Nita Ambani: 'టీచర్ గా నెలకు రూ.800 జీతం' - తనను చూసి ఎగతాళిగా నవ్వేవారన్న నీతా అంబానీ, వీడియో వైరల్

Nita Ambani Interview: తాను నెలకు రూ.800కు టీచర్ గా పని చేసినట్లు ముకేశ్ అంబానీ భార్య నీతా అంబానీ ఓ ఇంటర్వ్యూలో వెల్లడించారు. దీనికి సంబంధించిన వీడియో తాజాగా నెట్టింట వైరల్ అవుతోంది.

ట్రెండ్ అవుతోన్న నీతా అంబానీ ఇంటర్వ్యూ (Image Source: Instagram)

Nita Ambani Old Interview Gone Viral: నీతా అంబానీ.. పరిచయం అక్కర్లేని పేరు. ముకేశ్ అంబానీ భార్యగా మాత్రమే కాదు.. ఆమె ఓ డ్యాన్సర్, ప్రముఖ మహిళా వ్యాపారవేత్త, ఐపీఎల్ టీమ్ యజమాని, వితరణ శీలిగా అందరికీ తెలుసు. అయితే, ఆమె గురించి ఎవ్వరికీ తెలియని విషయం ఏంటంటే.. ఆమె ఓ టీచర్ గా కూడా పని చేశారట. ఓ స్కూల్లో నెలకు కేవలం రూ.800 జీతానికి నీతా అంబానీ ఓ ఉపాధ్యాయురాలిగా ఉద్యోగం చేశారు. ఈ విషయాన్ని ఆమెనే స్వయంగా ఓ ఇంటర్వ్యూలో తెలపగా.. దీనికి సంబంధించిన వీడియో ఇప్పుడు నెట్టింట వైరల్ అవుతోంది. 

ముఖేశ్ అంబానీ, 1985లో నీతా అంబానీని వివాహం చేసుకున్నారు. తర్వాత వీరికి ముగ్గురు పిల్లలు ఆకాశ్ అంబానీ, ఇషా అంబానీ, అనంత్ అంబానీ. ఆ తర్వాత కొన్నేళ్లకు అంబానీ దంపతులు సిమీ గరేవాల్ షోకు వెళ్లారు. 2000 సంవత్సరం ప్రారంభంలో 'రెండెజ్వస్ విత్ సిమీ గరేవాల్' టాక్ షోలో వీరు పాల్గొని పలు ఆసక్తికర విషయాలు పంచుకున్నారు. ఆ ఇంటర్వ్యూ ఇప్పుడు ట్రెండ్ అవుతోంది. పెళ్లయిన ఏడాదిలోనే సన్ ఫ్లవర్ నర్సరీలో టీచర్ గా తన ఉద్యోగ జీవితం ప్రారంభించినట్లు నీతా అంబానీ తెలిపారు. నెలకు తనకు రూ.800 జీతం మాత్రమే ఉండేదని.. ఆ సమయంలో ఎందరో తనను చూసి నవ్వుకున్నారని చెప్పారు. అయితే, అన్నింటినీ స్వీకరించానని.. ఉపాధ్యాయురాలిగా ఆ ఉద్యోగమే తనకు సంతృప్తి ఇచ్చిందని పేర్కొన్నారు. 

ముకేశ్ అంబానీ జోకులు

 

 

 

 

 

View this post on Instagram

 

 

 

 

 

 

 

 

 

 

 

A post shared by Elite Learning Minds (@elite_learning_minds)

అయితే, ఈ ఇంటర్వ్యూ సందర్భంగా ముకేశ్ అంబానీ నీతాపై సరదాగా జోకులు వేశారు. 'నీతా అంబానీ శాలరీ మొత్తం నాదే. మా డిన్నర్లకు ఆమెనే చెల్లించారు.' అంటూ నవ్వుతూ చెప్పారు. ఇటీవల ఈ టాక్ షో వీడియో ఇన్ స్టాలో రాగా తెగ వైరల్ అవుతోంది. నీతా అంబానీ ఆ తర్వాత ఎక్కువ కాలం టీచర్ గా చేయలేకపోయారు. అనంతరం ఆమె ఎన్నో స్కూళ్లను స్థాపించారు. చదువుపై ఇష్టంతో జామ్ నగర్, సూరత్, వడోదర, దహేజ్, లోధివలి, నగోథానే, నాగ్ పుర్, నవీముంబైల్లో పదుల సంఖ్యలో రిలయన్స్ ఫౌండేషన్ స్కూల్స్ ప్రారంభించారు.