LSG vs PBKS IPL 2026 Highlights | చరిత్ర సృష్టించిన పంజాబ్ కింగ్స్

ఐపీఎల్ 2026 సీజన్‌లో పంజాబ్ కింగ్స్ ను ఆపే వారే లేరనిపిస్తోంది. లక్నో సూపర్ జెయింట్స్‌తో జరిగిన మ్యాచ్ లో 54 పరుగుల భారీ తేడాతో విక్టరీ అందుకుంది. ఈ గెలుపుతో పంజాబ్ కింగ్స్ సరికొత్త చరిత్ర సృష్టించింది. ఐపీఎల్ హిస్టరీలోనే ఫస్ట్ 6 మ్యాచ్‌ల్లో ఓడిపోకుండా ముందుకు దూసుకుపోతున్న ఏకైక టీమ్ గా నిలిచింది. పంజాబ్ ఇప్పటి వరకు 5 విజయాలు అందుకుంది. 1 మ్యాచ్ వర్షం వల్ల రద్దు అయింది. ముందుగా బ్యాటింగ్ చేసిన పంజాబ్ బ్యాటర్లు లక్నో బౌలర్లను దంచికొట్టారు. ప్రియాన్ష్ ఆర్య కేవలం 37 బంతుల్లోనే 93 పరుగులు చేసి విశ్వరూపం చూపించాడు. కూపర్ కనోల్లీ 87 పరుగులు సాధించాడు. వీరిద్దరి బ్యాటింగ్ తో పంజాబ్ కింగ్స్ 20 ఓవర్లలో 7 వికెట్ల నష్టానికి 254 పరుగులు సాధించింది. 255 పరుగుల భారీ లక్ష్యంతో బరిలోకి దిగిన లక్నో సూపర్ జెయింట్స్ 200 పరుగులకు పరిమితమైంది. కెప్టెన్ రిషభ్ పంత్, మిచెల్ మార్ష్, మార్క్‌రమ్ పోరాడినప్పటికీ లక్ష్యం చేరుకోలేక పొయ్యారు. పంజాబ్ బౌలర్లలో మార్కో జాన్సెన్ రెండు వికెట్లతో రాణించగా, అర్ష్‌దీప్ సింగ్, చాహల్ ప్రత్యర్థి బ్యాటర్లను కట్టడి చేశారు.