Chandrababu At Davos: నేడు బిల్ గేట్స్, వరల్డ్ ఎకనమిక్ ఫోరమ్ ప్రతినిధితో భేటీ కానున్న చంద్రబాబు

ఏపీ సీఎం చంద్రబాబు దావోస్ పర్యటనలో బిజీబిజీగా ఉన్నారు. రాష్ట్రానికి పెట్టుబడుల కోసం నేడు బిల్ గేట్స్, మరికొందరు ప్రముఖులతో చంద్రబాబు సమావేశం కానున్నారు.

Written By : Shankar Dukanam | Updated at : 22 Jan 2025 10:59 AM (IST)

నేడు బిల్ గేట్స్, వరల్డ్ ఎకనమిక్ ఫోరమ్ ప్రతినిధితో భేటీ కానున్న చంద్రబాబు

Source : X

Davos Cm Chandrababu Tour Update Day 3: దావోస్‌లో పర్యటన 3వ రోజు షెడ్యూల్ తో ఆంధ్రప్రదేశ్ ముఖ్యమంత్రి చంద్రబాబు బిజీబిజీగా ఉండనున్నారు. వరల్డ్ ఎకనమిక్ ఫోరం (World Economic Forum) సదస్సులో 3వ రోజు వివిధ రంగాల పారిశ్రామికవేత్తలతో చంద్రబాబు ముఖాముఖి సమావేశాలు ఉన్నాయి. సీఎంతో భేటీ కానున్న వారిలో డీపీ వరల్డ్ గ్రూపు, యునీలీవర్, గూగుల్ క్లౌడ్, పెట్రోలియం నేషనల్ బెర్హాద్ (పెట్రోనాస్), పెప్సీకో, ఆస్ట్రా జెనెకా సంస్థల అధిపతులు ఉన్నారు. ఏపీలో పెట్టుబడులకు ఉన్న విస్తృత అవకాశాలను సంస్థల అధినేతలతో భేటీ అయి చంద్రబాబు వివరించనున్నారు.

వీరితో పాటు బిల్ గేట్స్, వరల్డ్ ఎకనమిక్ ఫోరమ్ ప్రతినిధితోనూ నేడు చంద్రబాబు చర్చలు జరుపుతారు. ఏపీకి పెట్టుబడుల కోసం ప్రయత్నాలు ముమ్మరం చేశారు. దావోస్ సమావేశాల్లో రాష్ట్ర ప్రభుత్వం గ్రీన్‌కోతో ఎంవోయూ కుదుర్చుకోనుంది. తద్వారా ప్రకృతి వ్యవసాయం, హ్యూమన్ మిషన్ కొలాబ్రేషన్, గ్రీన్ హైడ్రోజన్ పై ఫోకస్ చేస్తారు. పునరుత్పాదక విద్యుత్ వంటి అంశాలపై రౌండ్ టేబుల్ సమావేశాలకు చంద్రబాబు హాజరుకానున్నారు.

మరోవైపు ఏపీ ఐటీశాఖ మంత్రి నారా లోకేష్ సైతం రాష్ట్రానికి పెట్టుబడుల కోసం తీవ్రంగా శ్రమిస్తున్నారు. రెండో రోజు పది కీలక సమావేశాల్లో నారా లోకేష్ పాల్గొని పెట్టుబడుల కోసం చర్చలు జరిపారు. ముఖ్యంగా ఏపీలో గ్రీన్ పాలసీపై ఫోకస్ చేశారు. ఐటిసంస్థ సిస్కో వైస్ ప్రెసిడెంట్ ప్రాన్సిన్ కట్సౌదాస్ తో, జడ్ఎఫ్ ఫాక్స్ కాన్ ఛాసిస్ మాడ్యుల్స్ సంస్థ సిఇఓ ఐకీ డోర్ఫ్, ఫిలిప్ మోరిస్ ఇంటర్నేషనల్ సౌత్ ఈస్ట్ ఆసియా వైస్ చైర్ పర్సన్ (ఎక్స్ టర్నల్ ఎఫైర్స్) ఆండ్రియా గోంట్కోవికోవా సహా పలువురు ప్రముఖులతో లోకేష్ సమావేశమయ్యారు.

Also Read: Nara Lokesh in Davos: దావోస్‌లో ఏపీని ప్రమోట్ చేస్తున్న నారా లోకేష్ - రెండో రోజు పది కీలక సమావేశాల్లో పెట్టుబడులపై చర్చలు

About the author Shankar Dukanam

జర్నలిజంలో గత పదేళ్లుగా పనిచేస్తున్నారు. గత దశాబ్దకాలంలో పలు ప్రముఖ తెలుగు మీడియా సంస్థలలో పనిచేసిన అనుభవం ఆయనకు ఉంది. ఏపీ, తెలంగాణ, జాతీయ, అంతర్జాతీయ, రాజకీయ, వర్తమాన అంశాలపై కథనాలు అందిస్తారు. గ్రాడ్యుయేషన్ పూర్తయ్యాక జర్నలిజం కోర్సు పూర్తిచేసి కెరీర్‌గా ఎంచుకున్నారు. నేషనల్ మీడియాకు చెందిన పలు తెలుగు మీడియా సంస్థలలో సీనియర్ కంటెంట్ రైటర్‌గా సేవలు అందించారు. జర్నలిజంలో వందేళ్లకు పైగా చరిత్ర ఉన్న ఆనంద్ బజార్ పత్రిక నెట్‌వర్క్ (ABP Network)కు చెందిన తెలుగు డిజిటల్ మీడియా ఏబీపీ దేశంలో గత నాలుగేళ్ల నుంచి న్యూస్ ప్రొడ్యూసర్‌గా పనిచేస్తున్నారు.