RCB Batting Collapse vs GT IPL 2026 | గుజరాత్ బౌలర్ల ధాటికి ఆర్సీబీ క్లీన్ స్వీప్
ఐపీఎల్ 2026లో రాయల్ ఛాలెంజర్స్ బెంగళూరుకు షాక్ ఇచ్చారు గుజరాత్ బౌలర్లు. బౌలర్ల అటాక్ను తట్టుకోలేక వరుసగా పెవిలియన్కు క్యూ కట్టారు బెంగుళూరు బ్యాట్సమన్. దాంతో ఆర్సీబీ 19.2 ఓవర్లలో కేవలం 155 పరుగులకే కుప్పకూలింది.
టాస్ ఓడి బ్యాటింగ్కు దిగిన ఆర్సీబీకి గట్టి దెబ్బ తగిలింది. మూడో ఓవర్లోనే జాకోబ్ బెతెల్ అవుట్ కాగా, ఆ నెక్స్ట్ ఓవర్ లో నే స్టార్ బ్యాటర్ విరాట్ కోహ్లీ క్యాచ్ అవుట్గా వెనుదిరిగాడు. కోహ్లీ 13 బంతుల్లో 5 ఫోర్లు, ఒక సిక్సర్తో మంచి ఊపులో కనిపించినా, ఆ జోరును కొనసాగించలేకపోయాడు. అయితే దేవదత్ పడిక్కల్ ఆడటంతో ఆర్సీబీ పవర్ ప్లే ముగిసేసరికి 2 వికెట్ల నష్టానికి 59 పరుగులు చేసింది.
పవర్ ప్లే తర్వాత అసలు సినిమా మొదలైంది. కెప్టెన్ రజత్ పటీదార్, జితేష్ శర్మ, టీమ్ డేవిడ్ వరుస వికెట్లతో ఆర్సీబీ 96 పరుగులకే 6 వికెట్లు కోల్పోయి పీకల్లోతు కష్టాల్లో పడింది. ఒకవైపు పడిక్కల్ ఒంటరి పోరాటం చేస్తూ 24 బంతుల్లో 40 పరుగులు చేసినా, అతనికి రషీద్ ఖాన్ బ్రేక్ వేశాడు. పడిక్కల్ క్లీన్ బౌల్డ్ కావడంతో ఆర్సీబీ కోలుకోలేకపోయింది. గుజరాత్ బౌలర్లలో అర్షద్ ఖాన్ 3 వికెట్లతో చెలరేగగా.. జాసన్ హోల్డర్, రషీద్ ఖాన్ చెరో రెండు వికెట్లు పడగొట్టారు. ఇంపాక్ట్ ప్లేయర్గా వచ్చిన వెంకటేశ్ అయ్యర్ కూడా నిరాశపరచడంతో ఆర్సీబీ తక్కువ స్కోరుకే పరిమితమైంది.Title : RCB Batting Collapse vs GT IPL 2026 | గుజరాత్ బౌలర్ల ధాటికి ఆర్సీబీ క్లీన్ స్వీప్ | ABP Desam
టాప్ హెడ్ లైన్స్
ట్రెండింగ్ వార్తలు
