India vs New Zealand 5th T20 | నేడు భారత్ న్యూజిలాండ్ మధ్య ఐదవ టీ20

భారత క్రికెట్ జట్టు న్యూజిలాండ్‌తో 5 టీ20 మ్యాచ్‌ల సిరీస్‌ 3-1తో ఇదివరకే నెగ్గింది. అయితే మొదటి 3 మ్యాచ్‌లు గెలిచి సిరీస్‌లో తిరుగులేని ఆధిక్యాన్ని ప్రదర్శించిన టీమిండియా నాలుగో మ్యాచ్ లో ఓడిపోయింది. నాల్గవ టీ20లో న్యూజిలాండ్ భారత్‌ను భారీ తేడాతో ఓడించింది. ఇవాళ ఈ రెండు టీమ్స్ ఐదవ టీ20 ని ఆడనున్నాయి. టీ20 ప్రపంచ కప్ 2026కి ముందు చివరి అంతర్జాతీయ టీ20 మ్యాచ్ ఇదే కావడం విశేషం. 

ఈ మ్యాచ్ లో టీమ్ ఇండియా పెద్ద మార్పలు చేసే అవకాశం కనిపించడం లేదు. సంజు శాంసన్ ( Sanju Samson ) ప్రదర్శనపై ఆసక్తి నెలకొంది. జరిగిన నాలుగు మ్యాచులో సంజు శాంసన్ అంతగా రాణించలేదు. అయినా కూడా తనకు వరుసగా అవకాశాలు వస్తున్నాయి. ఇవాళ కేరళలో మ్యాచ్ ఉండడంతో, హోమ్ గ్రౌండ్ లో సంజు ఎలా ఆడతాడని ఆసక్తి నెలకొంది.  

జస్ప్రీత్ బుమ్రా ( Jasprit Bumrah ) లేదా అర్ష్‌దీప్ సింగ్‌లలో ( Arshdeep Singh ) ఒకరికి రెస్ట్ ఇచ్చే ఛాన్స్ ఉంది. ఈ ఇద్దరూ ప్లేయర్స్ జరిగిన గత రెండు టీ20 మ్యాచ్ లో కలిసి ఆడారు. రవి బిష్ణోయ్ ( Ravi Bishnoi ), హర్షిత్ రాణా ( Harshit Rana ) బౌలింగ్‌లో రాణించాల్సి ఉంటుంది. మొదటి మ్యాచ్‌లో గాయపడిన అక్షర్ పటేల్ ( Axar Patel ) ఈ మ్యాచ్‌లో తిరిగి జట్టులోకి వచ్చే అవకాశం లేదు.