Nikesha Patel: అబ్బాయి దొరికేశాడు, త్వరలోనే పెళ్లి - పవన్ హీరోయిన్ క్లారిటీ

ప్రస్తుతం సినిమా ఇండస్ట్రీలో పెళ్లిళ్ల సీజన్ నడుస్తోంది. రీసెంట్ గా కత్రినా కైఫ్, అలియాభట్ లాంటి బాలీవుడ్ హీరోయిన్లు పెళ్లిళ్లు చేసుకున్నారు. సౌత్ సినిమా ఇండస్ట్రీలో కూడా చాలా మంది హీరోలు, హీరోయిన్లు కరోనా సమయంలో పెళ్లిళ్లు చేసుకున్నారు. ఇప్పుడు టాలీవుడ్ నటి నికీషా పటేల్ కూడా పెళ్లిపీటలు ఎక్కబోతుంది. పవన్ కళ్యాణ్ నటించిన 'కొమరం పులి' సినిమాతో హీరోయిన్ గా ఎంట్రీ ఇచ్చింది నికీషా పటేల్. 

ఈ సినిమా డిజాస్టర్ కావడంతో ఆమెకి తెలుగులో అవకాశాలు పెద్దగా రాలేదు. తమిళ, కన్నడ సినిమాల్లో కూడా అవకాశాల కోసం ప్రయత్నించింది కానీ వర్కవుట్ కాలేదు. దీంతో తన కెరీర్ కి ఫుల్ స్టాప్ పెట్టేసి లండన్ కి వెళ్లిపోయింది. అక్కడకు వెళ్లిపోయినా.. టాలీవుడ్ తో రెగ్యులర్ గా టచ్ లోనే ఉంటుంది ఈ బ్యూటీ. ఎప్పటికప్పుడు ట్విట్టర్ లో నెటిజన్లతో ముచ్చటిస్తుంటుంది. 

ఈ క్రమంలో ఓ నెటిజన్ పెళ్లి గురించి ప్రశ్నించాడు. దానికి ఆమె.. తన మనసుకి నచ్చినవాడు దొరికేశాడని.. బ్రిటన్ లోనే ఉన్నాడని చెప్పింది. త్వరలోనే పెళ్లి చేసుకుంటానని చెప్పింది. అలానే టాలీవుడ్ హీరోల గురించి మాట్లాడింది. మహేష్ బాబు గురించి చెప్పమని అడగ్గా.. 'ఫెయిర్ అండ్ లవ్లీ' అని చెప్పింది. ప్రభాస్.. మంచి ఫ్రెండ్ అని, రజినీకాంత్.. కింగ్ అని చెప్పుకొచ్చింది. పవన్ కళ్యాణ్ గడ్డమంటే ఇష్టమని చెప్పిన నికీషా.. మెగాస్టార్ గురించి అడిగితే.. ' ఇండస్ట్రీలో చాలామంది మెగాస్టార్లు ఉన్నారు. ఇంతకీ మీరు ఏ మెగాస్టార్‌ గురించి అడుగుతున్నారు?' అని రివర్స్ లో ప్రశ్నించింది.

దీంతో నెటిజన్లు ఆమెపై ఫైర్ అవుతున్నారు. పవన్ తో సినిమా చేశావ్.. ఆయన బ్రదర్ ఎవరో తెలియదా..? అంటూ మండిపడుతున్నారు. అందుకే నీకు సినిమా అవకాశాలు రావడం లేదని మరికొందరు కామెంట్స్ చేస్తున్నారు. మరి నికీషా ఏ కాంటెక్స్ట్ లో అలా మాట్లాడిందో తెలియడం లేదు!

Also Read: ఆ గాయం మానడానికి ఆరు నెలలు పట్టింది! - సమంత

Also Read: అంతర్జాతీయ పోటీల్లో స్వర్ణం సాధించిన వేదాంత్ మాధవన్, పుత్రోత్సాహంలో మునిగితేలుతున్న నటుడు మాధవన్

Good friend! Humble but too tall for me https://t.co/QamG4DJcBx

— Nikesha Patel (@NikeshaPatel) April 17, 2022

Which mega star there so many? https://t.co/RYGkM6dQk0

— Nikesha Patel (@NikeshaPatel) April 17, 2022

Soon! Found him! Uk https://t.co/milyEyEY6Z

— Nikesha Patel (@NikeshaPatel) April 17, 2022