Lokesh : విజయవాడ వెళ్లకుండా అడ్డుకున్న పోలీసులు - రోడ్డుపైనే బైఠాయించిన లోకేష్ !

లోకేష్ ను అడ్డుకున్న పోలీసులు . రోడ్డుపైనే బైఠాయించి నిరసన తెలుపుతున్నారు.

విజయవాడ వెళ్లకుండా అడ్డుకున్న పోలీసులు - రోడ్డుపైనే బైఠాయించిన లోకేష్ !

 

Lokesh :  టీడీపీ అధినేత చంద్రబాబును అరెస్ట్ చేయడంతో  టీడీపీ జాతీయ ప్రధాన కార్యదర్శి నారా లోకేష్ నంద్యాల వెళ్లేందుకు యత్నించారు. విజయవాడకు తరలిస్తున్న తెలియడంతో  ఆయన తర్వాత విజయవాడ వెళ్లేందుకు బయలుదేరారు. ్ియతే ఆయనను కోనసీమలో పోలీసులు అడ్డుకున్నారు. పొదలాడ యువగళం క్యాంప్ సైట్ వద్ద రాజోలు సీఐ గోవిందరాజు అడ్డుకున్నారు. సీఐతో లోకేష్ వాగ్వాదానికి దిగారు. ఏ విధమైన నోటీస్ ఇవ్వకుండా ఎలా అడ్డుకుంటారని ఆగ్రహం వ్యక్తం చేశారు. తన తండ్రిని చూసేందుకు వెళ్ళే హక్కు తనకు లేదా? అని ప్రశ్నించారు. దీంతో నేలపై బౌఠాయించి లోకేష్ నిరసనకు దిగారు.

ఈ క్రమంలోనే పొదలాడ యువగళం క్యాంప్ సైట్ వద్ద ఉద్రిక్తత చోటు చేసుకుంది. ఎలాంటి నోటీసులు లేకుండా పోలీసులు హైడ్రామా చేస్తున్నారు. అదేమని అడిగితే డీఎస్పీ వస్తున్నారని చెబుతున్నారు. లోకేష్ వద్దకు కనీసం మీడియాను సైతం రాకుండా అడ్డుకుంటున్నారు. వస్తే అరెస్టు చేయాలని పోలీసులు ఆదేశాలు జారీ చేస్తున్నారు. తన తండ్రిని చూడడానికి తాను వెళ్ళకూడదా అని పోలీసులను లోకేష్ నిలదీస్తే.. సమాధానం చెప్పలేక నీళ్లు నములుతున్నారు. తన వెంట నాయకులు ఎవరు రావడం లేదని... కుటుంబ సభ్యుడిగా తాను ఒక్కడినే వెళ్తున్నానని.. అడ్డుకునే హక్కు మీకు ఎవరు ఇచ్చారని లోకేష్ ప్రశ్నించారు. చంద్రబాబు అరెస్ట్ కి నిరసన గా క్యాంప్ సైట్ వద్ద తన బస్సు ముందే బైఠాయించి లోకేష్ నిరసన తెలుపుతున్నారు.

 

నా తండ్రిని కలవనీయకుండా ఆపి,
శాడిస్టులు పండగ చేసుకుంటున్నారు
కానీ నా తండ్రికైనా, నాకైనా ప్రజలే బంధువులని
మర్చిపోయారు సైకోలు#WeWillStandWithCBNSir#G20India2023#StopIllegalArrestOfCBN#PsychoJagan #YuvaGalamPadayatra pic.twitter.com/BVd3EjAdfi

— Lokesh Nara (@naralokesh) September 9, 2023

 లోకేష్ ఇప్పటికీ రోడ్డుపై కూర్చుకుని నిరసన తెలుపుతున్నారు.                

 

నా తండ్రిని అక్ర‌మంగా అరెస్ట్ చేశారు. చూడ‌టానికి వెళుతున్న న‌న్ను న‌డిరోడ్డుపై నిర్బంధించారు. నా పాద‌యాత్ర‌పై వైకాపా రౌడీమూక‌ల‌తో ద‌గ్గ‌ర ఉండి రాళ్లు వేయించిన పోలీసులు, యువ‌గ‌ళం వ‌లంటీర్ల‌పై ఎటాక్ జ‌రిగింద‌ని ఫిర్యాదులు ఇస్తే, రివ‌ర్స్ కేసులు వారిపైనే బ‌నాయించిన పోలీసులు నాకు ర… pic.twitter.com/SuzpHpN0aT

— Lokesh Nara (@naralokesh) September 9, 2023

చంద్రబాబు అరెస్టును వ్యతిరేకిస్తూ నిరసనలు చేస్తున్న వారందర్నీ ఎక్కడిక్కడ కట్టడి చేస్తున్నారు.  అయితే పోలీసులు అందర్నీ అడ్డుకుంటున్నారు.   అలాగే లోకేష్ ను కూడా విజయవాడకు వెళ్లకుండా అడ్డుకున్నారు.