Starc vs Yashasvi Jaiswal IPL 2026 | 6 ఇన్నింగ్స్.. 4 సార్లు అవుట్ అయిన జైస్వాల్
మిచెల్ స్టార్క్ వర్సెస్ యశస్వి జైస్వాల్. ఇప్పుడు ఇదే వైరల్ అవుతుంది. ఈ ఇద్దరి మధ్య ఉన్న పోటీ రోజు రోజుకి పెరిగిపోతుంది. ఐపీఎల్ 2026లో ఢిల్లీ, రాజస్థాన్ మధ్య జరిగిన మ్యాచ్ లోన్ మరోసారి స్టార్క్ తన పంజా విసిరాడు. ఢిల్లీ క్యాపిటల్స్ తరపున బరిలోకి దిగిన స్టార్క్, ఇన్నింగ్స్ మూడో బాల్ కే జైస్వాల్ను అవుట్ చేసి షాక్ ఇచ్చాడు. ఫుల్ టాస్ బాల్ ను ఆడబోయి జైస్వాల్ నేరుగా స్టార్క్కే రిటర్న్ క్యాచ్ ఇచ్చి కేవలం 6 పరుగులకే పెవిలియన్ చేరాడు.
ఐపీఎల్లోనే కాదు, ఇంటర్నేషనల్ మ్యాచ్ లో కూడా స్టార్క్ భీభత్సం సృష్టించాడు. పెర్త్ టెస్టులో జైస్వాల్ ఒక ఇన్నింగ్స్లో 161 పరుగులు చేసినప్పటికీ, మరో ఇన్నింగ్స్లో స్టార్క్ బౌలింగ్లో డకౌట్ అయ్యాడు. అడిలైడ్లోనూ సున్నాకే వెనుదిరగగా, గబ్బా, మెల్బోర్న్ టెస్టుల్లో కూడా స్టార్క్ తన వేగంతో జైస్వాల్ను ముప్పుతిప్పలు పెట్టాడు.
స్టార్క్ వేసే ఇన్స్వింగర్లు, బౌన్సర్లు జైస్వాల్కు పెను సవాల్గా మారుతున్నాయి. ముఖ్యంగా కొత్త బాల్ తో స్టార్క్ చేసే మ్యాజిక్ను ఎదుర్కోవడంలో జైస్వాల్ తడబడుతున్నాడు. తన లోపాలను సరిదిద్దుకుని జైస్వాల్ ఈ ఐపీఎల్ సీజన్ లో స్టార్క్ పై పైచేయి సాధిస్తాడా లేదా చూడాలి.
టాప్ హెడ్ లైన్స్
ట్రెండింగ్ వార్తలు
