Chinnaswmay Drainage System |RCB vs CSK IPL 2024 | RCB vs CSK మ్యాచ్ జరుగుతుంది పక్కా..! | ABP

Chinnaswmay Drainage System |RCB vs CSK IPL 2024 |  బెంగుళూరులో శనివారం రాత్రి చెన్నై, బెంగుళూరు మ్యాచ్ జరుగనుంది. అయితే.. బెంగుళూరులో రాత్రి 7 గంటల నుంచి 10 గంటల మధ్య 75 శాతం వర్షం పడే అవకాశాలున్నాయని వాతావరణ శాఖ వెల్లడించింది. ఐనా..ఫ్యాన్స్ కు గుడ్ న్యూస్..! ఎంత పెద్ద వర్షం పడినప్పటికీ.. కేవలం 15 నిమిషాల్లో స్టేడియం అంతా సెట్ చేస్తారట. అలాంటి డ్రైనేజీ సిస్టమ్ చిన్నస్వామి స్టేడియంలో ఉంది. 2017లో కర్ణాటక స్టేట్  క్రికెట్ అసోసియేషన్ ఈ స్టేడియానికి సబ్‌ సర్ఫేస్ ఎయిరేషన్ , వ్యాక్యూమ్ పవర్డ్ డ్రైనేజి సిస్టమ్ ను ఇన్స్టాల్ చేశారు. దాదాపు 4.5 కోట్లు వెచ్చించి ఏర్పాటు చేసిన ఈ సిస్టమ్ ద్వారా.. వర్షం పడి నిలిచిన నీరు క్షణాల్లోనే గ్రౌండ్ నుంచి బయటకి వెళ్లిపోతుంది. సాధారణంగా ఎంత సమయం పడుతుందో దానికంటే 36 రెట్లు వేగంగా ఈ డ్రైనేజి సిస్టం ద్వారా నీటిని బయటకు పంపవచ్చు. దీనికోసం గ్రౌండ్ అడుగు భాగంలో కిలోమీటర్ల మేర పైపులు ఏర్పాటు చేసి.. సబ్ మెర్సిబుల్ మోటర్ల ద్వారా గ్రౌండ్లోని వాటర్ అంతా బయటకి లాగేస్తారు. సెన్సార్ల ద్వారా ఈ మోటర్లు ఆన్ అవ్వగానే భూమి  లోపలకి నీటిని పీల్చుకోవడం, క్షణాల్లో చూస్తుండగానే నీరంతా ఇంకి పోవడం వింతగా కనిపిస్తుంది.