India vs South Africa Warmup Match | ప్రాక్టీస్ మ్యాచ్ లో అదరగొట్టిన భారత్

ఐసీసీ టీ20 ప్రపంచకప్ 2026 ముందు టీమిండియా‌కు అదిరిపోయే ప్రాక్టీస్ లభించింది. సౌతాఫ్రికాతో జరిగిన ప్రాక్టీస్ మ్యాచ్‌లో రాణించిన టీమిండియా 30 పరుగుల తేడాతో గెలుపొందింది. భీకరమైన బ్యాటింగ్‌తో భారత బ్యాటర్లు చెలరేగారు. బౌలర్లు కూడా అద్భుతంగా రాణించారు. 

ఈ మ్యాచ్‌లో ముందుగా బ్యాటింగ్ చేసిన భారత్ 20 ఓవర్లలో 5 వికెట్లకు 240 పరుగుల భారీ స్కోర్ చేసింది. ఇషాన్ కిషన్ ( Ishan Kishan ) హాఫ్ సెంచరీతో సత్తా చాటగా.. తిలక్ వర్మ ( Tilak Verma ) 45 పరుగులు చేసి తృటిలో హాఫ్ సెంచరీ చేజార్చుకున్నాడు. సూర్యకుమార్ యాదవ్ ( Suryakumar Yadav ) తన జోరు కొనసాగించగా.. అక్షర్ పటేల్ ( Axar Patel ) 23 బంతుల్లో 2 ఫోర్లు, 2 సిక్స్‌లతో 35 పరుగులు చేసి నాటౌట్ గా నిలిచాడు. రింకూ సింగ్ ( Rinku Singh ) 16 పరుగులకే ఔటవ్వగా.. హార్దిక్ పాండ్యా చెలరేగాడు. అభిషేక్ శర్మ ( Abhishek Sharma )  రిటైర్డ్ హర్ట్‌గా వెనుదిరిగాడు. 

అనంతరం సౌతాఫ్రికా 20 ఓవర్లలో 7 వికెట్లకు 210 పరుగులు చేసి ఓటమిపాలైంది. ఎయిడెన్ మార్క్‌రమ్ ( Aiden Markram ) 38, ర్యాన్ రికెల్టన్ 44 అక్కటుకునారు. భారత బౌలర్లలో అభిషేక్ శర్మ రెండు వికెట్లు తీయగా.. అర్ష్‌దీప్ సింగ్, శివమ్ దూబే, వరుణ్ చక్రవర్తీ, అక్షర్ పటేల్ తలో వికెట్ తీసారు. ఈ ప్రాక్టీస్ మ్యాచ్‌కు జస్‌ప్రీత్ బుమ్రా దూరంగా ఉన్నాడు.