Junaid Khan: ‘సూపర్ మ్యాన్’ కాదు అమీర్ ఖాన్ కొడుకు - అతడిని చూస్తే మీరూ ఇలాగే కన్‌ఫ్యూజ్ అవుతారు!

Junaid Khan: అమీర్ ఖాన్ కొడుకు జునైద్ తాజా ఫోటోలు సోషల్ మీడియాలో బాగా వైరల్ అవుతున్నాయి. ఆయన అచ్చం సూపర్‌ మ్యాన్ నటుడు హెన్రీ కావిల్‌ లాగే ఉన్నారని నెటిజన్లు కామెంట్స్ పెడుతున్నారు.

అమీర్, జునైద్,హెన్రీ కావిల్‌(Photo Credit: Social Media)

Junaid Khan Looks Like Superman Star Henry Cavill: అమీర్ ఖాన్ కుమారుడు జునైద్ ఖాన్ పెద్దగా మీడియా ముందుకు రాడు. లో ప్రొఫైల్ మెయింటెయిన్ చేస్తాడు. అమీర్ ఖాన్, అతడి మాజీ భార్య రీనా దత్తా కుమారుడు జునైద్ ఖాన్. త్వరలో ఆయన కూడా బాలీవుడ్ ఎంట్రీ ఇవ్వనున్నాడు. తాజాగా తన సోదరి ఇరా ఖాన్ వివాహ వేడుకలో పాల్గొన్నారు. ఫోటోల్లో ఆయన బాగా హైలెట్ అయ్యాడు. ఈ ఫోటోలు సోషల్ మీడియాలో వైరల్ అయ్యాయి. అయితే, జునైద్ హాలీవుడ్ సూపర్ మ్యాన్ హెన్రీ కావిల్ పోలికలతో ఉన్నాడనే కామెంట్స్ పెడుతున్నారు. ఇద్దరూ ఒకేలా ఉన్నారంటూ వారి ఫోటోలను షేర్ చేస్తున్నారు. 

దేశీ సూపర్ మ్యాను జునైద్ ఖాన్

రీసెంట్ గా జునైద్ సోదరి ఇరా ఖాన్, నూపుర్ శిఖరే వివాహం అంగరంగ వైభవంగా జరిగింది. ఈ వేడుకలో పలువురు సినీ, రాజకీయ, వ్యాపార ప్రముఖులు పాల్గొన్నారు. అటు జునైద్ కూడా తన తల్లితో కలిసి ఈ వేడుకలో పాల్గొన్నారు. అమీర్ తో కలిసి ఫోటోలకు ఫోజులిచ్చారు. ఈ ఫోటోలు బయటకు రావడంతో జునైద్, హాలీవుడ్ స్టార్ హెన్రీ కావిల్ సేమ్ టు సేమ్ ఉన్నారని నెటిజన్లు అభిప్రాయపడుతున్నారు. మరికొంత మంది ఓ అడుగు ముందుకు వేసి జునైద్ ను దేశీ సూపర్ మ్యాన్ గా అభివర్ణించారు. జునైద్, హెన్రీ ఫోటోలను చూసి ఇద్దరూ భలే ఉన్నారే? అంటున్నారు. 

‘మహారాజా‘ సినిమాతో బాలీవుడ్ లోకి జునైద్ ఖాన్ ఎంట్రీ

జునైద్‌ ఖాన్‌ ‘మహారాజా‘ సినిమాతో బాలీవుడ్ లోకి అడుగు పెట్టబోతున్నాడు. ఈ సినిమాకు సిద్ధార్థ్‌ పి. మల్హోత్రా దర్శకత్వం వహిస్తున్నారు. ప్రముఖ నిర్మాణ సంస్థ యష్ రాజ్‌ ఫిల్మ్స్ ఈ చిత్రాన్ని నిర్మిస్తోంది. ఎప్పుడో ప్రారంభం అయిన ఈ సినిమా షూటింగ్ నెమ్మదిగా కొనసాగుతోంది. ఇక ఈ సినిమా 1862 నేపథ్యంలో సాగుతుందని తెలుస్తోంది. ఇందులో జునైద్‌ ఖాన్‌ న్యాయవాది పాత్రలో కనిపిస్తారనీ టాక్‌. ‘అర్జున్‌ రెడ్డి’ ఫేమ్‌ షాలినీ పాండే ఈ చిత్రంలో నటిస్తోంది. ఇప్పటికే ఈ సినిమాపై భారీగా అంచనాలు నెలకొన్నాయి. అమీర్ ఖాన్ వారసుడిగా వెండితెరకు పరిచయం చేసే సినిమా ఏ రేంజిలో ఉంటుందోనని అందరూ ఆసక్తిగా ఎదురు చూస్తున్నారు.

ఇక ఇరా ఖాన్, జునైద్ ఖాన్ అమీర్ ఖాన్ మొదటి భార్య రీనా దత్త పిల్లలు. ఆమెకు విడాకులు ఇచ్చిన తర్వాత అమీర్ కిరణ్ రావు‌ను రెండో పెళ్లి చేసుకున్నారు. వీరికి ఆజాద్ రావు ఖాన్ అనే తనయుడు ఉన్నాడు. జునైద్ ఇప్పటికే తన తండ్రి హీరోగా నటించిన ‘పీకే’ సినిమా కోసం రాజ్ కుమార్ హిరానీ దగ్గర అసిస్టెంట్‌గా పని చేశాడు. దీంతో పాటు ‘మాస్టర్ మైండ్స్’ అనే ఓ టీవీ షోకు సంబంధించి డైరెక్షన్ డిపార్ట్ మెంట్ లో వర్క్ చేశాడు.