T20 World Cup India vs USA | అమెరికాపై టీమిండియా ఘన విజయం

భారత క్రికెట్ జట్టు విజయంతో టీ20 ప్రపంచ కప్ 2026 ( T20 World Cup ) ప్రయాణాన్ని ప్రారంభించింది. USAని ( India vs USA ) 29 పరుగుల తేడాతో ఓడించింది. ఈ మ్యాచ్ లోని ఫస్ట్ ఇన్నింగ్స్ చాలా ఉత్కంఠ భరితంగా కొనసాగింది. వరుస వికెట్లు కోల్పోయి కష్టాలో పడిన టీమ్ ఇండియాను సూర్య కుమార్ యాదవ్ ( Suryakumar Yadav ) కాపాడాడు. కెప్టెన్ ఇన్నింగ్స్ ఆడి, భారత్ విజయం సాధించడంలో కీలక పాత్ర పోషించాడు.  

మొదట బ్యాటింగ్‌ చేసిన భారత్ 20 ఓవర్లలో 9 వికెట్లు కోల్పోయి 161 పరుగులు చేసింది. మ్యాచ్ ప్రారంభంలోనే అభిషేక్ శర్మ ( Abhishek Sharma ) , శివం దూబేలు ఖాతా కూడా తెరవకుండా పెవిలియన్ చేరారు. తిలక్ వర్మ ( Tilak Verma ) 25 పరుగులు, ఇషాన్ కిషన్ 20 పరుగులు చేసి పరవాలేదనిపించారు. కెప్టెన్ సూర్యకుమార్ యాదవ్ చివరి ఓవర్లలో బౌండరీలు బాదుతూ పరుగులు రాబట్టాడు. ఈ క్రమంలోనే హాఫ్ సెంచరీ పూర్తి చేసుకున్నాడు. 

ఛేజింగ్‌కు దిగిన USA జట్టు 20 ఓవర్లలో 132 పరుగులు మాత్రమే చేయడంతో ఓటమి తప్పలేదు. సిరాజ్ ( Mohammed Siraj ) 4 ఓవర్లలో కేవలం 29 పరుగులు ఇచ్చి 3 వికెట్లు తీశాడు. అర్ష్‌దీప్ సింగ్ ( Arshdeep Singh ), అక్షర్ పటేల్ చెరో రెండు వికెట్లు తీశారు. మిస్టరీ స్పిన్నర్ వరుణ్ చక్రవర్తి ఒక వికెట్ తీశాడు. హార్దిక్ పాండ్యా  4 ఓవర్లలో 34 పరుగులు ఇచ్చాడు. అతడికి వికెట్ దక్కలేదు.