WPL 2026 MI vs DC | ఎలిమినేట‌ర్‌కు ఢిల్లీ క్యాపిట‌ల్స్‌

డ‌బ్ల్యూపీఎల్ 2026 సీజ‌న్‌లో ప్లేఆఫ్స్ బెర్తును ఖ‌రారు చేసుకుంది ఢిల్లీ క్యాపిట‌ల్స్‌ ( Delhi Capitals ). ఇప్ప‌టికే రాయ‌ల్ ఛాలెంజ‌ర్స్ బెంగ‌ళూరు ( Royal Challengers Bangalore ) ఫైన‌ల్‌కు చేరుకుంది. గుజ‌రాత్ జెయింట్స్ ( Gujarat Giants ) ఎలిమినేట‌ర్‌కు అర్హ‌త సాధించిన విషయం తెలిసిందే. మిగిలిన మరో ప్లేస్ కోసం ఢిల్లీ క్యాపిటల్స్, యూపీ వారియర్జ్ మధ్య మ్యాచ్ జరిగింది. 5 వికెట్ల తేడాతో యూపీని ఓడించిన ఢిల్లీ క్యాపిట‌ల్స్‌ ఎలిమినేట‌ర్‌కు అర్హ‌త సాధించింది. 

తొలుత బ్యాటింగ్ చేసిన యూపీ జ‌ట్టు 20 ఓవ‌ర్ల‌లో 8 వికెట్ల న‌ష్టానికి 122 ప‌రుగులు చేసింది. బ్యాట‌ర్ల‌లో దీప్తి శ‌ర్మ ( Deepti Sharma ), సిమ్రాన్ షేక్  ప‌ర్వాలేద‌నిపించారు. ఢిల్లీ బౌల‌ర్ల‌లో శ్రీచరణి ( Sricharani ) , షినెలి హెన్రీ చెరో రెండు వికెట్లు ప‌డ‌గొట్టారు. 

123 ప‌రుగుల ల‌క్ష్యాన్ని ఢిల్లీ క్యాపిట‌ల్స్ 18.4 ఓవర్ల‌లో 5 వికెట్లు కోల్పోయి ఛేదించింది. ఢిల్లీ బ్యాట‌ర్ల‌లో లారా వోల్వార్ట్‌, కెప్టెన్ జెమీమా రోడ్రిగ్స్ ( Jemimah Rodrigues ), ష‌ఫాలీ వ‌ర్మ‌ ( Shafali Verma ) రాణించారు. ఈ మ్యాచ్‌లో యూపీ విజ‌యం సాధించి ఉంటే.. ముంబై ప్లేఆఫ్స్‌కు చేరే అవ‌కాశం ఉండేది. యూపీ ఓడిపోవ‌డంతో ముంబై ఇండియ‌న్స్ కూడా ఈ సీజ‌న్‌లో ప్లే ఆఫ్స్‌కు చేర‌కుండానే టోర్నీ నుంచి నిష్క్రమించాయి.