సెప్టెంబరు 28 రాశిఫలాలు - ఈ రోజు ఈ రాశులవారు శని ఆరాధన చేయండి!

Horoscope Prediction 28 September 2024 : గ్రహాల కదలిక, నక్షత్రాల ఆధారంగా జ్యోతిష్యులు రాశి ఫలితాలను అంచనా వేస్తారు. ఈరోజు రాశి ఫలాలు ఇక్కడ తెలుసుకోండి.

Horoscope Prediction 28 September 2024 (Image Credit: Pixabay)

Source : Pixabay

Daily Horoscope for 28 September 2024

మేష రాశి

ఈ రోజు ఏదో విషయంలో మీరు పశ్చాత్తాపపడతారు. స్నేహితుల మీ మనోధైర్యాన్ని పెంచుతారు.  మీ పురోగతి గురించి భయపడతారు. ఉద్యోగులపై పని ఒత్తిడి ఎక్కువ ఉంటుంది. ఆరోగ్యం బాగానే ఉంటుంది. 

వృషభ రాశి

ఈ రోజు ఈరాశివారు శని ఆరాధన చేయండి. వ్యాపారంలో మంచి మొత్తాన్ని పెట్టుబడి పెడితే లాభపడతారు. అనవసరమైన పనుల్లో మీ సమయాన్ని వృథా చేయకండి. ప్రేమికులు వాదనలకు దూరంగా ఉండాలి. కోప స్వభావం ఉన్నవారు విమర్శలను ఎదుర్కొంటారు.  

మిధున రాశి 

కుటుంబానికి సంబంధించిన పనుల్లో బిజీగా ఉంటారు. చెడు వ్యక్తులను కలవాల్సిరావొచ్చు. మీ లక్ష్యాలపై పూర్తి అవగాహన కలిగి ఉండండి. బ్యాంకింగ్ రంగంలో ఉండేవారికి పని ఒత్తిడి ఉంటుంది. ఉద్యోగులు తమ పనితీరుతో ప్రశంసలు అందుకుంటారు. 

కర్కాటక రాశి 

ఈ రోజంతా మీరు బిజీగా ఉంటారు. అనవసర గందరగోళానికి గురికావొద్దు. ప్రియమైనవారినుంచి బహుమతులు పొందే అవకాశం ఉంది. వైవాహిక జీవితం, ప్రేమ జీవితం సంతోషంగా ఉంటుంది. 

సింహ రాశి

శివుడి  ఆరాధించడం వల్ల మీకు మానసిక ప్రశాంతత లభిస్తుంది.  మీ ప్రియమైన వారి పట్ల మీ ప్రవర్తన మంచిగా ఉండేవా చూసుకోండి.  పనికిరాని పనుల్లో మీ సమయాన్ని వృథా చేయకండి.  

కన్యా రాశి 

రాజకీయాలతో సంబంధం ఉన్న వారికి ఈ రోజు కలిసొస్తుంది. ఇంటా బయటా గౌరవం పెరుగుతుంది. తక్కువ శ్రమతో మంచి ఫలితాలు పొందుతారు. తెలియని వ్యక్తులకు దూరంగా ఉండండి. చెడు వ్యక్తుల సహవాసానికి దూరంగా ఉండడం మంచిది. 

తులా రాశి

ఉద్యోగం మారడం గురించి   ఆలోచించవచ్చు. పాత ఆలోచనలు వదిలేసి కొత్త ఆలోచనలు అలవర్చుకోండి. గ్రహాలు మీకు అనుకూల ఫలితాలను ఇస్తున్నాయి...నూతన ప్రణాళికలు అమలుచేసుకోవచ్చు. చేపట్టిన పనిలో అడ్డంకులున్నా..మీ సంకల్ప బలంతో పూర్తిచేస్తారు. 

వృశ్చిక రాశి

పెద్దల ఆలోచనలతో మీరు ప్రభావితమవుతారు. ప్రణాళికాబద్దంగా చేసే పనుల్లో విజయం సాధిస్తారు. విద్యార్థులు కష్టపడితేనే మంచి ఫలితం సాధించగలరు. పూర్వీకుల ఆస్తి విషయంలో వివాదాలు తలెత్తవచ్చు. ఉద్యోగంలో అదనపు పనిభారం ఉంటుంది.  

ధనస్సు రాశి

రోజు ఆరంభం కన్నా గడిచేకొద్దీ చికాకు పెరుగుతుంది. మీ ఆలోచనలతో మీ చుట్టూ ఉండేవారు ప్రయోజనం పొందుతారు. ఇష్ట దైవారాధన ప్రశాంతతని ఇస్తుంది. భాగస్వామ్య వ్యాపారం ప్రారంభించేందుకు ఇదే సరైన సమయం . ఆరోగ్యాన్ని నిర్లక్ష్యం చేయవద్దు.

మకర రాశి

వ్యాపారంలో స్థిరత్వం ఉంటుంది. ఉద్యోగులు అధికారుల నుంచి మద్దతు పొందవచ్చు. మీరు చేపట్టే పనులపై పూర్తిస్థాయి నమ్మకంగా ఉంటారు. దీర్ఘకాల అనారోగ్యంతో ఉండేవారి ఆరోగ్యం మెరుగుపడుతుంది. కొన్నాళ్లుగా వెంటాడుతున్న ఇబ్బందుల నుంచి ఉపశమనం లభిస్తుంది. 

కుంభ రాశి

వ్యాపారంలో కొత్త ఒప్పందం కుదుర్చుకుంటారు. సహోద్యోగులతో కొన్ని సమస్యలుంటాయి..వాటిని కూర్చుని మాట్లాడుకోవడం ద్వారా పరిష్కరించుకునే ప్రయత్నం చేయండి. కుటుంబ వ్యవహారాల్లో నిర్లక్ష్యం వద్దు. ఏకాగ్రతతో  శ్రమిస్తే మంచి ఫలితాలు వస్తాయి.  

మీన రాశి

ఈ రోజంతా సంతోషంగా ఉంటారు. ఒత్తిడి నుంచి ఉపశమనం ఉంటుంది. పరస్పర సంబంధాలు పెంచుకునేందుకు ప్రయత్నిస్తారు.నిరుద్యోగులు శుభవార్త వింటారు. మనసుపై భారం తగ్గుతుంది. ఆరోగ్యాన్ని నిర్లక్ష్యం చేయవద్దు. 

Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.