పెళ్లికి వయసుతో సంబంధం లేదు, అదే ముఖ్యం: నటి మాధవీ లత

సోషల్ మీడియాలో యాక్టివ్ గా ఉంటుంది నటి మాధవీ లత. ఇటీవల ఆమె పెళ్లిపై వస్తోన్న వార్తలపై స్పందించింది. ఈ మేరకు ఓ పోస్ట్ చేసింది.

Image Credit:Madhavi Latha/Instagram

టాలీవుడ్ లో హీరోయిన్ గా గుర్తింపు తెచ్చుకుని అతి తక్కువ కాలంలోనే తెరమరుగు అయిపోయిన హీరోయిన్ లు చాలా మందే ఉన్నారు. అలాంటి వారిలో నటి మాధవీ లత ఒకరు. ‘నచ్చావులే’, ‘స్నేహితుడా’ వంటి సినిమాలతో మంచి గుర్తింపు తెచ్చుకుంది మాధవి. అయితే కొన్నాళ్లకు సినిమా అవకాశాలు తగ్గడంతో రాజకీయాల్లోకి ఎంట్రీ ఇచ్చింది. ఆ తర్వాత అక్కడ కూడా కలసి రాకపోవడంతో సోషల్ మీడియాలో యాక్టీవ్ గా ఉంటుంది. అప్పుడప్పుడూ కాంట్రవర్సి కామెంట్లు కూడా చేసి వార్తల్లోకి ఎక్కింది ఈ బ్యూటీ. అయితే మాధవీ లత సోషల్ మీడియాలో ఎక్కువగా ఉండటంతో ఆమెను చాలా మంది ఫాలో అవుతూ ఉంటారు. అంతేకాదు ఆమె పోస్ట్ లపై స్పందిస్తారు కూడా. ఈ మధ్య సోషల్ మీడియాలో ఆమె పెళ్లి గురించి నెటిజన్లు ఎక్కువగా ప్రశ్నిస్తూ వస్తున్నారు. ఈ నేపథ్యంలో పెళ్లి పట్ల తన అభిప్రాయాన్ని చెప్తూ ఓ పోస్ట్ చేసింది మాధవి. ప్రస్తుతం ఆ పోస్ట్ నెట్టింట వైరల్ అవుతోంది. 

శారీరకంగా, మానసికంగా నేను సిద్ధంగా లేను: మాధవీ లత

నటి మాధవీ లతకు సోషల్ మీడియాలో ఫ్యాన్స్ ఎక్కువగానే ఉన్నారు. ఈ నేపథ్యంలోనే కొంతమంది నెటిజన్స్ ఆమెను పెళ్లెప్పుడు అంటూ కామెంట్లు చేస్తున్నారు. తన పెళ్లిపై వస్తోన్న కామెంట్లకు కౌంటర్ ఇవ్వాలనుకుందో ఏమో పెళ్లి గురించి ఓ ఆసక్తికరమైన పోస్ట్ చేసింది. అందులో పెళ్లి పై తనకున్న అభిప్రాయాన్ని చెప్పింది. పెళ్లి అనేది వయసుకు సంబంధించింది కాదని, ఆమె శారీరకంగా, మానసికంగా పెళ్లి సిద్దంగా ఉన్నప్పుడే పెళ్లి చేయాలని అదే పెళ్లికి సరైన సమయమని అంది. పెళ్లికి వయసుతో సంబంధం లేదని, అది ఆమె నిర్ణయానికి సంబంధించింనదని చెప్పుకొచ్చింది. అయితే తాను కూడా ప్రస్తుతం శారీరకంగా, మానసికంగా పెళ్లికి సిద్దంగా లేనని, భవిష్యత్ లో కూడా దానిపై క్లారిటీ లేదని పేర్కొంది. ఇది నా జీవితం, నా ఇష్టం అంటూ రాసుకొచ్చింది మాధవి. 

అవకాశాలు రాక రాజకీయాల్లో రానించలేక..

నటి మాధవీ లత చిన్న చిన్న పాత్రలు చేస్తూ సినిమా రంగంలోకి అడుగు పెట్టింది. తర్వాత 2008లో రవిబాబు దర్శకత్వంలో వచ్చిన ‘నచ్చావులే’ సినిమాలో హీరోయిన్ గా చేసింది. ఈ మూవీ తర్వాత పలు సనిమాల్లో నటించింది మాధవీ. అయితే సినిమా రంగంలో ఆమెకు అనుకున్నంత గుర్తింపు రాలేదు. దీంతో కొన్నాళ్లు సినిమాలకు గ్యాప్ ఇచ్చింది. తర్వాత పాలిటిక్స్ లోకి ఎంట్రీ ఇచ్చింది. బీజేపీ పెద్దల సమక్షంలో ఆ పార్టీలో చేరింది. ఆ పార్టీకు మద్దతుగా సోషల్ మీడియాలో పోస్ట్ లు చేస్తూ వచ్చింది. అలా కొన్ని కాంట్రవర్సీ  కామెంట్స్ చేసి వార్తల్లోకి కూడా ఎక్కింది. ఇప్పుడు కూడా సోషల్ మీడియాలో ఏదొక వ్యాఖ్యలు చేస్తూ ట్రెండింగ్ లో ఉంటుంది మాధవి. రాజకీయంగానే కాకుండా సినిమా ఇండస్ట్రీ పై కూడా పలు సంచలన వ్యాఖ్యలు చేసి వార్తల్లో నిలిచింది మాధవీ. ప్రస్తుతం సోషల్ మీడియాలో యాక్టీవ్ గా ఉంటున్న ఆమె పెళ్లి పై వస్తోన్న వార్తలపై తనదైన శైలిలో స్పందించి మరోసారి ట్రెండింగ్ అవుతోంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by MadhaviLatha ll sanathani ll BJP Women ll Orator ll (@actressmaadhavi)