LAWCET: టీఎస్ లాసెట్ రెండో విడతలో 3,331 మందికి ప్రవేశాలు, రిపోర్టింగ్ గడువు ఇదే
LAWCET 2023 Seat Allotment: తెలంగాణలో లాసెట్, పీజీలాసెట్ తుది విడత కౌన్సెలింగ్లో డిసెంబరు 19న సీట్లను కేటాయించారు.అందుబాటులో ఉన్న 3,447 సీట్లకుగాను 3,331 మందికి సీట్లు కేటాయించారు.
LAWCET 2023 Seat Allotment: తెలంగాణలో లాసెట్, పీజీలాసెట్ తుది విడత కౌన్సెలింగ్లో డిసెంబరు 19న సీట్లను కేటాయించారు. అందుబాటులో ఉన్న 3,447 సీట్లకుగాను 10,375 మంది విద్యార్థులు వెబ్ ఆప్షన్లు ఎంచుకొన్నారు. వీరిలో 3,331 మందికి సీట్లు కేటాయించారు. మొత్తం 96 శాతం సీట్లు భర్తీ అయ్యాయి. ఇంకా 116 సీట్లు మిగిలాయి. తొలి విడత కౌన్సెలింగ్లో 6,894 సీట్లుండగా 5,912 మంది సీట్లు పొందారు. వీరిలో 3,729 మంది విద్యార్థులు రిపోర్ట్ చేశారు. సీట్లు పొందిన వారు డిసెంరబు 23లోపు నిర్ణీత ట్యూషన్ ఫీజు చెల్లించి సంబంధిత కాలేజీల్లో రిపోర్టింగ్ చేయాల్సి ఉంటుంది.
సీట్ల భర్తీ వివరాలు..
➥ రెండో విడత కౌన్సెలింగ్లో మొత్తం 3,447 సీట్లకుగాను 3331 సీట్లు భర్తీ అయ్యాయి.
➥ మూడేళ్ల లాకోర్సులో మొత్తం 2,120 సీట్లు అందుబాటులో ఉండగా.. 2097 సీట్లు భర్తీ అయ్యాయి.
➥ ఐదేళ్ల లా కోర్సులో మొత్తం 917 సీట్లు అందుబాటులో ఉండగా.. 793 సీట్లు భర్తీ అయ్యాయి.
➥ ఎల్ఎల్ఎం కోర్సులో మొత్తం 410 సీట్లు అందుబాటులో ఉండగా.. 441 సీట్లు (స్లైడింగ్ కలిపి) భర్తీ అయ్యాయి.
సీట్ల వివరాలు ఇలా..
➥ మూడేళ్ల ఎల్ఎల్బీ కోర్సు పరీక్షలో మొత్తం 20,234 మంది అభ్యర్థులు అర్హత సాధించగా.. రాష్ట్రంలోని 22 కళాశాలల్లో మొత్తం 4,790 సీట్లు అందుబాటులో ఉన్నాయి.
➥ అయిదేళ్ల ఎల్ఎల్బీ కోర్సు పరీక్షలో మొత్తం 6,039 మంది అభ్యర్థులు అర్హత సాధించగా.. రాష్ట్రంలోని 19 కళాశాలల్లో మొత్తం 2,280 సీట్లు అందుబాటులో ఉన్నాయి.
➥ ఇక రెండేళ్ల ఎల్ఎల్ఎం పరీక్షలో మొత్తం 2,776 మంది అభ్యర్థులు అర్హత సాధించగా.. రాష్ట్రంలోని 17 కళాశాలల్లో మొత్తం 930 సీట్లు అందుబాటులో ఉన్నాయి.
తొలివిడత కౌన్సెలింగ్ ఇలా జరిగింది..
➥ నవంబర్ 14 - 21 వరకు ఆన్లైన్ రిజిస్ట్రేషన్, సర్టిఫికేట్ వెరిఫికేషన్.
➥ నవంబరు 23, 24 తేదీల్లో వెబ్ ఆప్షన్ల నమోదు.
➥ నవంబరు 30న సీట్ల కేటాయింపు.
➥ డిసెంబరు 2 వరకు ఫీజు చెల్లించి, సంబంధిత కళాశాలల్లో రిపోర్టింగ్, ఒరిజినల్ ధ్రువపత్రాల పరిశీలన.
➥ డిసెంబరు 4న తరగతులు ప్రారంభం.
తుది విడత కౌన్సెలింగ్ ఇలా జరిగింది..
➥ డిసెంబరు 11 నుంచి 13 వరకు ఆన్లైన్ రిజిస్ట్రేషన్, సర్టిఫికేట్ వెరిఫికేషన్.
➥ డిసెంబరు 14న అర్హులైన అభ్యర్థుల జాబితా వెల్లడి
➥ డిసెంబరు 14 నుంచి 16 వరకు వెబ్ ఆప్షన్ల నమోదు.
➥ డిసెంబరు 16న ఆప్షన్ల మార్పు
➥ డిసెంబరు 19న సీట్ల కేటాయింపు.
➥ డిసెంబరు 23 వరకు ఫీజు చెల్లించి, సంబంధిత కళాశాలల్లో రిపోర్టింగ్, ఒరిజినల్ ధ్రువపత్రాల పరిశీలన.
టీఎస్ లాసెట్, పీజీ లాసెట్ ప్రవేశ పరీక్ష మే 25న మూడు సెషన్లలో నిర్వహించిన సంగతి తెలిసిందే. మొదటి సెషన్ను ఉదయం 9:30 గంటల నుంచి 11 గంటల వరకు, రెండో సెషన్ను మధ్యాహ్నం 12:30 నుంచి 2 గంటల వరకు నిర్వహించారు. ఐదేండ్ల లా డిగ్రీ కోర్సు విద్యార్థులకు మూడో సెషన్లో సాయంత్రం 4 నుంచి 5:30 గంటల వరకు నిర్వహించారు. ఈ ఏడాది లాసెట్, పీజీఎల్సెట్ పరీక్షలకు దాదాపు 30 వేల మంది అభ్యర్థులు హాజరయ్యారు. ఫలితాల అనంతరం కౌన్సెలింగ్ తేదీలను ప్రకటించనున్నారు. పరీక్షల ఆన్సర్ కీని మే 29న ఆన్సర్ కీని విడుదల చేశారు. ఆన్సర్ కీపై మే 31 వరకు దరఖాస్తులు స్వీకరించారు. లాసెట్ ర్యాంకుల ఆధారంగా ఆయా కాలేజీల్లో సీట్లు కేటాయిస్తారు. మొదటి, రెండో సెషన్లకు తెలంగాణలో 60, ఆంధ్రప్రదేశ్లో 4 పరీక్షా కేంద్రాలను ఏర్పాటు చేశారు. మూడో సెషన్కు తెలంగాణలో 41, ఏపీలో 4 కేంద్రాలను ఏర్పాటు చేశారు. మూడేండ్ల లా డిగ్రీ కోర్సుకు 31,485 మంది, ఐదేండ్ల లా డిగ్రీ కోర్సులకు 8,858 మంది, ఎల్ఎల్ఎంకు 3,349 మంది దరఖాస్తు చేసుకున్నారు. లాసెట్, పీజీ ఎల్సెట్కు 43,692 మంది హాజరయ్యారు కానున్నారు. పరీక్షకు హాజరైనవారిలో లాసెట్ (మూడేళ్ల ఎల్ఎల్బీ)లో 78.59 శాతం, లాసెట్ (ఐదేండ్ల ఎల్ఎల్బీ)లో 80.21 శాతం, పీజీ ఎల్సెట్(ఎల్ఎల్ఎం)లో 94.36 శాతం ఉత్తీర్ణత సాధించారు.
టాప్ హెడ్ లైన్స్
ట్రెండింగ్ వార్తలు
