Suryakumar Yadav Ind vs Nam T20WC | ఇదే మా అసలైన ఆట అంటున్న సూర్య

టీ20 ప్రపంచకప్ 2026లో ( T20 World Cup 2026 ) నమీబియాపై 93 పరుగుల భారీ విజయంతో టీమిండియా దూసుకెళ్తుంది. ఈ విజయంపై కెప్టెన్ సూర్యకుమార్ యాదవ్ ( Suryakumar Yadav ) స్పందించారు. టీమ్ సరైన ట్రాక్‌లోకి వచ్చిందని, ఇదే తమ అసలైన ఆట అని సంతోషం వ్యక్తం చేశారు.

ఈ మ్యాచ్‌లో ఇషాన్ కిషన్ ( Ishan Kishan ), సంజూ శాంసన్ ( Sanju Samson ) అద్భుతమైన ఆరంభాన్ని ఇచ్చారని సూర్య అన్నాడు. మధ్యలో వికెట్లు పడినా, శివమ్ దూబే ( Shivam Dubey ), హార్దిక్ పాండ్యా ( Hardik Pandya ) మంచి భాగస్వామ్యం నెలకొల్పారని పొగిడాడు. 

ముఖ్యంగా స్టార్ పేసర్ జస్‌ప్రీత్ బుమ్రా ( Jasprit Bumrah ) తన 4 ఓవర్లు పూర్తి చేయడం టీమ్ కు అతిపెద్ద బూస్ట్ అని అన్నాడు. "నమీబియా బౌలర్లు కూడా అద్భుతంగా బౌలింగ్ చేశారు. వారు కసితో ఈ మ్యాచ్ ఆడారు. వారు తమ ప్రణాళికలను అద్భుతంగా అమలు చేశారు. వారి బౌలింగ్‌కు నేను ఫిదా అయ్యాను. మేం వెనువెంటనే వికెట్లు కోల్పోయాం కానీ.. మంచి భాగస్వామ్యం నెలకొల్పాం. చివర్లోనూ మంచి ముగింపు లభించింది అని అన్నాడు కెప్టెన్ సూర్య. 

హాఫ్ సెంచరీతో జట్టును ఆదుకున్న హార్దిక్ పాండ్యాపై సూర్య ప్రశంసల జల్లు కురిపించారు. "హార్దిక్ కొత్త బంతితోనైనా, పాత బంతితోనైనా బౌలింగ్ చేయగలడు. అతని పాజిటివ్ మైండ్‌సెట్ జట్టుకు ప్రధాన బలం" అని చెప్పారు.