Ishan Kishan clarifies about opening in WC | వరల్డ్ కప్ లో ఓపెనర్గా ఇషాన్
ఐసీసీ టీ20 ప్రపంచకప్ 2026కు ( ICC T20 World Cup 2026 ) సమయం దెగ్గర పడుతుంది. టీమిండియా స్టార్ వికెట్ కీపర్ బ్యాటర్ ఇషాన్ కిషన్ చెలరేగిపోతున్నాడు. సౌతాఫ్రికాతో జరిగిన ప్రాక్టీస్ మ్యాచ్ లో ఓపెనర్గా బరిలోకి దిగిన ఇషాన్, తన విధ్వంసకర బ్యాటింగ్తో ప్రత్యర్థి బౌలర్లను వణికించాడు. కేవలం 20 బంతుల్లోనే 7 భారీ సిక్సర్లు, 2 ఫోర్లతో హాఫ్ సెంచరీ కొట్టాడు.
ఈ మ్యాచ్కు ముందు టీమిండియా బ్యాటింగ్ ఆర్డర్లో కీలక మార్పులు చోటుచేసుకున్నాయి. తిలక్ వర్మ ( Tilak Verma ) టీమ్ లోకి తిరిగి రావడంతో, టీమ్ మేనేజ్మెంట్ ఇషాన్ కిషన్ను ( Ishan Kishan ) ఓపెనర్గా పంపాలని నిర్ణయించింది. ఈ విషయంపై ఇషాన్ స్పందిస్తూ.. "నేను ఓపెనింగ్ చేయబోతున్నట్లు మ్యాచ్కు ముందే మేనేజ్మెంట్ నాతో చెపింది. పిచ్పై ఉన్న బౌన్స్ను గమనించి, నా స్టైల్ లో షాట్లు ఆడాను" అని తెలిపాడు.
వరల్డ్ కప్ టోర్నీలో కూడా భారత్ ఇదే కాంబినేషన్తో వెళ్లే అవకాశం కనిపిస్తోంది. ఇషాన్ కిషన్ ఓపెనర్గా సక్సెస్ అవ్వడం ఒక రకంగా సంజూ శాంసన్కు ( Sanju Samson ) గట్టి ఎదురుదెబ్బ అనే చెప్పాలి. ఈ మ్యాచ్ లో ఇషాన్ ఫామ్లో ఉండటం, అలాగే లెఫ్ట్-రైట్ కాంబినేషన్ కుదురుతుండటంతో సంజూ తుది జట్టులో చోటు కోల్పోవాల్సి వచ్చింది. వికెట్ కీపింగ్ లో కూడా ఇషాన్ కిషన్ ప్రస్తుతానికి రేసులో ముందున్నాడు. గత కొంతకాలంగా టీమ్ కు దూరంగా ఉన్నప్పటికీ, వచ్చిన అవకాశాన్ని ఇషాన్ బాగా ఉపయోగించుకుంటున్నాడు. మరి వరల్డ్ కప్ లో ఇషాన్ ఎలా ప్రదర్శిస్తాడో చూడాలి.
టాప్ హెడ్ లైన్స్
ట్రెండింగ్ వార్తలు
