Acharya : 'భలే భలే బంజారా' సాంగ్ - సిరుత పులులు కలిసి సిందేస్తే

'ఆచార్య' సినిమాలో 'భలే భలే బంజారా' అనే సాంగ్ ను విడుదల చేసింది చిత్రబృందం.

'భలే భలే బంజారా' సాంగ్

మెగాస్టార్ చిరంజీవి ప్రధాన పాత్ర‌లో మెగా ప‌వ‌ర్‌స్టార్ రామ్‌చ‌ర‌ణ్ కీల‌క పాత్ర‌లో తెరకెక్కుతోన్న చిత్రం 'ఆచార్య'. కొణిదెల ప్రొడ‌క్ష‌న్ కంపెనీ సమర్పణలో, మ్యాట్నీ ఎంట‌ర్‌టైన్‌మెంట్స్ ప‌తాకాల‌పై స్టార్ డైరెక్ట‌ర్ కొర‌టాల శివ ద‌ర్శ‌క‌త్వంలో నిరంజ‌న్ రెడ్డి ఈ సినిమాను నిర్మిస్తున్నారు. ప్రస్తుతం ఈ సినిమా పోస్ట్ ప్రొడక్షన్ కార్యక్రమాలు జరుపుకుంటుంది. ముందుగా ఫిబ్రవరి 4న ఈ సినిమాను రిలీజ్ చేయాలనుకున్నారు. కానీ ఏప్రిల్ 29కి వాయిదా వేశారు. 

ఇటీవల విడుదలైన ఈ సినిమా ట్రైలర్ ఫ్యాన్స్ కి మాసివ్ ట్రీట్ అనే చెప్పాలి. ఈ ట్రైలర్ యూట్యూబ్ లో వైరల్ అవుతోంది. ఇదిలా ఉండగా.. హనుమాన్ జయంతి సందర్భంగా సినిమాకి సంబంధించిన ఓ అప్డేట్ ఇచ్చారు. ఈ సినిమాలో 'భలే భలే బంజారా' అనే సాంగ్ ను ఏప్రిల్ 18న విడుదల చేయబోతున్నామని తెలిపారు. కాసేపటి క్రితమే ఈ పూర్తి పాటను విడుదల చేశారు. ఇందులో చిరంజీవి, రామ్ చరణ్ ల స్టెప్స్ కి ఫ్యాన్స్ ఫిదా అయిపోతున్నారు. ప్రస్తుతం ఈ సాంగ్ యూట్యూబ్ లో వైరల్ అవుతోంది. రామజోగయ్య శాస్త్రి రాసిన ఈ పాటను శంకర్ మహదేవన్, రాహుల్ సిప్లిగంజ్ కలిసి ఆలపించారు. మణిశర్మ సంగీతం అందించారు. 

ఇక ఈ సినిమాలో చిరంజీవి సరసన కాజల్ అగర్వాల్.. రామ్ చరణ్ కి జోడీగా పూజా కనిపించనున్నారు. మ‌ణిశ‌ర్మ సంగీత దర్శకుడు. ఈ సినిమాకు తిరుణ్ణావుక్క‌రుసు సినిమాటోగ్రాఫ‌ర్‌. దేవాదాయ భూములు అన్యాక్రాంతం కావ‌డం అనే అంశంపై ఈ సినిమాను తెరకెక్కిస్తున్నారు. మెసేజ్‌తో పాటు క‌మ‌ర్షియ‌ల్ అంశాల‌ను మిక్స్ చేసి సినిమాల‌ను తీయ‌డంలో కొరటాలకు మంచి పేరుంది. మరి ఈ సినిమాతో ఆయన ఎలాంటి హిట్ అందుకుంటారో చూడాలి!

A memorable song for me ♥️
Happy to tap my feet with my energetic @AlwaysRamCharan for #BhaleBhaleBanjara.
Hope I dominated him with my grace 😎

▶️ https://t.co/k3PmmUFkQt#AcharyaOnApr29#SivaKoratala #ManiSharma @NavinNooli @MatineeEnt @KonidelaPro @adityamusic pic.twitter.com/yWGdXmZVBq

— Acharya (@KChiruTweets) April 18, 2022