PM Kisan Yojana: రైతన్నలూ.. ఇకపై రూ.6000 పొందాలంటే ఈ కార్డు మీవద్ద ఉండాల్సిందే

కేంద్ర ప్రభుత్వం రైతులకు రూ.6000 ఇస్తున్న సంగతి తెలిసిందే. ఇకపై ఆ నగదు పొందాలంటే కొత్తగా మరో కార్డును చూపించాలి. లేదంటే నగదు బదిలీ ఆగిపోతుంది.

By: ABP Desam | Updated at : 06 Jan 2022 08:42 PM (IST)

Edited By: Ramakrishna Paladi

PM Kisan Yojana: Govt. Makes Big Change In PMKSNY, Now This Needs To Be Done To Get Rs. 6,000 In Account PM Kisan Yojana: రైతన్నలూ.. ఇకపై రూ.6000 పొందాలంటే ఈ కార్డు మీవద్ద ఉండాల్సిందే

పీఎం కిసాన్‌ యోజన,

రైతులకు అండగా నిలిచేందుకు కేంద్ర ప్రభుత్వం ప్రవేశపెట్టిన పథకం 'పీఎం కిసాన్‌ సమ్మాన్‌ నిధి యోజన'. ఇందులో భాగంగా రెండు హెక్టార్లకు తక్కువ భూమి ఉన్న పేద కర్షకులకు ప్రభుత్వం రూ.6000 వరకు ఇస్తోంది. ఇప్పుడీ పథకంలో ఓ మార్పు చేశారు. ఇకపై లబ్ధిదారులు ఇతర పత్రాలతో పాటు కచ్చితంగా రేషన్‌ కార్డును సమర్పించాల్సి ఉంటుంది. లేదంటే డబ్బులు రావు.

అనర్హులు జొరపడకుండా..!

ఈ పథకంలో అవినీతి, అక్రమాలకు తావులేకుండా ప్రభుత్వం ఈ నిర్ణయం తీసుకుంది. రేషన్‌ కార్డును తప్పని సరి చేసింది. అయితే అర్హతలు ఉండీ రేషన్‌ కార్డు లేకుంటే ఇబ్బందులు తప్పవు. ఇప్పటికే ఈ పథకంలో పేర్లు నమోదు చేసుకున్న రైతులు, ఇకపై చేసుకోవాలని అనుకుంటున్న రైతులూ తప్పకుండా రేషన్‌ కార్డును చూపించాల్సిందే. కార్డు లేనివారు త్వరగా దరఖాస్తు చేసుకొని లబ్ధి పొందాల్సి ఉంటుంది. ఈ పథకానికి సంబంధించిన పోర్టల్‌లో రేషన్‌ కార్డు సంఖ్య సబ్‌మిట్‌ చేయాల్సి ఉంటుంది.

ఏయే పత్రాలు కావాలంటే..

లబ్ధిదారులకు రెండు హెక్టార్లకు మించి భూమి ఉండొద్దు.
భూమి యాజమాన్యం పత్రాలు
ఆధార్‌ కార్డు
గుర్తింపు కార్డు
డ్రైవింగ్‌ లేదా ఓటర్‌ ఐడీ
బ్యాంక్‌ ఖాతా పుస్తకం
మొబైల్‌ ఫోన్‌ నంబర్‌
చిరునామా
భూమి పరిమాణం సహా వివరాలు
ఒక పాస్‌పోర్ట్‌ సైజ్‌ ఫొటో

త్వరలో పదో విడత బదిలీ

ప్రభుత్వం ఈ పథకం కింద ఇప్పటి వరకు 9 దఫాల్లో నగదును రైతుల ఖాతాల్లో జమ చేసింది. పదో విడత నగదు 2021, డిసెంబర్‌ 15న జమ చేస్తారని తెలుస్తోంది. పీఎం కిసాన్‌ సమ్మాన్‌ నిధి యోజన కింద రైతులకు రూ.6000ను మూడు విడతల్లో రూ.2000 చొప్పున వేస్తారు. ఈ పథకం ద్వారా ఇప్పటి వరకు 11.37 కోట్ల మంది రైతులు లబ్ధి పొందారు. రూ.1.58 లక్షల కోట్లను ప్రభుత్వం బదిలీ చేసింది. ఈ పథకంలో చేరాలంటే సాగుచేస్తున్న భూమి రెండు హెక్టార్లలోపే ఉండాలి. వయసు 18-40 మధ్యే ఉండాలి.

Also Read: Paytm Vijay Shekhar Sharma: 10 వేలతో మొదలై రూ.17వేల కోట్లకు విజయ్‌.. పేటీఎం ఫౌండర్‌ విజయ గాథ ఇది!

Also Read: Google Pay Voice Feature: వాయిస్‌తో డబ్బులు ట్రాన్స్‌ఫర్.. ఇక డిజిటల్ చెల్లింపులు మరింత ఈజీ!

Also Read: Skoda Slavia: స్కోడా కొత్త కారు ఇదే.. అదిరిపోయే ప్రీమియం ఫీచర్లు

Also Read: Pan Card Update: అర్జెంట్‌గా పాన్‌ కావాలా? ఇప్పుడు 10 నిమిషాల్లో వచ్చేస్తుంది

Also Read: Petrol-Diesel Price, 19 November: యథాతథంగా పెట్రోల్, డీజిల్ ధరలు.. ఈ నగరాల్లో మాత్రం పెరుగుదల..

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి