CTET 2024: సీటెట్ డిసెంబరు-2024 నోటిఫికేషన్ విడుదల-దరఖాస్తు ప్రారంభం, పరీక్ష ఎప్పుడంటే?
CTET December 2024: సెంట్రల్ టీచర్ ఎలిజిబులిటీ టెస్ట్ (సీటెట్)- డిసెంబరు 2024 దరఖాస్తు ప్రక్రియను సీబీఎస్ఈ సెప్టెంబరు 17న ప్రారంభించింది. అక్టోబరు 16 వరకు దరఖాస్తులు స్వీకరించనున్నారు.
Central Teacher Eligibility Test CTET December 2024: సెంట్రల్ టీచర్ ఎలిజిబిలిటీ టెస్ట్ (సీటెట్)- డిసెంబరు 2024 నోటిఫికేషన్‌‌ను 'సెంట్రల్ బోర్డ్ ఆఫ్ సెకండరీ ఎడ్యుకేషన్ (సీబీఎస్ఈ)' సెప్టెంబరు 17న విడుదల చేసింది. ఉపాధ్యాయ వృత్తిని ఎంచుకున్నవారు తమ సామర్థ్యాన్ని అంచనా వేసుకోవడం కోసం ఏడాదికి రెండుసార్లు జాతీయ స్థాయిలో ఈ పరీక్షను సీబీఎస్ఈ నిర్వహిస్తోంది. సీటెట్ దరఖాస్తు ప్రక్రియ సెప్టెంబరు 17న ప్రారంభంకాగా.. అర్హులైన అభ్యర్థులు అక్టోబరు 10 వరకు దరఖాస్తులు సమర్పించవచ్చు. అభ్యర్థులు దరఖాస్తు ఫీజుగా ఒక్క పేపర్‌కు అయితే రూ.1000 (ఎస్సీ, ఎస్టీ, దివ్యాంగులకు రూ.500), రెండు పేపర్లకు అయితే రూ.1200 (ఎస్సీ, ఎస్టీ, దివ్యాంగులకు రూ.600) చెల్లించాల్సి ఉంటుంది. సీటెట్ ఆన్లైన్ పరీక్షను డిసెంబరు 1న దేశవ్యాప్తంగా 136 నగరాల్లో నిర్వహించనున్నారు.
వివరాలు..
✪ సెంట్రల్ టీచర్ ఎలిజిబిలిటీ టెస్ట్ (CTET) డిసెంబరు - 2024
✦ ప్రైమరీ స్టేజ్ (1 నుంచి 5 తరగతులకు బోధించడానికి) (పేపర్-1)
అర్హత: గుర్తింపు పొందిన యూనివర్సిటీ నుంచి 50 శాతం మార్కులతో డిగ్రీతోపాటు బీఈడీ లేదా ఇంటర్‌తోపాటు ఎలిమెంటరీ ఎడ్యుకేషన్/ డిప్లొమా ఇన్ ఎడ్యుకేషన్ (స్పెషల్ ఎడ్యుకేషన్) లో డిప్లొమా లేదా ఎలిమెంటరీ ఎడ్యుకేషన్‌లో డిగ్రీ లేదా డిగ్రీతోపాటు ఎలిమెంటరీ ఎడ్యుకేషన్‌లో డిప్లొమా ఉత్తీర్ణత.
✦ ఎలిమెంటరీ స్టేజ్ (6 నుంచి 8 తరగతులకు బోధించడానికి) (పేపర్ 2)
అర్హత: గుర్తింపు పొందిన యూనివర్సిటీ నుంచి 50 శాతం మార్కులతో డిగ్రీతో పాటు ఎలిమెంటరీ ఎడ్యుకేషన్‌లో డిప్లొమా/బీఈడీ లేదా 50 శాతం మార్కులతో ఇంటర్‌తోపాటు ఎలిమెంటరీ ఎడ్యుకేషన్‌లో డిగ్రీ లేదా నాలుగేండ్ల బీఏ/బీఎస్సీ ఎడ్యుకేషన్, బీఏఈడీ, బీఎస్‌ఈడీ, డిగ్రీతోపాటు బీఈడీ (స్పెషల్ ఎడ్యుకేషన్) లేదా తత్సమాన పరీక్షలో ఉత్తీర్ణత.
దరఖాస్తు ఫీజు: జనరల్/ఓబీసీ అభ్యర్థులు పేపర్-1 లేదా పేపర్-2 రూ.1000 చెల్లించాలి. రెండు పేపర్లకు దరఖాస్తు చేసుకునేవారు రూ.1200 చెల్లించాల్సి ఉంటుంది. ఎస్సీ, ఎస్టీ, పీహెచ్‌సీ అభ్యర్థులు పేపర్-1 లేదా పేపర్-2 కు రూ.500; రెండు పేపర్లకు అయితే రూ.600 చెల్లించాలి.
ఎంపిక విధానం: రాతపరీక్ష ద్వారా.
పరీక్ష విధానం..
✦ పేపర్-1: ప్రైమరీ స్టేజ్ (పీఆర్‌టీ): మొత్తం 150 మార్కులకు పేపర్-1 రాతపరీక్ష నిర్వహిస్తారు. మొత్తం 5 విభాగాలు ఉంటాయి. ఒక్కో విభాగం నుంచి 30 ప్రశ్నల చొప్పున మొత్తం 150 ప్రశ్నలు ఉంటాయి. వీటిలో చైల్డ్ డెవలప్‌మెంట్ & పెడగోజీ-30 ప్రశ్నలు-30 మార్కులు, లాంగ్వేజ్1-30 ప్రశ్నలు-30 మార్కులు, లాంగ్వేజ్2-30 ప్రశ్నలు-30 మార్కులు, మ్యాథమెటిక్స్-30 ప్రశ్నలు-30 మార్కులు, ఎన్విరాన్‌మెంటల్ స్టడీస్-30 ప్రశ్నలు-30 మార్కులు ఉంటాయి. ప్రతి ప్రశ్నకు ఒక మార్కు కేటాయించారు. పరీక్ష సమయం 2.30 గంటలు.
✦ పేపర్-2: ఎలిమెంటరీ స్టేజ్ (టీజీటీ): మొత్తం 150 మార్కులకు పేపర్-2 రాతపరీక్ష నిర్వహిస్తారు. ఇందులో 4 విభాగాలు ఉంటాయి. వీటిలో చైల్డ్ డెవలప్‌మెంట్ &పెడగోజీ-30 ప్రశ్నలు-30 మార్కులు, మ్యాథమెటిక్స్ అండ్ సైన్స్ (లేదా) సోషల్ స్టడీస్/సోషల్ సైన్స్‌లో 60 ప్రశ్నలు-60 మార్కులు, లాంగ్వేజ్1-30 ప్రశ్నలు-30 మార్కులు, లాంగ్వేజ్2-30 ప్రశ్నలు-30 మార్కులు ఉంటాయి. ప్రతి ప్రశ్నకు ఒక మార్కు ఉంటుంది. పరీక్ష సమయం 2.30 గంటలు.
తెలుగు రాష్ట్రాల్లో పరీక్ష కేంద్రాలు: గుంటూరు, తిరుపతి, విజయవాడ, విశాఖపట్నం, హైదరాబాద్, వరంగల్.
ముఖ్యమైన తేదీలు...
➥ సీటెట్ డిసెంబరు 2024 నోటిఫికేషన్ వెల్లడి: 13.09.2024.
➥ ఆన్లైన్ దరఖాస్తు ప్రక్రియ ప్రారంభం: 17.09.2024.
➥ ఆన్లైన్ దరఖాస్తుకు చివరితేది: 16.10.2024 (11:59 PM)
➥ ఫీజు చెల్లించడానికి చివరితేది: 16.10.2024 (11:59 PM)
➥ పరీక్ష తేదీ: 01.12.2024.
పరీక్ష సమయం:
పేపర్-2 - ఉదయం 9.30 గం. - మధ్యాహ్నం 12 గంటల వరకు.
పేపర్-1 - మధ్యాహ్నం 2.30 గం. - సాయంత్రం 5 గంటల వరకు.
టాప్ హెడ్ లైన్స్
ట్రెండింగ్ వార్తలు
