Breaking News Live Telugu Updates: రేపు వికారాబాద్ జిల్లా వ్యాప్తంగా విద్యాసంస్థలకు సెలవు
ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.
LIVE
Background
ఆంధ్రప్రదేశ్‌, తెలంగాణ రాష్ట్రాల్లో మరో రెండు రోజులపాటు వర్షాలు కురిసే అవకాశం ఉందని భారత వాతావరణ శాఖ తెలిపింది. ముఖ్యంగా ఉత్తర తెలంగాణ జిల్లాలకు ఎల్లో అలర్ట్ సైతం జారీ చేశారు. ఉపరితల ఆవర్తనం ఆదివారం ఆగ్నేయ మధ్యప్రదేశ్‌ పరిసర ప్రాంతంలో సముద్ర మట్టానికి 5.8 కి.మీ ఎత్తులో విస్తరించి దక్షిణ దిశవైపునకు వంపు తిరిగి ఉందని వాతావరణ కేంద్రం తెలిపింది. దిగువ ట్రోపో ఆవరణంలో నైరుతి దిశ నుంచి, పశ్చిమ దిశల నుంచి గాలులు వీస్తున్నాయి.
తెలంగాణలో భారీ నుంచి అతి భారీ వర్షాలు
హైదరాబాద్, జీహెచ్ఎంసీ ప్రాంతాల్లో అర్ధరాత్రి భారీ వర్షం కురిసింది. నేడు సైతం నగరాన్ని మబ్బులు కమ్మేశాయి. గంటకు 6 నుంచి 12 కి.మీ వేగంతో చల్లనిగాలులు వీస్తున్నాయి. భారీ వర్షాలు కురుస్తున్నందున పలు జిల్లాలకు ఎల్లో అలర్ట్ జారీ చేసింది వాతావరణ శాఖ. ఆదిలాబాద్, కొమరం భీమ్ ఆసిఫాబాద్, మంచిర్యాల, కరీంనగర్, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, నల్గొండ, యాదాద్రి భువనగిరి, రంగారెడ్డి, వికారాబాద్, మెదక్, కామారెడ్డి, మహబూబ్ నగర్ జిల్లాల్లో అక్కడక్కడ భారీ వర్షాలు కురుస్తాయని ఈ జిల్లాలకు ఎల్లో అలర్ట్ జారీ చేసింది.
హెచ్చరిక: భారీ వర్షం కురుస్తున్న సమయంలో ఇళ్ల నుంచి బయటకు రావొద్దని ప్రజలకు హెచ్చరించారు. అరటితోటలకు నష్టం వాటిల్లుతుంది. కోతకు సిద్ధంగా ఉన్న పంటలకు నష్టం జరుగుతుందన్నారు. వర్షపు నీళ్లు నిలిచిపోయే చోట ఉండకూడదు. వైర్లు, విద్యుత్ స్తంభాలకు దూరంగా ఉండాలని సూచించారు. అరటి తోటలకు నష్టం కలిగే అవకాశం ఉందని పేర్కొన్నారు. చెట్ల కింద నిల్చోకుండా సురక్షిత మైన చోట ఉండాలని ప్రజలను హెచ్చరించారు.
ఉత్తర కోస్తాంధ్ర, యానాంలో వర్షాలు..
ఏపీలో ఉత్తర తెలంగాణలో భారీ వర్షాలు కురుస్తాయని అమరావతి వాతావరణ కేంద్రం తెలిపింది. ఉత్తర కోస్తాంధ్ర, యానాంలలో పిడుగులు పడే పడే అవకాశం ఉందని, కొన్ని చోట్ల ఉరుములు, మెరుపులతో వర్షాలు కురుస్తాయని హెచ్చరించారు. ఉమ్మడి శ్రీకాకుళం, విజయనగరం, విశాఖపట్నం జిల్లాలతో పాటు యానాంలో మోస్తరు నుంచి భారీ వర్షం కురవనుంది. తూర్పు గోదావరి, పశ్చిమ గోదావరి జిల్లాల్లోనూ ఓ మోస్తరు వర్షాలు కురవనున్నాయని ఎల్లో అలర్ట్ జారీ చేశారు.
దక్షిణ కోస్తా, రాయలసీమలో ఇలా..
దక్షిణ కోస్తాంధ్ర లోని ఉమ్మడి గుంటూరు, కృష్ణా, నెల్లూరు, ప్రకాశం జిల్లాలలో తేలికపాటి జల్లులు పడతాయి. ఉపరితల ఆవర్తనం కారణంగా రాయలసీమ ప్రాంతాల్లో తేలికపాటి జల్లులు పడతాయని అమరావతి వాతావరణ కేంద్రం తెలిపింది. ఈ ప్రాంతాల్లో తేలికపాటి నుంచి ఓ మోస్తరు వర్షం కురుస్తుందని, ఎలాంటి హెచ్చరికలు జారీ చేయలేదు.
రేపు వికారాబాద్ జిల్లా వ్యాప్తంగా విద్యాసంస్థలకు సెలవు
తెలంగాణ వ్యాప్తంగా మరో మూడు రోజులు వర్షాలు కురుస్తాయని వాతావరణ శాఖ తెలపింది. రేపు వికారాబాద్ జిల్లాలో భారీ వర్షాలు కురిసే అవకాశం ఉందని తెలిపింది. దీంతో వికారాబాద్ జిల్లాలోని విద్యాసంస్థలకు సెలవుప్రకటించారు జిల్లా విద్యాశాఖ అధికారులు.
టీడీపీ అధినేత చంద్రబాబుతో మోహన్ బాబు భేటీ
Mohan Babu Meets Chandrababu : టీడీపీ అధినేత చంద్రబాబుతో ప్రముఖ నటుడు మోహన్ బాబు మంగళవారం భేటీ అయ్యారు. హైదరాబాద్ లోని చంద్రబాబు నివాసానికి వెళ్లిన మోహన్ బాబు రెండు గంటల పాటు సమావేశంలో అయ్యారు. ఏపీ రాజకీయాలపై ఈ భేటీలో చర్చించినట్లు తెలుస్తోంది.
హైదరాబాద్ లో ఎమ్ఎమ్టీఎస్ రైలు ఢీకొని ముగ్గురు మృతి
MMTS Rail Accident : హైదరాహబాద్ హైటెక్ సిటీ వద్ద రైలు ప్రమాదం జరిగింది. ఎమ్ఎమ్టీఎస్ రైలు ఢీకొని ముగ్గురు మృతి చెందారు. మృతులు వనపర్తి వాసులుగా తెలుస్తోంది. రైలు ట్రాక్ వెంబడి నడుస్తుండగా వెనుక నుంచి రైలు ఢీకొట్టింది. మృతులు కృష్ణ, శ్రీను, రాజప్పగా సమాచారం.
తెలుగు ప్రోడ్యూసర్స్‌ గిల్డ్ సమావేశంలో సంచలన నిర్ణయం
తెలుగు నిర్మాతల గిల్డ్ అత్యవసర సమావేశం. ఆగస్టు నుంచి షూటింగ్‌లు బంద్ చేయాలని నిర్ణయం. ఈ నిర్ణయంతో పెద్ద హీరోల సినిమాలపై ప్రభావం. ఆగిపోనున్న పెద్ద హీరోల సినిమాలు.
తెలుగు ప్రోడ్యూసర్స్‌ గిల్డ్ సమావేశంలో సంచలన నిర్ణయం
తెలుగు నిర్మాతల గిల్డ్ అత్యవసర సమావేశం. ఆగస్టు నుంచి షూటింగ్‌లు బంద్ చేయాలని నిర్ణయం. ఈ నిర్ణయంతో పెద్ద హీరోల సినిమాలపై ప్రభావం. ఆగిపోనున్న పెద్ద హీరోల సినిమాలు.
టాప్ హెడ్ లైన్స్
ట్రెండింగ్ వార్తలు
