Aditi Rao Hydari: ప్రేమ లేదంటారు, మరి ఈ వీడియో ఏంటి సిద్దూ?

గత కొంత కాలంగా నటుడు సిద్ధార్థ్, హీరోయిన్ అతిథి రావు హైదరి రిలేషన్షిప్ పై వార్తలు వస్తున్నాయి. ఈ నేపథ్యంలో సిద్దార్థ్ పుట్టిన రోజు సందర్భంగా అతిథి చేసిన పోస్ట్ సోషల్ మీడియాలో వైరల్ అవుతోంది.

Image Credit: Siddharth/Instagram

Aditi Rao Hydari: ప్రస్తుతం సినీవర్గాల్లో నటుడు సిద్దార్థ్, హీరోయిన్ అతిథి రావు హైదరీ రిలేషన్షిప్ వ్యవహారం హాట్ టాపిక్ గా మారింది. గత కొన్ని నెలలుగా వీరిద్దరూ డేటింగ్ లో ఉంటున్నారంటూ వార్తలు గుప్పుమంటున్నాయి. అయితే మొదట్లో ఇదంతా పుకార్లే అనుకున్నారంతా కానీ తర్వాత చాలా ప్రైయిట్ కార్యక్రమాల్లో సిద్దార్థ్, అతిథి కలసి కనిపించడం, అలాగే సోషల్ మీడియాలో కూడా ఇద్దరూ కలసి రీల్స్ చేయడం వంటివి చూసి వీరిద్దరూ డేటింగ్ లోనే ఉన్నారని కంఫర్మ్ చేస్తున్నారు నెటిజన్స్. అయితే ఇటీవల ఈ విషయంపై అతిథిని ప్రశ్నించగా చాలా తెలివిగా సమాధానం చెప్పింది. అసలు విషయాన్ని దాటవేసింది. కానీ వీరిపై రిలేషన్షిప్ పై వార్తలు మాత్రం ఆగడం లేదు. ఏప్రిల్ 17న నటుడు సిద్దార్థ్ పుట్టిన రోజు. ఈ నేపథ్యంలో అతిథి కూడా సిద్దార్థ్ కు పుట్టిన రోజు శుభాకాంక్షలు తెలిపింది. ఇద్దరూ చిన్న పిల్లల్లా ఎగురుతున్న వీడియో ఒకటి పోస్ట్ చేసింది.

అతిథి సిద్దార్థ్ కు పుట్టిన రోజు శుభాకాంక్షలు తెలుపుతూ తన సోషల్ మీడియా ఖాతాలో ఓ స్పెషల్ పోస్ట్  చేసింది. పుట్టిన రోజు శుభాకాంక్షలు సిద్దూ.. నువ్ ఎల్లప్పుడూ ఆనందంగా, సంతోషంగా ఉండాలి అంటూ పోస్ట్ చేసింది. దీనితో పాటు ఓ వీడియోను కూడా అతిథి షేర్ చేసింది. ఇందులో వారిద్దరూ ఒకరి చేతిలో ఒకరి చేయి పట్టుకుని సరదాగా గెంతుతూ వెళ్తున్నట్టు ఆ వీడియోలో కనిపించింది. వీడియో మధ్యలో సిద్దార్థ్ కాలు అడ్డుతగిలి ముందుకు పడబోయాడు. మళ్లీ వెంటనే బ్యాలెన్స్ చేసుకొని ముందుకు సాగాడు. ఈ వీడియోను షేర్ చేస్తూ అతిథి సిద్దార్థ్ కు పుట్టిన రోజు శుభాకాంక్షలు తెలిపింది. సిద్దార్థ్ సినిమా కెరీర్ లో కూడా ఎన్నో ఒడిదుడుకులను చూశాడు. కానీ మళ్లీ తన కాళ్ల మీద తానే నిలబడి ఇప్పుడు వరుసగా సినిమాలు చేస్తున్నాడు. ఈ విషయాన్నే అతిథి సింబాలిక్ గా చెప్పడానికి ఈ వీడియోను షేర్ చేసిందని నెటిజనులు చర్చించుకుంటున్నారు.  

ఇక సిద్దార్థ్, అతిథి రావు హైదరీ డేటింగ్ గురించి గత కొన్నాళ్లుగా వార్తలు వస్తూనే ఉన్నాయి. అయితే ఈ మధ్య వీరిద్దరూ కలసి ఎక్కువగా రీల్స్ చేస్తున్నారు. ప్రైవేటు కార్యక్రమాలకు కూడా ఇద్దరూ కలిసే వెళ్తున్నారు. ఇటీవల జరిగిన హీరో శర్వానంద్ ఎంగేజ్మెంట్ కు కూడా ఇద్దరూ కలసి వెళ్లారు. దీంతో వీరిద్దరూ ప్రేమలో ఉన్నారంటూ వార్తలు వస్తున్నాయి. అయితే ఈ వార్తలపై ఇద్దరూ ఇప్పటివరకూ ఎలాంటి క్లారిటీ ఇవ్వలేదు. తాజాగా అతిథి సిద్దార్థ్ కు పుట్టిన రోజు శుభాకాంక్షలు చెబుతూ ఇద్దరూ కలసి ఉన్న వీడియోను షేర్ చేయడంతో వీరి ప్రేమ వ్యవహారం చర్చనీయాంశమైంది. సిద్దార్థ్, అతిథి ఇద్దరూ కలసి 'మహా సముద్రం'లో నటించారు. ఆ సినిమా సమయంలో మొదలైన వీరి పరిచయం ఆ తర్వాత ప్రేమగా మారిందని ఫిల్మ్ వర్గాల్లో టాక్. సోషల్ మీడియాలో వాళ్ళిద్దరి వ్యవహార శైలి చూస్తే ఆ విషయం క్లియర్ గా తెలుస్తుంది. ప్రస్తుతం సిద్దార్థ్, అతిథి కూడా పలు భారీ ప్రాజెక్టు సినిమాల్లో నటిస్తున్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Aditi Rao Hydari (@aditiraohydari)