Anushka: ప్రభాస్ సినిమాలో అనుష్క - నిజమేనా?
ప్రభాస్ వరుస సినిమాలు సైన్ చేస్తుంటే.. అనుష్క తన బరువు తగ్గే పనిలో పడింది. ఇప్పుడు వీరిద్దరూ కలిసి సినిమా చేయబోతున్నారట.
స్టార్ హీరో ప్రభాస్, అనుష్క కలిసి చాలా సినిమాల్లో నటించారు. వీరిద్దరి కాంబినేషన్ లో 'బిల్లా', 'మిర్చి', 'బాహుబలి' వంటి సినిమాలు వచ్చాయి. టాలీవుడ్ లో ఈ కాంబినేషన్ కి ఉన్న క్రేజే వేరు. దీంతో దర్శకనిర్మాతలు వీరి కాంబినేషన్ లో సినిమా చేయడానికి ఆసక్తి చూపిస్తుంటారు. వీరిద్దరూ రిలేషన్ లో ఉన్నట్లు గతంలో రూమర్స్ వినిపించాయి. ప్రభాస్.. అనుష్కని పెళ్లి చేసుకుంటారంటూ ప్రచారం జరిగింది. కానీ అందులో నిజం లేదని తెలుస్తోంది. వీరిద్దరూ ఎవరి లైఫ్ లో వాళ్లు బిజీగా ఉన్నారు.
ఓ పక్క ప్రభాస్ వరుస సినిమాలు సైన్ చేస్తుంటే.. అనుష్క తన బరువు తగ్గే పనిలో పడింది. నిజానికి ఈపాటికే యువి క్రియేషన్స్ బ్యానర్ లో నవీన్ పోలిశెట్టి హీరోగా అనుష్క సినిమాను మొదలుపెట్టాల్సింది. కానీ ఇంకా బరువు తగ్గాలని చూస్తుంది ఈ స్టార్ హీరోయిన్. దీంతో ఆమె లేని సన్నివేశాలను చిత్రీకరిస్తున్నారు. త్వరలోనే అనుష్క ఈ సినిమా షూటింగ్ లో పాల్గోనుంది. ఇదిలా ఉండగా.. అనుష్క కొత్త సినిమా సైన్ చేసిందని టాక్.
అది కూడా ప్రభాస్ సినిమా కావడం విశేషం. మారుతి దర్శకత్వంలో ప్రభాస్ హీరోగా ఓ సినిమా తెరకెక్కనుంది. ఈ విషయాన్ని మారుతి స్వయంగా చెప్పారు. తక్కువ రోజుల్లో ఈ సినిమా చేయాలనుకుంటున్నారు. మారుతి స్టైల్ లో ఈ సినిమా ఉంటుందట. కథ ప్రకారం.. ఈ సినిమాలో ముగ్గురు హీరోయిన్లు ఉంటారట. మెయిన్ హీరోయిన్ గా అనుష్కను తీసుకున్నట్లు సమాచారం. ఆమె ఈ ప్రాజెక్ట్ కి గ్రీన్ సిగ్నల్ ఇచ్చిందని చెబుతున్నారు. అదే నిజమైతే మరోసారి తెరపై ప్రభాస్-అనుష్కలను చూసే ఛాన్స్ వస్తుంది.
అన్నీ అనుకున్నట్లుగా జరిగితే దసరా సీజన్ లో సినిమాను అనౌన్స్ చేసి షూటింగ్ మొదలుపెట్టాలని చూస్తున్నారు. ఈ సినిమాకి 'రాజా డీలక్స్' అనే టైటిల్ ను పరిశీలిస్తున్నారు. డీవీవీ దానయ్య ఈ సినిమాను నిర్మించనున్నారు. రెండు, మూడు షెడ్యూల్స్ లో సినిమాను పూర్తి చేస్తారట. ఈ సినిమాతో పాటు ప్రభాస్ లిస్ట్ లో 'ప్రాజెక్ట్ K', 'సలార్', 'స్పిరిట్' వంటి సినిమాలు ఉన్నాయి. మరో రెండు, మూడేళ్లలో ఈ సినిమాలన్నీ పూర్తి చేయనున్నారు ప్రభాస్.
View this post on Instagram
టాప్ హెడ్ లైన్స్
ట్రెండింగ్ వార్తలు
