Raja Singh on Congress Controversial Posts | హిందువులను అవమానించే ఆ పోస్ట్ వెంటనే డిలీట్ చెయ్యండి

బక్రీద్ పర్వదినం పురస్కరించుకుని కాంగ్రెస్ నేతలు పెట్టిన సోషల్ మీడియా పోస్టులు వివాదానికి దారి తీశాయి. కాంగ్రెస్ నేత, భువనగిరి ఎమ్మెల్యే కుంభం అనిల్ కుమార్ రెడ్డి బక్రీద్ శుభాకాంక్షలు చెబుతూ ఓ సోషల్ మీడియా కోసం ఓ పోస్ట్ కార్డ్ ను పెట్టారు. అందులో గోవులు ఉండటంతో వివాదానికి కారణమైంది.

కాంగ్రెస్ కు చెందిన తెలంగాణ ఎమ్మెల్యే కుంభం అనిల్ కుమార్ రెడ్డి సోషల్ మీడియాలో చేసిన ఓ పోస్టు వివాదాస్పదం అవుతున్న సంగతి తెలిసిందే. భువనగిరి ఎమ్మెల్యే అయిన అనిల్ కుమార్ బక్రీద్ సందర్భంగా ఓ పోస్టర్ రూపొందించి శుభాకాంక్షలు తెలిపారు. అందులో బక్రీద్ శుభాకాంక్షలు తెలిపిన తీరుపై సర్వత్రా విమర్శలు వ్యక్తం అవుతున్నాయి. ఓ ఆవు బొమ్మను ఆ పోస్టులో చేర్చడంతో హిందుత్వవాదులు తీవ్రమైన విమర్శలు చేస్తున్నారు.

గోషామహల్ కు చెందిన బీజేపీ ఎమ్మెల్యే రాజాసింగ్ మాట్లాడుతూ.. హిందువులను అవమానించేలా ఆ పోస్ట్ ఉందని వెంటనే డిలీట్ చేయాలని డిమాండ్ చేశారు. ‘‘ఇవాళ బక్రీద్. కానీ, గోరక్షకులకు ఇది విషాద దినం. దేశమంతా మేము బాధలో ఉంటే.. కాంగ్రెస్ ఎమ్మెల్యే బక్రీద్ శుభాకాంక్షలు అని ఓ పోస్టు పెట్టారు. శుభాకాంక్షలు చెబితే ఎలాంటి అభ్యంతరం లేదు. కానీ, ఆ పోస్టులో ఒక ఆవును ప్రతిబింబిస్తూ డిజైన్ చేశారు. ఆ ఆవుపై దర్గా బొమ్మను రూపొందించారు. గోవును ఆ పోస్టులో చేర్చి హిందువుల మనోభావాలను దెబ్బతీశారు.