Nepal vs England T20 World Cup | ఇంగ్లాండ్‌కు చుక్కలు చూపించిన నేపాల్
టీ20 ప్రపంచకప్ 2026లో ( T20 World Cup 2026 ) భాగంగా నేపాల్, ఇంగ్లాండ్ ( Nepal vs England ) మధ్య మ్యాచ్ జరిగింది. చివరి బంతి వరకు అత్యంత ఉత్కంఠగా సాగిన ఈ పోరులో ఇంగ్లాండ్ కేవలం 4 పరుగుల తేడాతో గెలిచింది. నిజానికి ఇంగ్లాండ్‌కు నేపాల్ టీమ్ చుక్కలు చూపించింది అనే చెప్పాలి.
టాస్ గెలిచి మొదట బ్యాటింగ్ చేసిన ఇంగ్లాండ్‌కు నేపాల్ బౌలర్లు షాకిచ్చారు. 57 పరుగులకే 3 వికెట్లు కోల్పోయి కష్టాల్లో ఉన్న జట్టును జాకబ్ బెథెల్ ( Jacob Bethell ), హ్యారీ బ్రూక్ ( Harry Brook ) ఆదుకున్నారు. ఇంగ్లాండ్ 20 ఓవర్లలో 7 వికెట్ల నష్టానికి 184 పరుగులు చేసింది.
185 పరుగుల భారీ లక్ష్యంతో బరిలోకి దిగిన నేపాల్ ఏమాత్రం తడబడలేదు. ఓపెనర్ కుశాల్ భుర్తెల్ ( Kusal Bhurtel), జోఫ్రా ఆర్చర్ ( Jofra Archer ) బౌలింగ్‌లో వరుస ఫోర్లు బాదాడు. కెప్టెన్ రోహిత్ పౌడెల్, దిపేంద్ర సింగ్ ఐరీ ( Dipendra Singh Airee ) ఇంగ్లాండ్ స్పిన్నర్లను దీటుగా ఎదుర్కొన్నారు.
చివరి 3 ఓవర్లలో 38 పరుగులు అవసరమైనప్పుడు లోకేష్ సిక్సర్లతో విరుచుకుపడ్డాడు. చివరి ఓవర్ లో సామ్ కరన్ ( Sam Curran ) కేవలం 5 పరుగులు మాత్రమే ఇచ్చాడు. ఆలా ఇంగ్లాండ్ 4 పరుగుల తేడాతో అతికష్టం మీద గట్టెక్కింది. మ్యాచ్ ఓడినా కూడా నేపాల్ చేసిన పోరాటానికి అందరు ఫిదా అయిపొయ్యారు.
టాప్ హెడ్ లైన్స్
ట్రెండింగ్ వార్తలు
