Karthika Deepam Actor Manoj On Gun Fire Incident: సెలెబ్రిటీ క్లబ్ ఘటనలో ట్విస్ట్

శామీర్ పేట్ లోని సెలబ్రిటీ క్లబ్ లో శనివారం కాల్పుల ఘటన కలకలం సృష్టించింది. తన భార్యతో మనోజ్ అనే వ్యక్తి కలిసి ఉండటాన్ని భర్త సిద్ధార్థ్ చూశాడు. వారిద్దరినీ నిలదీశాడు. ఈ క్రమంలో ఎయిర్ గన్ తో.... భర్త సిద్ధార్థ్ పై మనోజ్ కాల్పులు జరిపాడు. వాటి నుంచి తప్పించుకున్న బాధితుడు పోలీసులకు ఫిర్యాదు చేయగా.... వాళ్లు వచ్చి మనోజ్ ను అరెస్ట్ చేశారు. అయితే ఈ మనోజ్.... కార్తికదీపం ఫేమ్ యాక్టర్ మనోజ్ అని నిన్న అంతా వార్తలు వచ్చాయి. అతనే కాల్పులు జరిపాడంటూ అందరూ అనుకున్నారు. ఈ నేపథ్యంలో మనోజ్ వివరణ ఇచ్చుకోవాల్సి వచ్చింది. ఆ ఘటనకు తనకు ఎలాంటి సంబంధం లేదని, 2 రోజులుగా బెంగళూరులో ఉన్నానని చెప్పుకొచ్చాడు. ఘటనలో కాల్పులు జరిపిన మనోజ్.... ఓ సాఫ్ట్ వేర్ ఉద్యోగి అన్నట్టుగా తెలుస్తోంది.