Anasuya: 'జబర్దస్త్' వదిలేసింది - మూడు సినిమాలు సైన్ చేసింది!

బిజీ షెడ్యూల్స్ కారణంగా.. అనసూయ 'జబర్దస్త్' షో నుంచి తప్పుకున్నట్లు సమాచారం. అయితే స్టార్ మాలో మాత్రం ఓ షో చేస్తుంది.   

'జబర్దస్త్' వదిలేసింది - మూడు సినిమాలు సైన్ చేసింది!

బుల్లితెరపై యాంకర్ గా విపరీతమైన ఫాలోయింగ్ సంపాదించుకుంది అనసూయ. 'జబర్దస్త్' షో ఆమె కెరీర్ ను మలుపు తిప్పింది. ఈ షో తన హాట్ కాస్ట్యూమ్స్ తో వార్తల్లో నిలిచేది అనసూయ. ఎవరెంతగా ట్రోల్ చేసినా.. అనసూయ మాత్రం తన వేషధారణ మార్చుకోలేదు. అయితే ఇప్పుడామె 'జబర్దస్త్' షోకి గుడ్ బై చెప్పేసింది. ఈ మధ్యకాలంలో అనసూయ సినిమాల పరంగా చాలా బిజీగా ఉంది. ఆమె లీడ్ రోల్ లో కొన్ని సినిమాలు తెరకెక్కుతున్నాయి. 

అలానే క్యారెక్టర్ ఆర్టిస్ట్ గా కూడా సినిమా చేస్తుంది. బిజీ షెడ్యూల్స్ కారణంగా.. ఆమె 'జబర్దస్త్' షో నుంచి తప్పుకున్నట్లు సమాచారం. అయితే స్టార్ మాలో మాత్రం ఓ షో చేస్తుంది. ఇదిలా ఉండగా.. ఇప్పుడు ఈ బ్యూటీకి ఇండస్ట్రీలో మరిన్ని అవకాశాలు వస్తున్నాయని తెలుస్తోంది. రీసెంట్ గా అనసూయ రెండు తమిళ సినిమాలు, ఒక మలయాళం సినిమా సైన్ చేసిందట. త్వరలోనే ఈ మూడు సినిమాల షూటింగ్స్ లో పాల్గోనుంది ఈ బ్యూటీ. 

అలానే తెలుగులో పాన్ ఇండియా సినిమా 'పుష్ప2'లో కనిపించనుంది. ఇప్పటికే 'పుష్ప ది రైజ్'లో తన క్యారెక్టర్ తో ఆకట్టుకుంది అనసూయ. ఇప్పుడు పార్ట్ 2లో ఆమె పాత్రకు మరింత ప్రాముఖ్యత ఉంటుందని చెబుతున్నారు. మొత్తానికి అనసూయ సినిమా కెరీర్ కాస్త ఆలస్యంగా మొదలైనా.. జోరుగా సాగిపోతుంది. సినిమాలతో పాటు వెబ్ సిరీస్ లు కూడా ఒప్పుకుంటుందట ఈ బ్యూటీ. త్వరలోనే వాటికి సంబంధించిన అనౌన్స్మెంట్స్ రాబోతున్నాయి. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Anasuya Bharadwaj (@itsme_anasuya)