Pakistan Captain Salman comments on Ind vs Pak | ఓటమిపై పాక్ కెప్టెన్ సల్మాన్ కామెంట్స్

భారత్-పాక్ మహా పోరులో పాకిస్థాన్ ( India vs Pakistan ) మరోసారి చేతులెత్తేసింది. 176 పరుగుల లక్ష్యంతో బరిలోకి దిగిన పాక్.. భారత బౌలర్ల ధాటికి కేవలం 114 పరుగులకే కుప్పకూలింది. 61 పరుగుల భారీ పరాజయం తర్వాత పాక్ కెప్టెన్ సల్మాన్ అలీ అఘా ( Salman Ali Agha ) తమ ఓటమికి గల ప్రధాన కారణాలను వెల్లడించాడు.

మ్యాచ్ అనంతరం సల్మాన్ అఘా మాట్లాడుతూ.. తమ స్పిన్నర్లు ఆశించిన స్థాయిలో రాణించలేకపోయారని అసహనం వ్యక్తం చేశాడు. "పిచ్ కండిషన్స్ మాకు అనుకూలంగా ఉన్నా, ప్రణాళికలకు తగ్గట్లు బౌలింగ్ చేయలేకపోయాం. సరైన లెంగ్త్‌లో బంతులు వేయలేకపోవడం మా తప్పిదమే" అని అన్నాడు. అయితే గత 6 నెలలుగా స్పిన్నర్లు బాగా ఆడుతున్నారని, వారిపై తనకు నమ్మకం ఉందని పేర్కొన్నాడు.

బ్యాటింగ్‌లో పవర్ ప్లేలోనే వికెట్లు కోల్పోవడం తమ పతనానికి కారణమైందని అన్నాడు. "నిజానికి మొదటి ఇన్నింగ్స్ కంటే రెండో ఇన్నింగ్స్‌లో పిచ్ బ్యాటింగ్‌కు బాగా సహకరించింది. కానీ ఆరంభంలోనే కీలక వికెట్లు పడటంతో మ్యాచ్ కోలుకోలేకపోయాం. ఇలాంటి హై-వోల్టేజ్ మ్యాచ్‌ల్లో భావోద్వేగాలను నియంత్రించుకోలేకపోయాం" అని చెప్పుకొచ్చాడు.