2025 Bihar Elections: కూటమి ప్రభుత్వమేనా? గ్రహాల కదలికలు, పార్టీల జాతకాలు ఏం చెబుతున్నాయి? | Exit Poll
Bihar Election Result 2025: బిహార్ ఎన్నికల చివరి దశ ముగిసింది. ఫలితాల కోసం ఎదురుచూపులు మొదలయ్యాయి. గ్రహాల స్థితి ఈసారి అధికారం ఆసక్తికరంగా ఉంటుందని సూచిస్తున్నాయి. పూర్తి వివరాలు చూద్దాం...
Bihar Exit Poll Result 2025: 2025 బిహార్ అసెంబ్లీ ఎన్నికల్లో గ్రహాల కదలికలు కొత్త దిశను సూచిస్తున్నాయి. గురువు కర్కాటక రాశిలో, శని మీనంలో వక్రంగా, రాహు-కేతువుల కుంభ-సింహ అక్షం అధికార సమతుల్యత, కూటమి రాజకీయాలకు కొత్త అధ్యాయాన్ని లిఖిస్తున్నాయి. మేదిని జ్యోతిష్యం ప్రకారం గురువు, శని కేంద్రం నుంచి చూసినప్పుడు, రాష్ట్ర మార్పు లేదా అధికార పునర్నిర్మాణం జరుగుతుంది. అంటే 2025లో బీహార్‌లో ఒక పార్టీ ప్రభంజనం ఉండదు.. కానీ ఉమ్మడి కూటమి సింహాసనం ఎవరికి వస్తుందో నిర్ణయిస్తుంది.
కూటమి మద్దతుతోనే అధికారం?
నవంబర్ 11, 2025న గురువు 0°55′ కర్కాటక రాశిలో పునర్వసు నక్షత్రం నాల్గవ దశలో ఉన్నాడు. ఈ పరిస్థితి మద్దతు విస్తరణ , ప్రజాభిప్రాయ సమీకరణకు సూచిక. బృహత్సంహిత ప్రకారం, గురువు ఉన్నత స్థానంలో ఉండి చంద్ర రాశి నుంచి కేంద్రానికి వచ్చినప్పుడు, పాలక పక్షాలకు సహకారం పెరుగుతుంది, కాని నిర్ణయాత్మక మెజారిటీ అరుదుగా ఉంటుంది. అంటే అధికారం రావచ్చు, కానీ ఒంటరిగా కాదు, కూటమి మద్దతుతో.
క్రమశిక్షణతో కూడిన విజయం
శని మీన రాశిలో మొదటి అంశంపై వక్ర గతిలో ఉన్నాడు. ఈ కలయిక రాజకీయాలలో ఆత్మపరిశీలన , సమీక్ష సమయాన్ని సూచిస్తుంది. క్రమశిక్షణ సంస్థపై ఆధారపడిన రాజకీయాలు ఉన్న పార్టీలపై దీని ప్రభావం ఎక్కువగా ఉంటుంది. శని ప్రభావం అభ్యర్థుల ఎంపిక, టికెట్ల పంపిణీ మరియు మిత్రులతో సమన్వయమే విజయానికి కీలకం అని సూచిస్తుంది.
నాయకత్వం కోసం పోరాటం!
రాహువు కుంభం , కేతువు సింహం లో ఉండండతో.. కూటమి - నాయకత్వం మధ్య ఘర్షణను తెస్తుంది. కుంభం ప్రజలు, నెట్‌వర్క్‌లు మరియు సాంకేతిక నైపుణ్యానికి చిహ్నం, అయితే సింహం నాయకత్వం- ప్రతిష్ట కేంద్రీకృత శక్తికి చిహ్నం. అందుకే ఈ ఎన్నికల్లో నెట్‌వర్క్ ఆధారిత వ్యూహాలు కమ్యూనికేషన్ నైపుణ్యాలు కీలక పాత్ర పోషిస్తాయి.
పార్టీల వారీగా గ్రహాల ప్రభావం
BJP
మేష లగ్నానికి చెందిన ఈ పార్టీకి జాతకం ప్రకారం ప్రస్తుత గురువు ఉన్నత స్థానంలో ఉండి లగ్నేషుడికి బలం చేకూరుస్తున్నాడు. రాహువు కుంభంలో 11వ భావంలో ఉండటం వల్ల ప్రజలతో సంబంధాలు పెరుగుతాయి. శని మీనంలో ఉండి సంస్థ యొక్క అంతర్గత నిర్మాణాన్ని అద్భుతంగా ఉంచుతాడు, అంటే BJP అధికారంలోకి రావడానికి ఎక్కువ అవకాశాలు ఉన్నాయి, కాని పూర్తి మెజారిటీ కష్టం.
రాష్ట్రీయ జనతా దళ్
వృషభ లగ్నం , వృశ్చిక చంద్రుడు కలిగిన జాతకంలో రాహువు దశమ భావం నుంచి ప్రభావం ప్రచారాన్ని బలపరుస్తుంది, కాని కేతువు నాల్గవ భావం నుంచి ప్రభావం స్థానిక గ్రూపు రాజకీయాలు అంతర్గత అసంతృప్తిని సూచిస్తుంది. గురువు ఉన్నత స్థానంలో ఉండటం ఓటు బ్యాంకును కాపాడుతుంది, కాని సీట్ల సంఖ్య తగ్గవచ్చు.
జనతాదళ్ (యు)
తులా లగ్నానికి చెందిన ఈపార్టీ జాతకంపై శని మీనం నుంచి పంచమ దృష్టిని కలిగి ఉన్నాడు, ఇది నిర్ణయం తీసుకునే సామర్థ్యాన్ని , వ్యూహాత్మక నైపుణ్యాన్ని పెంచుతుంది. గురువు ఉన్నత స్థానం ఈ పార్టీని మధ్యవర్తి లేదా కింగ్‌మేకర్ పాత్రలో ఉంచవచ్చు. నితీష్ కుమార్ వ్యక్తిగత జాతకంలో కూడా ఈ యోగం అధికార సమతుల్యతను కొనసాగించే అవకాశాన్ని చూపుతుంది.
బీహార్‌లో ఏకపక్ష మెజారిటీకి అవకాశం చాలా తక్కువ!
బృహత్ పరాశర హోరా శాస్త్రంలో ' గురుశ్చ శని యోగే రాజ్యం పరావర్తతే' అని ఉంది. అంటే గురువు - శని ఒకేసారి కేంద్రం లేదా త్రికోణం నుంచి చూసినప్పుడు, రాజ్యం దిశ మారుతుంది. అదే పరిస్థితి ప్రస్తుతం క్రియాశీలంగా ఉంది, కాబట్టి బీహార్‌లో ఏకపక్ష మెజారిటీకి బదులుగా ఉమ్మడి అధికారం లేదా పునర్నిర్మించిన కూటమి ఏర్పడే అవకాశం ఉంది.
2025 ఎన్నికలు పూర్తిగా సున్నితమైన కూటమి రాజకీయాల దిశలో సాగుతున్నాయి. ప్రజల మొగ్గు ఒక పార్టీ వైపు కాకుండా ఉమ్మడి నాయకత్వం వైపు మొగ్గు చూపుతుందని గ్రహాలు స్పష్టంగా సూచిస్తున్నాయి.
ఆర్జేడీకి పెద్ద పోటీ ఉన్నప్పటికీ, సంస్థాగత సవాళ్లను ఎదుర్కోవలసి రావచ్చు. జెడియు మళ్ళీ అధికార సమీకరణకు కీలకంగా మారవచ్చు. గురువు ఉన్నత స్థానంలో ఉండటం వల్ల ఈ ఎన్నికలు కుటుంబం, భావోద్వేగాలు, సంక్షేమ వాగ్దానాల అంశాలపై తిరుగుతాయి, అయితే శని క్రమశిక్షణ ప్రతి పార్టీని పరీక్షిస్తుంది.
గమనిక: జ్యోతిష్య శాస్త్ర పండితులు చెప్పినవి, పుస్తకాల నుంచి సేకరించి రాసిన వివరాలివి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం. ఆయా రాశుల్లో ఫలితాలన్నీ ఒక్కరికే వర్తిస్తాయని భావించరాదు. మీ జాతకంలో ఉండే గ్రహస్థితి ఆధారంగా ఫలితాలు మార్పులుంటాయి.
టాప్ హెడ్ లైన్స్
ట్రెండింగ్ వార్తలు
