ఖమ్మంలో NDRF బృందాలు అవగాహన కార్యక్రమం

ఖమ్మం మున్నేరులో NDRF బృందాల రెస్యూ ఆపరేషన్ మాక్ డ్రిల్ ఆకట్టుకుంది. ప్రకృతి విపత్తులు, అత్యవసర పరిస్థితుల్లో ప్రజలను ఎలా రక్షించాలో మాక్ డ్రిల్ ద్వారా ఆ బృందం చేసి చూపించింది. మున్నేరు నీటిలో ఓ మనిషి మునిగితే ఎలా రక్షిస్తారు ? వరదలు, భారీ వర్షాల్లో కొట్టుకుపోతున్న సామాగ్రిని, మునిగిపోతున్న వస్తువులు, మనుషులను కాపాడే విధానన్ని ప్రదర్శించారు. NDRF బృందాల శిక్షణతోపాటు సామాన్య ప్రజలకు NDRF బృందం యొక్క పని తీరు తెలిసేలా ఈ కార్యక్రమాన్ని ఏర్పాటు చేశారు. ఖమ్మం జిల్లా కలెక్టర్ వీపీ గౌతమ్, ఖమ్మం మున్సిపల్ కమిషన్ ఆదర్శ్ సురబీ తో పాటు జిల్లా ఉన్నతాధికారులు, పెద్ద ఎత్తున తరలివచ్చిన ప్రజలు NDRF బృందాల విన్యాసాలను ప్రత్యక్షంగా తిలకించారు.