Sunil Gavaskar Advice to Abhishek Sharma | అభిషేక్ ఫామ్పై గావస్కర్ కీలక వ్యాఖ్యలు
టీ20 ప్రపంచకప్ 2026లో ( T20 World Cup 2026 ) టీమిండియా ( Team India ) వరుస విజయాలతో దూసుకెళ్తుంది. కానీ ఓపెనర్ అభిషేక్ శర్మ ( Abhishek Sharma ) ఫామ్ ఆందోళనకరంగా మారింది. ఐపీఎల్లో విధ్వంసం సృష్టించిన ఈ కుర్రాడు, ప్రపంచకప్లో మాత్రం వరుసగా రెండు మ్యాచ్ల్లో డకౌట్ అయి తీవ్ర విమర్శల పాలయ్యాడు. నమీబియాతో మ్యాచ్కు అనారోగ్యంతో దూరమైన అభిషేక్, పాకిస్థాన్తో జరిగిన పోరులోనూ ఖాతా తెరవకుండానే పెవిలియన్ చేరాడు.
ఈ నేపథ్యంలో టీమిండియా దిగ్గజ క్రికెటర్ సునీల్ గావస్కర్ ( Sunil Gavaskar ), అభిషేక్ శర్మకు సలహా ఇచ్చారు. "అభిషేక్ శర్మకు నేనిచ్చే సలహా ఒక్కటే.. క్రీజులోకి రాగానే భారీ షాట్లకు వెళ్లకుండా మొదట సింగిల్ తీయడానికి ప్రయత్నించాలి. ఒక్కసారి సింగిల్ తీస్తే కాళ్లు కదులుతాయి, కాంఫిడెన్స్ పెరుగుతుంది. ఆ తర్వాత వేగంగా పరుగులు రాబట్టవచ్చు. అతను ఇప్పటికే న్యూజిలాండ్పై అద్భుతమైన ఇన్నింగ్స్లు ఆడి మంచి టచ్లో ఉన్నాడు. ఆ టచ్ను వాడుకోవాలంటే క్రీజులో కుదురుకోవడం ముఖ్యం" అని సన్నీ పేర్కొన్నారు.
అభిషేక్ శర్మ నుంచి అభిమానులు ఆశించేది మెరుపు ఇన్నింగ్స్లే అయినప్పటికీ, సిచువేషన్కు తగ్గట్టుగా ఆడటం నేర్చుకోవాలని గావస్కర్ సూచించారు. మరోవైపు, టీమిండియా ఇప్పటికే గ్రూప్ స్టేజ్లో వరుసగా మూడు విజయాలు సాధించి సూపర్-8 బెర్త్ను ఖరారు చేసుకుంది. తమ చివరి లీగ్ మ్యాచ్ను నెదర్లాండ్స్తో ఆడనుంది. ఈ మ్యాచ్లోనైనా అభిషేక్ శర్మ ఫామ్లోకి వస్తాడో లేదో చూడాలి.
టాప్ హెడ్ లైన్స్
ట్రెండింగ్ వార్తలు
