Ajith’s Thunivu In Telugu: సంక్రాంతి బరిలో అజిత్‌ ‘తునివు’ - తెలుగులోనూ రిలీజ్, ఈసారైనా ఆ కష్టాలు తీరేనా?

తమిళ టాప్ హీరోల్లో అజిత్ ఒకరు. తెలుగులో మాత్రం ఆయనకు మార్కెట్ పెద్దగా లేదు. తన సినిమాలకు తెలుగు వెర్షన్ నిర్మాతలు దొరక్క ఇబ్బంది పడుతున్నారు. తన తాజా మూవీ ‘తునివు’తోనైనా ఆ బాధలు తీరుతాయేమో చూడాలి.

Photo@BoneyKapoor/twitter

కోలీవుడ్ టాప్ స్టార్ అజిత్ నటిస్తున్న తాజా సినిమా ‘తునివు’. వినోద్ దర్శకత్వంలో యాక్షన్ థ్రిల్లింగ్ ఎంటర్ టైనర్ గా తెరకెక్కుతోంది. ఈ సినిమాను బాలీవుడ్ నిర్మాత బోనీ కపూర్ నిర్మిస్తున్నారు. ఇక ఈ సినిమాలో మంజు వారియర్ హీరోయిన్ గా చేస్తోంది. ఇప్పటికే ఈ సినిమా నుంచి విడుదలైన ఫస్ట్ లుక్ పోస్టర్లు ఆకట్టుకుంటున్నాయి. ఈ మూవీ సంక్రాంతి కానుకగా తమిళం, తెలుగు సహా పలు భాషల్లో విడుదల కాబోతోంది.

‘తునివు’తోనైనా ఆ కష్టాలు తీరేనా?

అజిత్ కుమార్ తమిళ సినిమా పరిశ్రమలో టాప్ హీరోగా కొనసాగుతున్నా, తెలుగులో పెద్దగా మార్కెట్ లేదు. ఈ నేపథ్యంలో ఆయన సినిమాల తెలుగు వెర్షన్ నిర్మాతలు దొరక్క చాలా ఇబ్బందులు పడుతున్నారు. ఈ నేపథ్యంలో ‘తునివు’ సినిమా సంక్రాంతి బరిలో నిలిచింది. ఈ  సినిమాకు సంబంధించి  రాధా కృష్ణ ఎంటర్‌టైన్‌మెంట్స్, IVY ప్రొడక్షన్స్ కలిసి ఆంధ్రప్రదేశ్ తో పాటు తెలంగాణ రాష్ట్రాల తెలుగు థియేట్రికల్ హక్కులను దక్కించుకున్నాయి. ఈ మూవీ  తెలుగులో  బాలకృష్ణ నటించిన ‘వీరసింహారెడ్డి’, చిరంజీవి నటించిన ‘వాల్తేర్ వీరయ్య’, విజయ్ ‘వారసుడు’ సినిమాలతో పోటీకి దిగనుంది.

మరో హిట్ కొట్టాలని భావిస్తున్న దర్శకుడు వినోద్

‘తునివు’ అంటే పట్టుదల లేదంటే ధైర్యం అని అర్థం. తెలుగు డబ్బింగ్ వెర్షన్‌కు అదే టైటిల్‌ను ఉంచుతారా? లేదా కొత్తది పెడతారా? అనేది ఇంకా తెలియదు. కార్తీ హీరోగా నటించిన ‘ఖాకీ’ సినిమాతో మంచి గురింపు తెచ్చుకున్న దర్శకుడు వినోద్, ఈ సినిమాతో మరో హిట్ కొట్టాలని భావిస్తున్నాడు.

డిసెంబర్ 9న ‘తునివు’ ఫస్ట్ సింగిల్ విడుదల

ఇక తమిళ నాట విజయ్, అజిత్ అభిమానుల మధ్య వార్ మామూలుగా ఉండదు. ఈ ఇద్దరు హీరోలు నటిస్తున్న సినిమాలు సంక్రాంతికి థియేటర్లలో విడుదల కానున్నాయి. విజయ్ ‘వారిసు’ సినిమా పోటీకి రెడీ కాగా, తెలుగులో ‘వారసుడు’ పేరుతో విడుదల అవుతుంది. అటు అజిత్ ‘తునివు’ సైతం రిలీజ్ కు సిద్ధం అవుతోంది.  అటు విజయ్ ఇప్పటికే ‘వరిసు’ ప్రమోషన్స్ లో పాల్గొంటున్నాడు. అజిత్ మాత్రం ఇంకా తన సినిమా ప్రమోషన్స్ ప్రారంభించలేదు. ఈ నేపథ్యంలోనే సినిమా యూనిట్ ప్రేక్షకులకు గుడ్ న్యూస్ చెప్పింది. ‘తునివు’ నుంచి ఫస్ట్ సింగిల్ రిలీజ్ కు టైం ఫిక్స్ చేసింది. ఈ సినిమాలోని ‘చిల్లా చిల్లా’ అనే పాటను డిసెంబర్ 9న విడుదల చేయనున్నట్లు వెల్లడించింది. ఈ పాటతో సినిమా ప్రమోషన్ మొదలుకానుంది. ఈ చిత్రానికి జీబ్రాన్ మ్యూజిక్ అందిస్తున్నారు.  

The Wait is over! 💥 #ChillaChilla is coming to rule your Playlist 😉 from December 09#ChillaChillaFromDec9 #ThunivuPongal #Thunivu #NoGutsNoGlory#Ajithkumar #HVinoth@ZeeStudios_ @Udhaystalin @BayViewProjOffl @RedGiantMovies_ @Kalaignartv_off @NetflixIndia pic.twitter.com/3ommR06X16

— Boney Kapoor (@BoneyKapoor) December 5, 2022