Bank Account Video KYC: బ్యాంకుకు వెళ్లకుండానే ఖాతా తెరవొచ్చు.. ఈ-కేవైసీతో సింపుల్‌గా.. ఇంటి వద్ద నుంచే..!

ఇప్పుడు సేవింగ్స్‌ ఖాతాలు తెరిచేందుకు బ్యాంకులకు వెళ్లాల్సిన అవసరం లేదు. వీడియో కేవీసీ విధానం ద్వారా ఇంటి వద్ద నుంచే సులభంగా ఖాతా తెరవొచ్చు.

వీడియో కేవైసీ

కరోనా వైరస్‌ మహమ్మారి, లాక్‌డౌన్‌ వల్ల ప్రపంచ వ్యాప్తంగా డిజిటలీకరణ ప్రక్రియ వేగవంతమైంది. బ్యాంకింగ్‌ రంగమూ ఈ మార్పును వేగంగా అందిపుచ్చుకుంది. ఇంటర్నెట్‌, స్మార్ట్‌ఫోన్ల వినియోగం పెరగడంతో ఈ-కేవైసీ ధ్రువీకరణ సులభంగా మారిపోయింది. ఇప్పుడు సేవింగ్స్‌ ఖాతాలు తెరిచేందుకు బ్యాంకులకు నేరుగా రావాల్సిన అవసరమే లేదు. వీడియో కేవైసీ సౌకర్యం ఉపయోగించుకుంటే చాలు! వీడియో ఆధారంగానే గుర్తింపు ప్రక్రియ పూర్తి చేసుకోవచ్చు.

వీడియో కేవైసీ విధానం

• వీడియో కేవైసీ సౌకర్యం ఉంది కాబట్టి వ్యక్తిగతంగా బ్యాంకులకు వెళ్లాల్సిన అవసరం లేదు.
• వీడియో ద్వారా వెరిఫికేషన్‌ అయిపోతుంది కాబట్టి చెక్‌బుక్‌, ఏటీఎం కార్డు నేరుగా నమోదు చేసుకున్న చిరునామాకు వచ్చేస్తాయి.
• వీడియో కేవైసీ చేసుకోవాలంటే మొబైల్‌ నంబర్‌, ఈ మెయిల్‌ ఐడీ, పాన్‌ కార్డు, ఆధార్‌ కార్డు (మొబైల్‌, ఈమెయిల్‌ లింక్‌ అవ్వాలి) అవసరం.
• వీడియో అవసరం కాబట్టి మీ ల్యాప్‌ట్యాప్‌ లేదా కంప్యూటర్‌ లేదా మొబైల్‌కు కెమేరా, మైక్రోఫోన్‌, ఇంటర్నెట్‌ సౌకర్యం తప్పనిసరి.
• యూఐడీఏఐ, ఎన్‌ఎస్‌డీఎల్‌ సమాచారం సిద్ధంగా ఉంచుకోవాలి.ఫోన్‌కు ఓటీపీ వస్తుంది. దానిపట్ల అప్రమత్తంగా ఉండాలి.
• కెమేరా, మైక్రోఫోన్‌, లోకేషన్‌ యాక్సెస్‌కు అనుమతి ఇవ్వాలి.
• బ్యాంకు అధికారులు మీ ఫొటోగ్రాప్‌ తీసుకొనేందుకు అనుమతి ఇవ్వాలి.
• పాన్‌, సంతకం ఫొటో తీసుకుంటారు.
• వీడియో కేవైసీ పూర్తి అవ్వగానే మీ ఖాతా ఓపెన్‌ అవుతుంది.
• ఖాతా తెరిచాక ఆన్‌లైన్‌ లేదా ఆఫ్‌లైన్‌ విధానంలో కనీస మొత్తం డిపాజిట్‌ చేయాలి.
• ఆ తర్వాత ఏటీఎం, నెట్‌, మొబైల్‌ బ్యాంకింగ్‌ను చక్కగా వాడుకోవచ్చు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి