News
News
X

నెల్లూరు జిల్లాలో ఎన్ఐఏ సోదాలు- కీలక డైరీ స్వాధీనం

నెల్లూరు జిల్లాలో ఎన్ఐఏ అధికారులు సోదాలు నిర్వహించారు. బుచ్చిరెడ్డిపాలెంకు చెందిన ఇలియాజ్ అనే వ్యక్తిపై అనుమానంతో అతని ఇంటిలో సోదాలు చేపట్టారు. ఇలియాజ్ డైరీని ఎన్ఐఏ అధికారులు స్వాధీనం చేసుకున్నారు.

FOLLOW US: 

నెల్లూరు జిల్లాలో ఎన్ఐఏ అధికారులు సోదాలు నిర్వహించారు. బుచ్చిరెడ్డిపాలెంకు చెందిన ఇలియాజ్ అనే వ్యక్తిపై అనుమానంతో అతని ఇంటిలో సోదాలు చేపట్టారు. ఇలియాజ్ మూడు నెలలుగా కనపడటంలేదు. అయితే అతను తన భార్యతో ఫోన్ కాంటాక్ట్ లో ఉన్నాడని సమాచారం. ఆమేరకు భార్య సెల్ ఫోన్లో వాట్సప్ మెసేజ్ లు ఉండటంతో ఎన్ఐఏ అధికారులు సెల్ ఫోన్ స్వాధీనం చేసుకుని వాట్సప్ చాటింగ్ పరిశీలించారు. ఇలియాజ్ కి చెందిన డైరీని ఎన్ఐఏ అధికారులు స్వాధీనం చేసుకున్నారు. అది యోగా పుస్తకంగా కుటుంబ సభ్యులు తెలిపారు. కానీ దాన్ని ఎన్ఐఏ అధికారులు స్వాధీనం చేసుకుని సీజ్ చేశారు. 

బుచ్చిలో కలకలం..
రెండు తెలుగు రాష్ట్రాల్లో ఈ ఉదయం నుంచి ఎన్ఐఏ సోదాలు జరుగుతున్న సంగతి తెలిసిందే. నెల్లూరు జిల్లాలో కూడా సోదాలు జరుగుతున్నాయి. బుచ్చిరెడ్డిపాలెంలోని ఖాజా నగర్ లో NIA సిబ్బంది సోదాలు నిర్వహించారు. ఇలియాజ్ అనే వ్యక్తి ఇంట్లో అధికారులు సోదాలు చేపట్టారు. తెల్లవారు ఝామునే పోలీసులు ఇలియాజ్ ఇంటికి వచ్చారు. దాదాపు 8గంటలసేపు సోదాలు జరిగినట్టు సమాచారం. ఉగ్రవాద కార్యకలాపాలతో సంబంధం ఉన్నట్లు ఆరోణలు రావడంతో ఎన్ఐఏ అధికారులు బుచ్చిరెడ్డిపాలెం వచ్చారు. 

నిజామాబాద్ లో ఓ జిమ్ ట్రైనర్ ని ఎన్ఐఏ అధికారులు అరెస్ట్ చేసి ప్రశ్నించిన సందర్భంలో బుచ్చిరెడ్డిపాలెంకు చెందిన ఇలియాజ్ కూడా అక్కడ శిక్షణ పొందినట్టు తేలింది. దీంతో పోలీసులు ఇలియాజ్ కోసం వేట మొదలు పెట్టారు. అతను మూడు నెలలుగా కనిపించడంలేదని నిర్థారించుకున్నారు. గతంలో బుచ్చిరెడ్డిపాలెంలోని ఖాజా నగర్ లో టిఫిన్ సెంటర్ నిర్వహించే ఇలియాజ్ మూడు నెలలుగా కనపడటంలేదు. దీంతో అతని కుటుంబ సభ్యులను ఎన్ఐఏ సిబ్బంది విచారించారు. ఎన్ఐఏ నుండి ఓ డీఎస్పీ స్థాయి అధికారితో పాటు మరికొంతమంది అధికారులు, నెల్లూరుకు చెందిన ఇద్దరు రెవెన్యూ అధికారులు, భద్రతా సిబ్బందితో కలిసి తనిఖీలు చేపట్టారు. 

ఎన్ఐఏ గో బ్యాక్..
బుచ్చిరెడ్డిపాలెంలో ఎన్ఐఏ సిబ్బంది సోదాలు నిర్వహిస్తున్న క్రమంలో స్థానికులు వారిని అడ్డగించే ప్రయత్నం చేశారు. ఇలియాజ్ ఇంటిలోకి వెళ్లి వచ్చిన అధికారుల్ని స్థానికులు అడ్డుకోవాలని చూశారు. లోపల ఏం జరిగిందో చెప్పాలని నిలదీశారు. మహిళా అధికారి పర్యవేక్షణలో ఎన్ఐఏ అధికారులు సోదాలు చేపట్టారు. వారు స్థానికలను పక్కకు తొలగమని చెప్పారు. కానీ స్థానికులు వారి జీపుకి కూడా అడ్డుపడ్డారు. ఎన్ఐఏ గో బ్యాక్ అంటూ నినాదాలు చేశారు. దీంతో ఎన్ఐఏ అధికారులు స్థానిక పోలీసులకు సమాచారమిచ్చారు. 


ఎన్ఐఏ అధికారుల సమాచారంతో బుచ్చిరెడ్డిపాలెం సీఐ కోటేశ్వరరావు, ఎస్సై వీరప్రతాప్ అక్కడికి వచ్చారు. వారు స్థానికులకు అరగంట సేపు నచ్చజెప్పారు.


వారు తొందరపాటులో ఎన్ఐఏకి అడ్డుపడ్డారని, వారికి సర్దిచెప్పామని తెలిపారు పోలీసులు. ఇలియాజ్ భార్య దగ్గర ఫోన్ నెంబర్లు సేకరించారని, వారి ఇంట్లో కీలక సమాచారం ఉన్న డైరీని స్వాధీనం చేసుకున్నారని స్థానిక పోలీసులు తెలిపారు. ఆ డైరీని ఎన్ఐఏ అధికారులు సీజ్ చేసినట్టు తెలిపారు. 

Published at : 18 Sep 2022 11:48 AM (IST) Tags: Nellore news nellore police Nellore Update Nellore Crime nia officials nia searchings

సంబంధిత కథనాలు

Weather Updates: అల్పపీడనం ఎఫెక్ట్ - ఏపీ, తెలంగాణలో 3 రోజులపాటు  వర్షాలు: IMD

Weather Updates: అల్పపీడనం ఎఫెక్ట్ - ఏపీ, తెలంగాణలో 3 రోజులపాటు వర్షాలు: IMD

Nellore Crime : కానిస్టేబుల్ తో ఎస్ఐ ప్రేమపెళ్లి, అదనపుకట్నం కోసం వేధింపులు

Nellore Crime : కానిస్టేబుల్ తో ఎస్ఐ ప్రేమపెళ్లి, అదనపుకట్నం కోసం వేధింపులు

Nellore: స్వచ్ఛ సర్వేక్షణ్ - నెల్లూరు టార్గెట్ ఎలా రీచ్ అయిందంటే?

Nellore: స్వచ్ఛ సర్వేక్షణ్ - నెల్లూరు టార్గెట్ ఎలా రీచ్ అయిందంటే?

Weather Updates: బలపడుతోన్న అల్పపీడనం - అక్కడ మోస్తరు నుంచి భారీ వర్షాలు, IMD ఎల్లో అలర్ట్ జారీ

Weather Updates: బలపడుతోన్న అల్పపీడనం - అక్కడ మోస్తరు నుంచి భారీ వర్షాలు, IMD ఎల్లో అలర్ట్ జారీ

Vizag Crime News : 70 ఏళ్లు దాటిన వృద్ధుడ్ని ఇలా కూడా చంపేస్తారా ? విశాఖలో ఇక రోడ్డెక్కితే గ్యారంటీ ఉండదు !

Vizag Crime News : 70 ఏళ్లు దాటిన వృద్ధుడ్ని ఇలా కూడా చంపేస్తారా ?  విశాఖలో ఇక రోడ్డెక్కితే గ్యారంటీ ఉండదు !

టాప్ స్టోరీస్

తెలంగాణ ప్రజలను గెలిపించినట్టే దేశ ప్రజలను గెలిపిస్తాం: సీఎం కేసీఆర్

తెలంగాణ ప్రజలను గెలిపించినట్టే దేశ ప్రజలను గెలిపిస్తాం: సీఎం కేసీఆర్

RRR For Oscars : ఆస్కార్స్‌కు 'ఆర్ఆర్ఆర్' - తొలి అడుగు పడింది!

RRR For Oscars : ఆస్కార్స్‌కు 'ఆర్ఆర్ఆర్' - తొలి అడుగు పడింది!

ఉన్న ప్రతిపక్షాలకే ఆదరణ లేదు- వచ్చే బీఆర్‌ఎస్‌ ఏం చేస్తుంది: ఏపీ మంత్రులు

ఉన్న ప్రతిపక్షాలకే ఆదరణ లేదు- వచ్చే బీఆర్‌ఎస్‌ ఏం చేస్తుంది: ఏపీ మంత్రులు

Weather Latest Update: నేడు ఈ జిల్లాలకు వర్షం ఎలర్ట్! ఈ రెండ్రోజులు దంచికొట్టనున్న వానలు

Weather Latest Update: నేడు ఈ జిల్లాలకు వర్షం ఎలర్ట్! ఈ రెండ్రోజులు దంచికొట్టనున్న వానలు