Bigg Boss 5 Telugu: తగ్గేదెవరు-బరిలో నిలిచేదెవరు…ఆ ముగ్గురిలో నాలుగోవారం బిగ్ బాస్ హౌస్ కెప్టెన్ ఎవరు

బిగ్ బాస్ తెలుగు సీజన్ 5 లో భాగంగా ప్రస్తుతం నాలుగో వారం కొనసాగుతోంది. ఈ వారం కెప్టెన్ ఎవరదన్నదే బుల్లితెర ప్రేక్షకులకు ఇప్పుడు హాట్ టాపిక్. మరి తగ్గేదెవరు ..నెగ్గేదెవరు.. లేటెస్ట్ ప్రోమోలో ఏముందంటే.

Image Credit/ Star Maa /Hotstar

'గెలవాంటే తగ్గాల్సిందే' అనే  టాస్క్ ఈ రోజు చివరి దశకు చేరింది. గత రెండు రోజులుగా ఇంటి సభ్యులను ముప్పతిప్పలు పెడుతున్న బిగ్ బాస్ ఫుడ్ కట్ చేసి ఆకలితో అలమటించేలా చేశాడు. చివరికి ఆకలిరాజ్యం స్కిట్లు వేసేవరకూ వెళ్లేందంటే ఆహారం ఎంత విలువైందో ప్రతి ఒక్కరికీ తెలిసొచ్చింది. నిన్నటి ( బుధవారం) ఎపిసోడ్ లో ఆకలిభరించలేక చాలా అవస్థలు పడ్డారు.  బిగ్ బాస్ పెట్టిన రూల్ ప్రకారం.. 'ఫుడ్ బండి' వచ్చిన తర్వాతే ఇంటి సభ్యుల్లో ఒకరు ఆహారం తీసుకోవాలి. అయితే, లోబో తాను దాచుకున్న ఆహారాన్ని తినడంతో బిగ్ బాస్ సీరియస్ అయ్యారు.  నిబంధనలకు విరుద్ధంగా ప్రవర్తించినందుకు కెప్టెన్ జెస్సీతోపాటు తనకి పార్టనర్‌గా ఉన్న కాజల్‌ను కెప్టెన్సీ పోటీదారుల నుంచి తప్పించారు. దీంతో ఆవేదన వ్యక్తం చేసిన జెస్సీ కాజల్ కి సారీ చెప్పాడు. ఇక ఈ రోజు  ఆ టాస్క్ చివరిదశకు చేరడంతో ఈ రోజు ప్రోమోలో ఆ టాస్క్ ముగిసినట్టు ప్రకటించిన  బిగ్ బాస్  కెప్టెన్సీ పోటీదారులను ఎంపిక చేసుకోమన్నాడు. 

Evaru compromise avtharu? Evaru Captaincy contender avtharu? Wait & watch!#BiggBossTelugu5 today at 10 PM on #StarMaa #FiveMuchFun pic.twitter.com/kZgNwQ6SU4

— starmaa (@StarMaa) September 30, 2021

ఈరోజు ప్రోమో చూస్తే 'లవ్ స్టోరీ' సినిమాలో  సారంగదరియా పాటకు కంటిస్టెంట్స్ ఉత్సాహంగా చిందులేస్తూ ప్రోమో ప్రారంభమైంది. అనంతరం బరువును తగ్గించుకోవడానికి 'చిక్కుల్లో చిక్కుకోకు' అనే టాస్క్ ఇచ్చాడు. ఇందులో భాగంగా  చిక్కులు పడిన తాళ్లను విడిదీసి  ఎదురుగా ఉన్న స్టాండ్ కు తగిలించాలి. ఆ తర్వాత ఇంటి సభ్యుల్లో ఎవరు ఎక్కువ బరువు తగ్గితే వారు విజేతలుగా నిలుస్తారు. ఇందులో ఎవరు ఎక్కువ బరువు తగ్గుతారో వారే కెప్టెన్సీ పోటీదారులుగా ఉంటారనే ట్విస్ట్ ఇచ్చాడు బిగ్ బాస్. దీంతో ఒక్కో జంట చర్చలు ప్రారంభించింది. ఈ జంటల్లో ఒక్కొక్కరు కెప్టెన్ కావడానికి పోటీ పడాల్సి ఉంటుంది. అయితే ఆ జంటలలో ఎవరో ఒకరు మాత్రమే పోటీ చేయాల్సి ఉండడంతో ఒకరినొకరు ఒప్పించుకునే పనిలో పడ్డారు. ఇందులో సన్నీ- మానస్, శ్వేత- యానీ మాస్టర్, శ్రీరామ చంద్ర-హమీద జంటల్లో ఎవరు పోటీ చేయాలనే విషయంపై చర్చించుకుంటున్నట్లు చూపించారు. సన్నీ తనకు ఛాన్స్ కావాలంటూ మానస్ ను ఒప్పించే పనిలో పడ్డాడు. శ్రీరామ్ చంద్ర పోటీలో ఉంటే తానూ ఉంటా అన్నాడు మానస్.  శ్రీరామచంద్ర-హమీద మధ్య చర్చలు సాగుతున్నాయి. మరోవైపు యానీ-శ్వేత డిస్కస్ చేసుకుని టాస్ వేసుకున్నారు. ఫ్లవర్స్ ఉన్న పిల్లో తీసుకుని టాస్ వేసుకోవడం చూపించారు కానీ ఎవరిది పై చేయి అన్నది చూపించలేదు. దీంతో ఈ రోజు చర్చలు ఓ కొలిక్కి వచ్చి ముగ్గురు కంటిస్టెంట్స్ కెప్టెన్సీ పోటీలో పాల్గొనబోతున్నారు. ఎవరా ముగ్గురు...వారిలో నాలుగోవారం కెప్టెన్ ఎవరన్నది తెలియాలంటే ఈ రోజు ఎపిసోడ్ చూడాల్సిందే.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి