Horoscope Today 2 Augsut 2024: ఆగష్టు 02 రాశిఫలాలు - ఈ రాశులవారు ఆర్థిక పరిస్థితి మెరుగుపర్చుకునే ప్రయత్నాల్లో సక్సెస్ అవుతారు

Horoscope Prediction 2 August 2024 : గ్రహాల కదలిక, నక్షత్రాల ఆధారంగా జ్యోతిష్యులు రాశి ఫలితాలను అంచనా వేస్తారు. ఈరోజు రాశి ఫలాలు ఇక్కడ తెలుసుకోండి.

Horoscope Today (Image Credit: Pixabay)

Source : Pixabay

Daily Horoscope for 2 August 2024

మేష రాశి

ఈ రోజు స్నేహితులతో ఎక్కువ సమయం గడుపుతారు. మీ పనితీరుతో పేరు ప్రఖ్యాతులు సంపాదించుకుంటారు. ప్రతికూల పరిస్థితులను ధైర్యంగా ఎదుర్కొంటారు. ఆర్థిక పరిస్థితి ఆశాజనకంగా ఉంటుంది. ఉద్యోగ, వ్యాపారాలలో మంచి ఫలితాలుంటాయి.

వృషభ రాశి

ఈ రోజు మీకు కుటుంబ బాధ్యతలు పెరుగుతాయి. ధ్యానం, ప్రాణాయామం చేయండి. సంపద, గౌరవం , కీర్తి పెరుగుతుంది. మీరు ఆడంబర ధోరణికి దూరంగా ఉండాలి. జీవిత భాగస్వామి ఆరోగ్యం గురించి ఆందోళన చెందుతారు.

మిథున రాశి

మీ జీవనశైలిలో మార్పులు తీసుకురావొచ్చు. వైవాహిక బంధంలో సంతోషం పెరుగుతుంది. ఆర్థిక పరిస్థితి మెరుగుపర్చుకునేందుకు ప్రయత్నాలు చేస్తారు. పూర్వీకుల నుంచి వస్తోన్న వ్యాపారంలో పురోగతి ఉంటుంది. కుటుంబ సభ్యుల సలహాల వల్ల ప్రయోజనం పొందుతారు. 

కర్కాటక రాశి

ఈ రోజు అనారోగ్య సమస్యలు మిమ్మల్ని ఇబ్బంది పెడతాయి. వ్యాపారం, ఉద్యోగంలో పరిస్థితులు ప్రతికూలంగా ఉంటాయి. చెడు వ్యక్తుల సహవాసానికి దూరంగా ఉండాలి. విలువైన వస్తువులు పోగొట్టుకుంటారు.

సింహ రాశి 

ఈ రోజు మీరు మీ పనిని సకాలంలో పూర్తి చేస్తారు. రియల్ ఎస్టేట్‌తో సంబంధం ఉన్న వ్యక్తులు భారీ ప్రయోజనాలు పొందుతారు.  వ్యక్తిగత సంబంధాలకు సంబంధించిన ఒత్తిడి దూరమవుతుంది. రోజు ప్రారంభంలో మీరు కొన్ని శుభవార్తలను అందుకుంటారు. వృత్తిలో మార్పులు ఉండవచ్చు.

కన్యా రాశి

ఈ రోజు మీరు మీ ఉద్యోగాన్ని మార్చుకోవడం గురించి ఆలోచిస్తారు. మీ ప్రతిభకు తగిన ప్రశంసలు అందుకుంటారు. రోజు ప్రారంభం చాలా ఉత్సాహంగా ఉంటుంది. వ్యాపారంలో కొత్త ఒప్పందాలు చేసుకుంటారు. వృత్తి, ఉద్యోగాలలో సానుకూలత ఉంటుంది. 

తులా రాశి 

కొన్ని ముఖ్యమైన నిర్ణయాలు తీసుకుంటారు. ఉద్యోగులు పనితీరు మార్చుకోవాలి. వ్యాపారంలో నూతన పెట్టుబడులు పెట్టాలి అనుకుంటే అనుభవజ్ఞుల సలహాలు తీసుకున్న తర్వాతే సాధ్యం అవుతుంది. ఆరోగ్యం విషయంలో నిర్లక్ష్యం వద్దు. వాహనం నడిపేటప్పుడు తగిన జాగ్రత్తలు తీసుకోవాలి.

వృశ్చిక రాశి

ఈ రోజు ఈ రాశి వ్యాపారులు చాలా ఒడిదొడుకులు ఎదుర్కొంటారు. ఇతరుల కంటే మీ ఆలోచనలకు ఎక్కువ ప్రాధాన్యత ఇవ్వండి. మీ సన్నిహితులు మీపై కోపం తెచ్చుకుంటారు. ఏదో సమస్యపై కుటుంబ సభ్యులతో వాగ్వాదం ఉంటుంది. 

ధనుస్సు రాశి

ఈ రోజు ఇంటా బయటా  మీ ఆధిపత్యం పెరుగుతుంది. సీనియర్ అధికారులు , ప్రభావవంతమైన వ్యక్తులతో మీ సంబంధాలు బలపడతాయి. చేపట్టిన పనుల్లో గొప్ప విజయాన్ని పొందుతారు. కుటుంబంతో సంతోషంగా గడుపుతారు. గత కొన్నాళ్లుగా ఎదుర్కొంటున్న ఒత్తిడి మాయమవుతుంది. 

మకర రాశి

ఏదైనా కొత్త విషయం నేర్చుకోవాలనే ఆసక్తి మీలో కలుగుతుంది. సోమరితనం దరిచేరనీయొద్దు.  న్యాయవాద వృత్తితో సంబంధం ఉన్న వ్యక్తులకు ఈ రోజు చాలా మంచిది. నిరుద్యోగులు మంచి ఉద్యోగంలో స్థిరపడతారు. వ్యాపారం బాగానే సాగుతుంది.

కుంభ రాశి

ఉద్యోగులు భవిష్యత్ కి సంబంధించి కీలక నిర్ణయం తీసుకుంటారు. ఆదాయం పెరుగుతుంది. వాహన సౌఖ్యం ఉంటుంది. వ్యాపారంపై పూర్తిస్థాయిలో దృష్టి సారించండి. మాటలో సౌమ్యత ఉండేలా చూసుకోండి. ఆరోగ్యం విషయంలో జాగ్రత్త అవసరం. కొన్ని విషయాల్లో రిస్క్ తీసుకుంటేనే మంచి ఫలితాలు పొందుతారు

మీన రాశి
 
ఇతరుల విషయాలలో జోక్యం చేసుకోవద్దు. వ్యాపారంలో పురోగతి ఉంటుంది. కొత్త ఆదాయ వనరులు సృష్టించుకుంటారు. మీలో ఆత్మవిశ్వాసం పెరుగుతుంది. ఉన్నత స్థాయిలో ఉన్న ఉద్యోగులు, ఉన్నత చదువుల్లో ఉన్న విద్యార్థులకు శుభసమయం.  

Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.