్డి ‘నన్ను కూడా కొట్టమంటావా’ అని అడిగాడు. దానికి ‘ఆ... నువ్వేమైన తోపా’ అని నాగార్జున డైలాగ్ ఇచ్చిపడేసింది. 

ఇక కాసేపటి తరువాత రాజ్ తల్లి ఇంట్లోకి వచ్చారు. ఆవిడ వస్తూనే కొడుకుని కౌగిలించుకుని కన్నీళ్లు పెట్టుకున్నారు. కాటుకతో దిష్టి చుక్క పెట్టి, చేతికి తాయెత్తు కట్టారు. విన్నర్ అయి రావాలంటూ దీవించారు. రాజ్ తల్లి అందరూ బాగా ఆడుతున్నారంటూ మెచ్చుకుంది. ఇక రాజ్ తన తల్లిని ప్రపంచానికి చూపించానని ఆనంద పడ్డాడు. ఈ సీన్ అంతా చూసి కీర్తి, రేవంత్, రోహిత్ కన్నీళ్లు పెట్టుకున్నారు.   

కాగా ఈ వారం నామినేషన్లలో రేవంత్, కీర్తి తప్ప మిగతా వారందరూ ఉన్నారు. వీరిలో ఇనాయ టాప్ ప్లేసులో ఉన్నట్టు సమాచారం. ఇక రెండో స్థానానికి ఎవరూ ఊహించని విధంగా రోహిత్ దూసుకొచ్చాడు. శ్రీహాన్, ఆదిరెడ్డి మూడో స్థానం కోసం పోటీ పడుతున్నారు. రాజ్ నాలుగో స్థానంలో ఉండగా, శ్రీసత్య, ఫైమాలలో ఒకరు ఈ వారం బయటికి వెళ్లొచ్చు. అయితే ఫైమా చేతిలో ఎవిక్షన్ ఫ్రీపాస్ ఉంది కాబట్టి, ఆమె తనను సేవ్ చేసుకుంటుంది. ఇక శ్రీసత్య బయటికి వెళ్లే అవకాశం కనిపిస్తోంది. ఆమె ఇన్నాళ్లు ఇంట్లో ఉండడమే ఎక్కువ. చాలా  నెగిటివిటీని కూడా సంపాదించింది.