Ishan Kishan SRH Practice Match | ఇషాన్ కిషన్‌పై యువ బౌలర్ ఫైర్

ఐపీఎల్ 2026 సీజన్ ప్రారంభం కాబోతుంది. అయితే టీమ్ లో జరుగుతున్న పోరు ఇప్పుడు ఆసక్తికరంగా మారింది. రెగ్యులర్ కెప్టెన్ ప్యాట్ కమిన్స్ గాయంతో దూరం కావడంతో, ఇషాన్ కిషన్ కెప్టెన్ అయ్యాడు. ఇంట్రా-స్క్వాడ్ ప్రాక్టీస్ మ్యాచ్‌లో ఇషాన్ కిషన్.. లెగ్ స్పిన్నర్ జీషన్ అన్సారీ బౌలింగ్‌పై విరుచుకుపడ్డారు. ఒకే ఓవర్లో వరుస ఫోర్లు, సిక్సర్లతో ఏకంగా 20 పరుగులు రాబట్టి బౌలర్‌పై ఒత్తిడి పెంచారు.

అయితే, జీషన్ అన్సారీ ఏమాత్రం తగ్గకుండా అదే ఓవర్ చివరి బంతికి ఇషాన్ కిషన్‌ను ఔట్ చేసాడు. వికెట్ తీసిన ఉత్సాహంలో జీషన్ ఉన్నాడు. క్రీజులో ఉన్న ఇషాన్ కిషన్ ఒక్కసారిగా ఆగిపోయి బౌలర్‌తో మాటల యుద్ధానికి దిగారు. ఇద్దరి మధ్య కొద్దిసేపు సీరియస్ చర్చ జరిగినట్లు కనిపించినా, చివర్లో ఇషాన్ చిరునవ్వుతో పెవిలియన్ వైపు వెళ్ళాడు. 

గతేడాది సన్‌రైజర్స్ ప్రదర్శన అంతగా ఆకట్టుకోలేదు. ఆడిన 14 మ్యాచ్‌ల్లో కేవలం 6 మాత్రమే గెలిచింది. హెన్రిచ్ క్లాసెన్ ఒక్కడే రాణించగా, అభిషేక్ శర్మ, ట్రావిస్ హెడ్ వంటి స్టార్ ప్లేయర్లు ఫామ్ కోల్పోవడం జట్టును దెబ్బతీసింది. ఈసారి ఆలా కాకుండా చాలా స్ట్రాంగ్ గా బరిలోకి దిగాలని డిసైడ్ అయింది హైదరాబాద్ టీమ్.