(Source: ECI/ABP News)
Telangana 10th Supplementary Exam: తెలంగాణ పదో తరగతి విద్యార్థులకు బిగ్ అలర్ట్- సప్లిమెంటరీ పరీక్షల షెడ్యూల్ విడుదల
TG 10th Supplementary Exam Schedule:తెలంగాణ విద్యా శాఖ పదోతరగతి సప్లిమెంటరీ పరీక్షల షెడ్యూల్ను విడుదల చేసింది. జూన్ 3వ తేదీ నుంచి పది రోజుల పాటు పరీక్షలు నిర్వహించనున్నారు.
TG 10th Supplementary Exam Schedule: తెలంగాణలో పదోతరగతి పరీక్షలు విడుదలైన మరుసటి రోజే సప్లిమెంటరీ పరీక్షల షెడ్యూల్ రిలీజ్ చేసింది. ఇప్పటికే జూన్లో అడ్వాన్స్డ్ సప్లిమెంటరీ పరీక్షలు నిర్వహిస్తామని ప్రకటించారు. ఇప్పుడు పరీక్షల తేదీలను అధికారులు వెల్లడించారు. జూన్ 3 నుంచి 13వ తేదీ వరకు పరీక్షలు నిర్వహిస్తారు. ఉదయం 9.30 గంటల నుంచి 12.30 వరకు ఎగ్జామ్స్ జరపనున్నారు.
3 జూన్ ఫస్ట్ లాంగ్వేజ్
4 జూన్ సెకండ్ లాంగ్వేజ్
5 జూన్ థర్డ్ లాంగ్వేజ్(ఇంగ్లిష్)
6 జూన్ గణితం
9 జూన్ ఫిజికల్ సైన్స్
10 జూన్ బయలాజికల్ సైన్స్
11 జూన్ సోషల్ స్టడీస్
12 జూన్ ఓఎస్ఎస్సీ మెయిన్ లాంగ్వేజ్ పేపర్ 1
13 జూన్ ఓఎస్ఎస్సీ మెయిన్ లాంగ్వేజ్ పేపర్ 2
ఏప్రిల్ 30న పరీక్ష ఫలితాలను ముఖ్యమంత్రి రేవంత్ రెడ్డి విడుదల చేశారు. అధికారిక వెబ్సైట్లతోపాటు ఏబీపీ దేశం వెబ్సైట్లో ఫలితాలు చూసుకోవచ్చు. ఈ సంవత్సరం, 4,96,374 మంది రెగ్యులర్ అభ్యర్థులు పరీక్షలకు హాజరు కాగా, 4,60,519 మంది విద్యార్థులు ఉత్తీర్ణులయ్యారు, మొత్తం 92.78% ఉత్తీర్ణత సాధించారు. పరీక్షలను క్లియర్ చేయలేని విద్యార్థులు మే 16లోపు పాఠశాలల ద్వారా మరోసారి ఫీజులు చెల్లించాల్సి ఉంటుంది. జిల్లా విద్యాశాఖ అధికారులు మే 22లోపు తుది డేటా సమర్పించాలి. ఫైన్తో కూడా ఈసారి ఫీజులు తీసుకోనున్నారు.
టాప్ హెడ్ లైన్స్
ట్రెండింగ్ వార్తలు
