Shubman Gill vs Jofra Archer | జోఫ్రా ఆర్చర్ ను ఆడలేకపోతున్న శుభ్ మన్ గిల్

 ప్రిన్స్ శుభ్ మన్ గిల్...ఐపీఎల్ నుంచి టీమిండియా వరకూ వినపడే పేరు. బ్యాటింగ్ సెన్సేన్షన్. కొహ్లీ తర్వాత అంతటోడు అని చెప్తారు. అందుకే కొహ్లీ కింగ్ అయితే గిల్ ను ప్రిన్స్ అని పిలుస్తారు. అల్లుడు గారు అని కూడా పిలుస్తారు. అదెందుకు పిలుస్తారో నేను చెప్పక్కర్లేదు అనుకుంటా. అయితే టీమిండియా కు మూడు ఫార్మాట్ లో ఆడేస్తున్న సత్తా ఉన్న ప్లేయరైన శుభ్ మన్ గిల్ జోఫ్రా ఆర్చర్ బౌలింగ్ ను అస్సలు ఆడలేడా. గత కొన్నేళ్లుగా ఐపీఎల్ లో వీరిద్దరూ ఫేస్ ఆఫ్ అవుతున్నప్పుడు నమోదవుతున్న రికార్డులు చూస్తుంటే అల్లుడు గారిపై ఆర్చర్ దే పై చేయి అనేది స్పష్టం అవుతోంది. ఇప్పటివరకూ ఈ ఇద్దరు ఐదుసార్లు తలపడ్డారు. మొత్తం 15 బాల్స్ వేశాడు ఆర్చర్ శుభ్ మన్ గిల్ కి. ఈ 15 బాల్స్ లో పది పరుగులు మాత్రమే చేసిన శుభ్ మన్ గిల్ మూడు సార్లు ఆర్చర్ కే బలయ్యాడు. ఆర్చర్ బౌలింగ్ చేస్తున్నప్పుడు గిల్ యావరేజ్ 3.33. స్ట్రైక్ రేట్ 66 ఈ గణాంకాలు చాలనుకుంటా ఆర్చర్ బౌలింగ్ లో గిల్ ఎంత ఇబ్బంది పడుతున్నాడో చెప్పటానికి. నిన్న కూడా జీటీ వర్సెస్ ఆర్ఆర్ మ్యాచ్ లో...గుజరాత్ కెప్టెన్ గిల్ మరోసారి ఆర్చర్ చేతిలోనే అవుటయ్యాడు. ఆర్చర్ కొత్త బంతితో వేసిన ఇన్ స్వింగర్ ను అండర్ ఎస్టిమేట్ చేసి కవర్ డ్రైవ్ కొట్టేద్దామనే కంగారులో ఆఫ్ సైడ్ ఆఫ్ స్టంప్ సమర్పించుకున్నాడు శుభ్ మన్ గిల్. అలా ఈ ఇద్దరి రైవల్రీ లో ఆర్చర్ దే ప్రజెంట్ అప్పర్ హ్యాండ్ కాగా...ఫ్యూచర్ లో ఈ జోఫ్రా ఆర్చర్ బలహీనతను గిల్ ఓవర్ కమ్ అవుతాడేమో చూడాలి.