Reason for Virat Kohli Test Retirement | విరాట్ టెస్ట్ రిటైర్మెంట్ వెనుక అసలు నిజం ఇదే
టీమిండియా స్టార్ బ్యాటర్ విరాట్ కోహ్లీ టెస్ట్ రిటైర్మెంట్‌పై మాజీ క్రికెటర్ మహమ్మద్ కైఫ్ చేసిన సంచలన వ్యాఖ్యలు ప్రస్తుతం క్రికెట్ వర్గాల్లో తీవ్ర చర్చనీయాంశంగా మారాయి. టీమ్ లోని వాతావరణం నచ్చకనే కోహ్లీ టెస్ట్ ఫార్మాట్‌కు గుడ్‌బై చెప్పాడని కైఫ్ అభిప్రాయపడ్డారు. గతేడాది తనకు ఎంతో ఇష్టమైన టెస్ట్ క్రికెట్ నుంచి కోహ్లీ ఆకస్మికంగా తప్పుకోవడం యావత్ ప్రపంచాన్ని ఆశ్చర్యపరిచిన సంగతి తెలిసిందే.
తాజాగా ఈ విషయంపై మాట్లాడిన మహమ్మద్ కైఫ్.. కోహ్లీ ఎదుర్కొన్న పరిస్థితులపై కీలక ఆరోపణలు గుప్పించారు. కోహ్లీ ఇంటర్వ్యూలను పరిశీలిస్తే ఆయన ముఖంలో నిరాశ కనిపించిందని తెలిపారు. టీమ్ లో అతనికి తగిన ప్రాధాన్యత లభించలేదని భావించడం వల్లే ఈ నిర్ణయం తీసుకున్నట్లు అనిపించిందని కైఫ్ పేర్కొన్నారు.
టెస్ట్‌లో 10 వేల పరుగుల మైలురాయికి కేవలం 770 దూరంలో నిలిచిపోయిన కోహ్లీ, తన కెరీర్‌లో 123 టెస్ట్‌లాడి 9,230 పరుగులు సాధించారు. 30 శతకాలు, 31 అర్ధశతకాలు బాదడమే కాకుండా, భారత్ తరఫున అత్యంత విజయవంతమైన టెస్ట్ కెప్టెన్‌గా కోహ్లీ చరిత్ర సృష్టించారు. ఇప్పుడు కైఫ్ చేసిన ఈ వ్యాఖ్యలు సోషల్ మీడియాలో వైరల్ అవుతున్నాయి.
టాప్ హెడ్ లైన్స్
ట్రెండింగ్ వార్తలు
