Sai Sudharsan Hit Wicket In IPL 2026 | వరుసగా రెండు మ్యాచ్ల్లో హిట్ వికెట్ అయిన సాయి సుదర్శన్
గుజరాత్ టైటాన్స్ స్టార్ ఓపెనర్ సాయి సుదర్శన్ అవుట్ అవుతున్న తీరు చూసి ప్లేయర్స్ కూడా షాక్ అవుతున్నారు. ఐపీఎల్ హిస్టరీలోనే ఎవరికీ సాధ్యం కాని ఒక రికార్డును కూడా ఈ యంగ్ బ్యాటర్ తన ఖాతాలో వేసుకున్నాడు. వరుసగా రెండు నాకౌట్ మ్యాచ్ల్లోనూ సాయి సుదర్శన్ హిట్ వికెట్ గా అవుట్ కావడం ఇప్పుడు క్రికెట్ ప్రపంచంలో హాట్ టాపిక్గా మారింది.
రాయల్ ఛాలెంజర్స్ బెంగళూరుతో జరిగిన క్వాలిఫయర్-1లో హిట్ వికెట్ అయిన సాయి సుదర్శన్.. తాజాగా రాజస్థాన్ రాయల్స్తో జరిగిన క్వాలిఫయర్-2లోనూ అదే విధంగా వెనుదిరిగాడు. రాజస్థాన్ బౌలర్ బ్రిజేష్ శర్మ వేసిన 13వ ఓవర్లో ఈ ఘటన జరిగింది. బ్రిజేష్ వేసిన ఫుల్టాస్ బంతిని సుదర్శన్ ఆఫ్సైడ్ స్లైస్ చేశాడు. బంతి బౌండరీ వైపు వెళ్తుండగా.. ఊహించని విధంగా అతని చేతిలో నుంచి బ్యాట్ జారి నేరుగా వికెట్ల మీద పడింది. దీంతో సుదర్శన్ హిట్ వికెట్గా వెనుదిరగాల్సి వచ్చింది.
ఐపీఎల్ హిస్టరీలోనే వరుసగా రెండు మ్యాచ్ల్లో హిట్ వికెట్ అయిన తొలి బ్యాటర్గా సాయి సుదర్శన్ నిలిచాడు. ప్రస్తుతం ఈ వీడియో నెట్టింట విపరీతంగా వైరల్ అవుతోంది.
టాప్ హెడ్ లైన్స్
ట్రెండింగ్ వార్తలు
