అన్వేషించండి

Model School Applications: ‘మోడల్ స్కూల్’ ప్రవేశాలకు 65,140 దరఖాస్తులు, పరీక్ష ఎప్పుడంటే?

Telangana News: తెలంగాణలోని 194 ఆదర్శ పాఠశాలల్లో ప్రవేశాలకు సంబంధించి మొత్తం 65,140 మంది విద్యార్థులు దరఖాస్తు చేసుకున్నారు. వీరిలో కేవలం 6వ తరగతికి మాత్రమే 35,436 మంది దరఖాస్తు చేసుకున్నారు.

Written By : Omprakash | Updated at : 14 Mar 2024 07:07 AM (IST)

total 65140 applications for telangana model school admissions check exam date here Model School Applications: ‘మోడల్ స్కూల్’ ప్రవేశాలకు 65,140 దరఖాస్తులు, పరీక్ష ఎప్పుడంటే?

టీఎస్‌ఎంఎస్ ప్రవేశాలు

Model School Application: తెలంగాణలోని 194 ఆదర్శ పాఠశాలల్లో ప్రవేశాలకు సంబంధించి మొత్తం 65,140 మంది విద్యార్థులు దరఖాస్తు చేసుకున్నారు. వీరిలో కేవలం 6వ తరగతికి మాత్రమే 35,436 మంది దరఖాస్తు చేసుకున్నారు. ఇక ఏడో తరగతికి 10,177 మంది ఉన్నారు. అత్యధికంగా ఖమ్మం జిల్లా కారేపల్లి మోడల్‌ స్కూల్‌కు 1,915 మంది దరఖాస్తు చేసుకున్నారు. ప్రకటించిన షెడ్యూలు ప్రకారం.. ఏప్రిల్ 7న మోడల్ స్కూళ్లు ఉన్న మండల కేంద్రాల్లో ప్రవేశ పరీక్ష నిర్వహిస్తారు. ఏప్రిల్ 7న ఉదయం 10 గంటల నుంచి 12 గంటల వరకు 6వ తరగతికి, మధ్యాహ్నం 2 గంటల నుంచి సాయంత్రం 4 గంటల వరకు 7 నుంచి 10వ తరగతికి పరీక్షలు నిర్వహిస్తారు.

ఎంపికైన విద్యార్థుల జాబితాను మే 25న వెల్లడిస్తారు. ప్రవేశాలు పొందిన విద్యార్థులకు జూన్ 1న లేదా 2023 - 24 అకడమిక్ క్యాలెండర్ ప్రకారం తరగతులు ప్రారంభిస్తారు. రాష్ట్ర వ్యాప్తంగా ఉన్న ఈ 194 మోడల్ స్కూళ్లలో 6వ తరగతిలో 100 సీట్లలో (మొత్తంగా 19,400 సీట్లు) ప్రవేశాలు కల్పించనున్నారు. అలాగే 7-10 తరగతుల్లోని మిగిలిన ఖాళీలను సీట్లను భర్తీ చేస్తారు. ప్రతి తరగతికి రెండు సెక్షన్లు ఉంటాయి. ఒక్కో సెక్షన్‌లో 50 చొప్పున విద్యార్థులు ఉంటారు. ప్రవేశాలు పొందిన విద్యార్థులకు ఐఐటీ, జేఈఈ, నీట్, ఎంసెట్, సీఏ, టీపీటీ, సీఎస్ తదితర పోటీపరీక్షలకు ఉచిత శిక్షణ ఇస్తారు.

తెలంగాణ రాష్ట్రవ్యాప్తంగా ఉన్న 194 మోడల్ స్కూళ్లలో 6వ తరగతిలో కొత్తగా ప్రవేశాలు కల్పించడంతో పాటు 7-10 తరగతుల్లోని ఖాళీ సీట్ల భర్తీకి నిర్వహించే ప్రవేశ పరీక్ష నోటిఫికేషన్ జనవరి 12న వెలువడిన సంగతి తెలిసిందే. ఇందుకు సంబంధించిన దరఖాస్తు ప్రక్రియ జనవరి 12న ప్రారంభమైంది. విద్యార్థుల నుంచి మార్చి 11 వరకు ఆన్‌లైన్‌లో దరఖాస్తులు స్వీకరించారు. దరఖాస్తు ఫీజు కింద విద్యార్థులు రూ.200 చెల్లించారు. ఈడబ్ల్యూఎస్, ఎస్సీ, ఎస్టీ, బీసీ, దివ్యాంగ విద్యార్థులు రూ.125 చెల్లించారు.

పరీక్ష విధానం: మొత్తం 100 ప్రశ్నలకుగాను 100 మార్కులకు రాతపరీక్ష నిర్వహిస్తారు. ఒక్కో ప్రశ్నకు ఒకమార్కు. మొత్తం నాలుగు విభాగాల నుంచి ప్రశ్నలు అడుగుతారు. ఒక్కో విభాగానికి 25 మార్కులు కేటాయించారు. 6వ తరగతికి (తెలుగు, మ్యాథమెటిక్స్, సైన్స్&సోషల్(ఈవీఎస్), ఇంగ్లిష్) నుంచి మిగతా తరగతులవారికి (ఇంగ్లిష్,మ్యాథమెటిక్స్, జనరల్ సైన్స్, సోషల్ స్టడీస్) నుంచి ప్రశ్నలు అడుగుతారు. పరీక్ష సమయం 2 గంటలు.

పరీక్ష కేంద్రం: అభ్యర్థులు వారివారి మండల కేంద్రాల్లో పరీక్షలు రాయాల్సి ఉంటుంది.

Model School Admissions: తెలంగాణ 'మోడల్‌ స్కూల్స్' ప్రవేశాలకు నోటిఫికేషన్, దరఖాస్తులు ప్రారంభం