Weekly Horoscope : 2024 డిసెంబర్ 23 to 29 ధనస్సు, మకరం, కుంభం, మీన రాశుల వారఫలాలు!

Horoscope Today : గ్రహాల కదలిక, నక్షత్రాల ఆధారంగా జ్యోతిష్యులు రాశి ఫలితాలను అంచనా వేస్తారు. డిసెంబర్ ఆఖరివారంలో ధనస్సు, మకరం, కుంభం, మీన రాశుల వారఫలాలు ఇక్కడ తెలుసుకోండి.

Weekly Horoscope 23 To 29 December

Source : Pixabay

Weekly Horoscope 23 To 29 December : డిసెంబర్ 23 నుంచి 29 వరకూ వారఫలాలు

ధనస్సు రాశి వారఫలం (Sagittarius Weekly Horoscope) 

ఈ వారం ధనస్సు రాశివారికి అదృష్టం కలిసొస్తుంది. సంగీతం, నృత్యంపై ఆసక్తి చూపిస్తారు. కార్యాలయంలో మీ పనితీరు అద్భుతంగా ఉంటుంది. న్యాయపరమైన విషయాల్లో విజయం సాధిస్తారు. పెండింగ్ పనులు మెరుగుపడే అవకాశం ఉంది. మీరు మీ కెరీర్‌లో మంచి ఫలితాలను పొందుతారు. మీ సన్నిహితులు మీ నుంచి అభిప్రాయాలు తీసుకుంటారు. కుటుంబంలో మీపై గౌరవం పెరుగుతుంది..వారి నుంచి మీకు సహకారం లభిస్తుంది. వ్యాపారంలో ఆశించిన ఫలితాలు రాకపోవడంతో నిరాశ చెందుతారు. దంపతుల మధ్య బందం బలహీనపడుతుంది.  పరిస్థితులను ధైర్యంగా ఎదుర్కోండి. వారాంతంలో ఆకస్మిక ఖర్చులుంటాయి.  మీ తప్పులను అంగీకరించడం నేర్చుకోండి. ఈ వారం ఎవరి మనోభావాలను కించపరచొద్దు. 

మకర రాశి (Capricorn Weekly Horoscope)

ఈ వారం మీరు సహోద్యోగుల సహాయం తీసుకోవలసి ఉంటుంది. మీరు ప్రతి పరిస్థితిలో మీ పూర్తి సామర్థ్యంతో పని చేస్తూనే ఉంటారు. సరైన సమయంలో తగిన నిర్ణయాలు తీసుకుంటారు. పోటీపరీక్షలు రాసినవారు మంచి ఫలితాలు పొందుతారు.  ఆదాయం పెరుగుతుంది. వైవాహిక జీవితం చాలా ఆహ్లాదకరంగా ఉంటుంది. క్రమశిక్షణతో కూడిన దినచర్యను అనుసరిస్తారు. మోడలింగ్ ఫీల్డ్‌తో ఉండేవారు గొప్ప అవకాశాలు పొందుతారు.  మీ రహస్యాలను అందరితో పంచుకోవద్దు.  లావాదేవీ సమయంలో కొన్ని పొరపాట్లు జరిగే అవకాశం ఉంది. వృద్ధ కుటుంబ సభ్యుల ఆరోగ్యం గురించి ఆందోళనలు ఉండవచ్చు. ప్రత్యర్థులు మీ గురించి పుకార్లు వ్యాప్తి చేసే అవకాశం ఉంది.  ఆదాయం పెరిగే కొద్దీ ఖర్చులు కూడా పెరిగే అవకాశం ఉంది. సామాజిక నియమాలను పాటించడంలో ఎలాంటి పొరపాటు లేదా నిర్లక్ష్యం చేయవద్దు. తల్లి ఆరోగ్యం పట్ల శ్రద్ధ వహించండి. ప్రేమ సంబంధాలలో నమ్మకం పెరుగుతుంది.

కుంభ రాశి  (Aquarius Weekly Horoscope) 

ఈ వారం కుంభ రాశివారు జీవిత భాగస్వామితో ఏకాంత సమయాన్ని ఆనందిస్తారు. వ్యాపారంలో పెద్ద ఒప్పందాలు కుదుర్చుకుంటారు. ఉద్యోగులు ఉన్నతాధికారుల ప్రశంసలు పొందుతారు.  ఆరోగ్యం బాగుంటుంది. మీరు మీ గత విజయాలను గుర్తు చేసుకుని సంతోషపడతారు. మనసులో సృజనాత్మక ఆలోచనలు వస్తాయి. కొత్త వ్యాపారాన్ని ప్రారంభించే ఆలోచన చేస్తారు. ఇప్పటికే వ్యాపారంలో ఉండేవారు  చట్టపరమైన విషయాలలో చిక్కుకోకుండా జాగ్రత్తగా  ఉండాలి. పాత వివాదాలను చాకచక్యంగా పరిష్కరించుకోవాలి. ముఖ్యమైన పనుల్లో కొంత ఇబ్బంది ఎదుర్కొంటారు.  పిల్లల ఆరోగ్యం పట్ల శ్రద్ధ వహించండి. దూర ప్రయాణాలకు ప్లాన్ చేసుకుంటారు.

మీన రాశి (Pisces Weekly Horoscope) 

ఈ వారం మీన రాశి ఉద్యోగులు కష్టానికి తగిన ఫలితం పొందుతారు. చేపట్టిన పనులకు కుటుంబం సభ్యుల నుంచి సహకారం లభిస్తుంది. శుభకార్యాల నిర్వహణకు ప్లాన్ చేసుకుంటారు. ఆరోగ్యంగా ఉంటారు. ఆత్మవిశ్వాసం పెరుగుతుంది. వారాంతంలో మతపరమైన  , ఆధ్యాత్మిక ఆలోచనలతో ప్రభావితమవుతారు. విద్యార్థులు చదువులో బాగా రాణిస్తారు. మీ జీవిత భాగస్వామి మీ ధైర్యాన్ని పెంచుతుంది. వ్యాపారంలో ఉండవారికి సమయానికి చేతిలో డబ్బులు లేకపోవడంతో ఇబ్బంది పడతారు. కుటుంబ సభ్యుల ఆలోచనను వ్యతిరేకించవద్దు. వృద్ధుల సలహాలు పాటించండి.  

Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.