Tesla Model Y vs Indian EVs: టెస్లా మోడల్‌ Y బెటరా? లేక స్వదేశీ మహీంద్రా & టాటా ఎలక్ట్రిక్‌ కార్లు బెటరా?

Tesla Model Y: టెస్లా మోడల్ Y ధర రూ.60 లక్షల కంటే ఎక్కువ. మహీంద్రా & టాటా ఎలక్ట్రిక్ SUVలు దీనికంటే చాలా తక్కువ ధరలో వస్తాయి.

టెస్లా vs భారతీయ ఎలక్ట్రిక్‌ కార్లు

Source : https://x.com/

Tesla Model Y vs Mahindra and Tata Electric Cars: టెస్లా మోడల్ Y ఎలక్ట్రిక్‌ కారు, 15 జులై 15 2025న, భారతదేశ ఎలక్ట్రిక్ వాహన విభాగంలోకి గ్రాండ్‌ ఎంట్రీ ఇచ్చింది. ముంబైలో టెస్లా మొదటి షోరూమ్ ప్రారంభంతో ఈ 
ప్రీమియం మిడ్-సైజ్ ఎలక్ట్రిక్ SUV ఇండియాలో లాంచ్‌ అయింది. దీని ధర వేరియంట్‌ను బట్టి రూ. 59.89 లక్షల నుంచి రూ. 67.89 లక్షల వరకు ఉంటుంది.

మోడల్ Y రెండు బ్యాటరీ ఎంపికలతో వచ్చింది - 60 kWh & 75 kWh. ఇవి వరుసగా 500 కి.మీ. & 622 కి.మీ. డ్రైవింగ్‌ రేంజ్‌ అందిస్తాయి. 
మోడల్ Y ఫీచర్లు - 15.4-అంగుళాల టచ్‌స్క్రీన్, ఆటోపైలట్, అడ్వాన్స్‌డ్ డ్రైవర్ అసిస్టెన్స్ సిస్టమ్ (ADAS) & టెస్లా సిగ్నేచర్ సాఫ్ట్‌వేర్, ఇంకా చాలా ఉన్నాయి. రూ.22,000 వేలు చెల్లించి టెస్లా కారును ఇప్పుడు బుక్‌ చేసుకుంటే, దీని డెలివరీ 3 నెలల తర్వాత ప్రారంభమయ్యే అవకాశం ఉంది.

టెస్లా మోడల్‌ Y వెర్సస్‌ భారతీయ ఎలక్ట్రిక్‌ కార్లు: 

మహీంద్రా BE 6 
మహీంద్రా BE 6, భారతదేశంలో టెస్లాతో పోటీ పడుతున్న మొదటి SUV. దీని ధర రూ. 18.90 లక్షల నుంచి ప్రారంభమై రూ. 26.90 లక్షల వరకు ఉంటుంది. ఈ కారు రెండు బ్యాటరీ ఆప్షన్స్‌తో వస్తుంది. అవి 59 kWh, దీని పరిధి దాదాపు 556 కి.మీ.  & 79 kWh, దీని పరిధి దాదాపు 682 కి.మీ. 175 kW DC ఫాస్ట్ ఛార్జర్‌ని ఉపయోగించి దీనిని కేవలం 20 నిమిషాల్లో 20-80% వరకు ఛార్జ్ చేయవచ్చు. 
మహీంద్రా BE 6 ఫీచర్లు - డ్యూయల్-డిస్‌ప్లే, ఫ్యూచరిస్టిక్ డాష్‌బోర్డ్ డిజైన్, 16-స్పీకర్ హర్మాన్ సౌండ్ సిస్టమ్ & లెవెల్ 2 ADAS వంటివి. ఇవి ఈ కారును అత్యాధునిక SUVగా మార్చాయి.

మహీంద్రా XEV 9e
XEV 9e మరో శక్తివంతమైన ఎంపిక, దీని ప్రారంభ ధర రూ. 21.90 లక్షలు. ఇది కూడా రెండు బ్యాటరీ ప్యాక్‌లలో (59 kWh - రేంజ్‌ దాదాపు 542 km) & 79 kWh - రేంజ్‌ దాదాపు 656 km) లభిస్తుంది.
XEV 9e అతి ఫీచర్‌ దాని AI ఆధారిత ఆర్కిటెక్చర్. ఇంకా.. AR హెడ్స్-అప్ డిస్‌ప్లే, ట్రిపుల్ 12.3-అంగుళాల స్క్రీన్ & 7 ఎయిర్‌బ్యాగ్‌లతో గొప్ప భద్రత. దీని డిజైన్ కూడా కూపే SUVలాగా ఉంటుంది, ఇది కస్టమర్లకు చాలా నచ్చింది.

టాటా హారియర్ EV
టాటా హారియర్ EV ఎక్స్-షోరూమ్ ధర రూ. 21.49 లక్షల నుంచి ప్రారంభమవుతుంది. దీనికి 65 kWh & 75 kWh బ్యాటరీ ఎంపికలు ఉన్నాయి, వీటితో ఈ కారు 627 కి.మీ. వరకు ప్రయాణించగలదు.
హారియర్ EV లో 540-డిగ్రీల సరౌండ్ కెమెరా, ఇ-వాలెట్ సిస్టమ్, ఆటో పార్కింగ్ అసిస్ట్ & AWD ఆప్షన్ వంటి హై-ఎండ్ సేఫ్టీ & డ్రైవింగ్ ఫీచర్లు ఉన్నాయి. ఇది ఫ్యామిలీలకు, లాంగ్‌ డ్రైవ్‌లకు చాలా మంది SUVగా మారింది.

టెస్లా మోడల్ Y విషయానికి వస్తే... బ్రాండ్ వాల్యూ, లాంగ్ రేంజ్ & అధునాతన సాంకేతికతకు ప్రాధాన్యతనిచ్చే వారికి ఇది ఒక గొప్ప ఎంపిక. ఆటోపైలట్, ADAS & పెద్ద టచ్‌స్క్రీన్ వంటి ప్రీమియం ఫీచర్లను ఇది అందిస్తుంది. అయితే, దీని ధర భారతదేశంలోని ఇతర ఎలక్ట్రిక్ SUVల కంటే దాదాపు రెట్టింపు.

మహీంద్రా BE 6 & XEV 9e తక్కువ ధరకే గొప్ప ఫీచర్లు & మంచి రేంజ్‌ను అందిస్తున్నాయి. ఫాస్ట్ ఛార్జింగ్, హర్మాన్ సౌండ్ సిస్టమ్, AR డిస్‌ప్లే & AI ఇంటీరియర్ వంటి ఆధునిక ఫీచర్లు ఉన్నాయి. టెస్లాతో పోలిస్తే ఇవి తక్కవ ధర & సాంకేతికంగా సామర్థ్యం కలిగి ఉంటాయి.

టాటా హారియర్ EV.. నమ్మకమైన, సురక్షితమైన & కుటుంబానికి అనుకూలమైన ఎలక్ట్రిక్ SUV కోసం చూస్తున్న కస్టమర్లకు అనువైనది. దీని AWD సామర్థ్యం, పార్కింగ్ అసిస్ట్ & 360 డిగ్రీస్‌ కెమెరా వ్యవస్థ దీనిని సురక్షితంగా & సౌకర్యవంతంగా చేస్తాయి.

టెస్లా ప్రీమియం టెక్నాలజీతో భారతీయ ఎలక్ట్రిక్‌ కార్‌ వ్యవస్థలను పోల్చడం అసంబద్ధం అయినప్పటికీ, మహీంద్రా & టాటా SUVలు ధర & ఫీచర్ల సమతుల్యత కారణంగా భారతీయ కస్టమర్లకు మంచి ఎంపిక అవుతాయని స్పష్టంగా తెలుస్తుంది.

మరిన్ని చదవండి

డైరెక్ట్‌గా డబ్బు చెల్లించి Tesla Car కొనవచ్చా, లేదా ముందుగా బుక్ చేసుకోవాలా?