West Indies vs Papua New Guinea Highlights | T20 World Cup 2024 | తృటిలో బయటపడిన వెస్టిండీస్

టీ20 వరల్డ్ కప్ లో జస్ట్ మిస్ లో ఓ గొప్ప సంచలనం మిస్ ఐంది. వెస్టిండీస్ పై గెలిచే ఛాన్స్ ను తృటిలో మిస్ చేసుకుంది పాపువా న్యూగినీ జట్టు..!

టీ20 వరల్డ్ కప్ లో జస్ట్ మిస్ లో ఓ గొప్ప సంచలనం మిస్ ఐంది. వెస్టిండీస్ పై గెలిచే ఛాన్స్ ను తృటిలో మిస్ చేసుకుంది పాపువా న్యూగినీ జట్టు..! మొదట బ్యాటింగ్ చేసిన న్యూగినీ జట్టు 20 ఓవర్లలో 8 వికెట్ల నష్టానికి 136  పరుగులు చేసింది. సెసె బవూ 50 పరుగులతో రాణించాడు. విండీస్‌ బౌలర్లలో రసెల్, అల్జారి జోసెఫ్‌ చెరో రెండు వికెట్లు పడగొట్టారు. ఐతే..ప్రత్యర్థి పసికూన.. అందులో టార్గెట్ 136 పరుగులే..భారీ హిట్టర్లకు కొదువలేని వెస్టిండిస్ జట్టు ఈజీగా ఫినిష్ చేస్తుందనకుంటే కథ రివర్స్ ఐంది. ఓపెనర్ జాన్సన్ చార్లెస్ డకౌట్ అయ్యారు. మరో ఓపెనర్ బ్రెండన్, పూరన్ 50 పరుగులకుపైగా పార్ట్ నర్ షిప్ తో 8 ఓవర్లలో 61తో పటిష్ఠంగానే నిలబెట్టారు. ఐతే.. ఆ తరువాత విండీస్ అనూహ్యంగా తడబడింది. ఆ తరువాత వెంట వెంటనే 4 వికెట్లు కోల్పోయింది. దీంతో..16 ఓవర్లలో 97 పరుగులకే 5 వికెట్లతో కష్టాల్లో పడింది. చివరి 4 ఓవర్లలో 40 పరుగులు కావాలి. ఆ సమయంలో చేజ్ 42 పరుగులతోదూకుడుగా ఆడటం..రసూల్ 15 పరుగులు కొట్టి..ఇద్దరు కలిసి 3 ఓవర్లలో 40 పరుగుల పార్ట్ నర్ షిప్ నమోదు చేయడంతో ఇంకో ఓవర్ ఉండగానే వెస్టిండీస్ గెలిచింది. న్యూగినీ టీమ్ లో స్పిన్నర్ వలా 2 వికెట్లు రాణించారు. అలా..చావు తప్పి కన్ను లోట్టపోయినట్లుగా వెస్టిండీస్ గెలిచినప్పటికీ..న్యూగినీ జట్టు పోరాట పటిమ మాత్రం అందరిని ఆకట్టుకుంది.