Vaibhav Sooryavanshi RR vs LSG IPL 2026 | వైభవ్ సూర్యవంశీ రికార్డుల మోత
రాజస్థాన్ రాయల్స్ యువ సంచలనం, 15 ఏళ్ల వైభవ్ సూర్యవంశీ సరికొత్త చరిత్ర సృష్టించాడు. లక్నో సూపర్ జెయింట్స్తో జరిగిన మ్యాచ్లో కేవలం 8 పరుగులు మాత్రమే చేసినప్పటికీ, ఐపీఎల్ చరిత్రలోనే అత్యంత వేగంగా 500 పరుగులు పూర్తి చేసిన బ్యాటర్గా రికార్డు సృష్టించాడు.
ఈ క్రమంలో ఆస్ట్రేలియా ప్లేయర్ గ్లేన్ మ్యాక్స్వెల్ పేరిట ఉన్న భారీ రికార్డును వైభవ్ తుడిచిపెట్టాడు. మ్యాక్స్వెల్ 260 బంతుల్లో ఈ ఫీట్ ను చేరుకోగా, వైభవ్ కేవలం 227 బాల్స్ లోనే 500 పరుగులు పూర్తి చేశాడు. అంతేకాకుండా, ఐపీఎల్ చరిత్రలో 200 లకు స్ట్రైక్ రేట్తో 500 పరుగులు సాధించిన ఏకైక ప్లేయర్ గా నిలిచాడు.
రికార్డుల వేటలో వైభవ్ ఇక్కడితో ఆగలేదు. ఐపీఎల్లో 500 పరుగులు చేసిన అత్యంత చిన్న వయసు ప్లేయర్ గా పృథ్వీ షా పేరిట ఉన్న రికార్డును చెరిపివేశాడు. సంజూ శాంసన్, రిషభ్ పంత్ వంటి స్టార్ ప్లేయర్లు 19 ఏళ్ల వయసులో సాధించిన ఈ ఫీట్ను వైభవ్ 15 ఏళ్లకే అందుకుని క్రికెట్ ప్రపంచాన్ని ఆశ్చర్యపరిచాడు.
టాప్ హెడ్ లైన్స్
ట్రెండింగ్ వార్తలు
