Bigg Boss 7 Telugu Winner: ఐదుగురు హీరోయిన్లు, ఆరుగురు హీరోలు - 'బిగ్ బాస్' ఫినాలే మామూలుగా ఉండదు, 6 మినిట్స్ ప్రోమో ఇదిగో

Bigg Boss Grand Finale Celebrations: బిగ్ బాస్ గ్రాండ్ ఫినాలే సెలబ్రేషన్స్ ప్రోమో విడుదల చేశారు.

'బిగ్ బాస్' హోస్ట్ చేస్తున్న కింగ్ అక్కినేని నాగార్జున (Image Courtesy: StarMaaTV / youtube)

Bigg Boss 7 Telugu Finale: ఇండియన్ టీవీ హిస్టరీలో కూడా 'బిగ్ బాస్' సెన్సేషన్.  మన తెలుగు బుల్లితెరలో సైతం అత్యంత వీక్షకాదరణ పొందిన రియాలిటీ షో ఇది. ఆల్రెడీ ఆరు సీజన్లు పూర్తి అయ్యాయి. ఏడో సీజన్ ఈ రోజు కంప్లీట్ అవుతుంది. ఈ రోజు సాయంత్రం ఏడు గంటల నుంచి స్టార్ మా ఛానల్‌లో టెలికాస్ట్ కానుంది. ఈ గ్రాండ్ ఫినాలే ప్రోమో విడుదల అయ్యింది.

ఐదుగురు హీరోలు ప్లస్ నాగార్జున!
'బిగ్ బాస్' సీజన్ 7 గ్రాండ్ ఫినాలేలో స్టేజి మీద ఐదుగురు హీరోలు సందడి చేశారు. కింగ్ అక్కినేని నాగార్జున హోస్ట్ కనుక ఆయనను కౌంట్ చేయలేదు. ఆయనతో కలిపితే... మొత్తం ఆరుగురు హీరోలు కింద లెక్క!

మాస్ మహారాజా రవితేజ సంక్రాంతికి విడుదల చేయనున్న తన 'ఈగల్' చిత్రాన్ని 'బిగ్ బాస్ 7' ఫినాలేలో ప్రమోట్ చేశారు. నాగార్జున 'నా సామి రంగ' సినిమాలో కీలక పాత్రల్లో నటిస్తున్న 'అల్లరి నరేష్, రాజ్ తరుణ్ సైతం స్టేజి మీద సందడి చేశారు. మరో స్టార్ హీరో అంటే... నందమూరి కళ్యాణ్ రామ్! ఆయన హీరోగా నటించిన 'డెవిల్' ఈ నెల 29న విడుదల కానుంది. ప్రముఖ యాంకర్ సుమ కనకాల తనయుడు రోషన్ నటించిన 'బబుల్ గమ్' సినిమా సైతం 29న విడుదల కానుంది. తనయుడిని తీసుకుని ఆమె వచ్చారు. అదీ సంగతి!

ఐదుగురు అందగత్తెలు... ముగ్గురి డ్యాన్స్!
కళ్యాణ్ రామ్ 'డెవిల్' హీరోయిన్ సంయుక్తా మీనన్, 'నా సామి రంగ' హీరోయిన్ ఆషికా రంగనాథ్, 'బబుల్ గమ్' హీరోయిన్ మానసా చౌదరి ఫినాలేలో ప్రత్యేక ఆకర్షణగా నిలవనున్నారు. వీళ్ళిద్దరూ కాకుండా స్టేజి మీద ఇద్దరు స్టార్ హీరోయిన్లు స్పెషల్ డ్యాన్స్ పెర్ఫార్మన్స్ ఇచ్చారు.

రామ్ పోతినేని 'ఇస్మార్ట్ శంకర్'తో హిట్ అందుకున్న... పవర్ స్టార్ పవన్ కళ్యాణ్ 'హరిహర వీరమల్లు' సినిమాలో నటిస్తున్న నిధి అగర్వాల్ 'బిగ్ బాస్' ఫినాలే స్టేజిపై స్పెషల్ పెర్ఫార్మన్స్ ఇచ్చారు. యంగ్ & క్రేజీ హీరోయిన్ నేహా శెట్టి తన 'గ్యాంగ్స్ ఆఫ్ గోదావరి' సినిమాలో 'సుట్టంలా చూసి పోకలా' పాటకు డ్యాన్స్ చేశారు. గాడ్ ఆఫ్ మాసెస్, నట సింహం నందమూరి బాలకృష్ణ 'వీర సింహా రెడ్డి' సినిమాలో 'మా బావ మనోభావాలు దెబ్బతిన్నాయి' పాటలో సందడి చేసిన చంద్రికా రవి సైతం డ్యాన్స్ చేశారు. మొత్తం మీద ఈ ఫినాలే దుమ్ము రేపెలా ఉంది. 

'బిగ్ బాస్' సీజన్ 7 ఫినాలేకు వస్తే... ప్రస్తుతం ఇంటిలో ఐదుగురు ఉన్నారు. హీరో శివాజీతో పాటు ప్రిన్స్ యావర్, పల్లవి ప్రశాంత్, అర్జున్ అంబటి, అమర్ దీప్, ప్రియాంక జైన్ టైటిల్ రేసులో నిలిచారు. ప్రస్తుతం ఇంటిలో ఆరుగురు ఉన్నప్పటికీ... పల్లవి ప్రశాంత్, ప్రిన్స్ యావర్, అమర్‌ దీప్ మధ్య టైటిల్ పోరు జరిగిందని తెలిసింది.