India vs Afghanistan U19 WC | ఫైనల్ కు చేరిన టీమిండియా

అండర్-19 ప్రపంచ కప్ 2026 ( Under-19 World Cup 2026 ) రెండవ సెమీ-ఫైనల్ భారత్, ఆఫ్ఘనిస్తాన్ మధ్య జరిగింది. ఈ మ్యాచ్ లో గెలిచి టీమిండియా ఫైనల్‌కు చేరింది. 7 వికెట్ల తేడాతో గెలిచింది. టీమ్ ఇండియా అండర్-19 ప్రపంచ కప్‌లో 10వ ఫైనల్ ఆడనుంది. 311 పరుగుల లక్ష్యాన్ని మెన్ ఇన్ బ్లూ 41.1 ఓవర్లలోనే సులభంగా ఛేదించారు. ఓపెనర్, హైదరాబాద్ కుర్రాడు ఆరోన్ జార్జ్ జట్టు తరపున అతిపెద్ద ఇన్నింగ్స్ ఆడాడు. 104 బంతుల్లో 15 ఫోర్లు, 2 సిక్సర్లు కొట్టి 115 పరుగులు చేశాడు. 

అండర్-19 ప్రపంచ కప్ చరిత్రలో ఇదే అత్యధిక ఛేజింగ్. గతంలో, 2006లో ఐర్లాండ్‌పై న్యూజిలాండ్ 305 పరుగుల ఛేజింగ్ సాధించింది. ఇప్పుడు భారత్ ఈ ప్రపంచ రికార్డును బద్దలు కొట్టి ఫైనల్‌కు చేరుకుంది. మొదట బ్యాటింగ్ చేసిన ఆఫ్ఘనిస్తాన్ 50 ఓవర్లలో 4 వికెట్లకు 310 పరుగులు చేసింది. భారత్ తరఫున దీపేష్ దేవేంద్రన్, కనిష్క్ చౌహాన్ తలా రెండు వికెట్లు పడగొట్టారు.

లక్ష్యాన్ని ఛేదించే క్రమంలో భారత జట్టు కేవలం 41.1 ఓవర్లలోనే మూడు వికెట్లు కోల్పోయి విజయం సాధించింది. ఓపెనర్ ఆరోన్ జార్జ్ ( Aaron George ) సెంచరీ సాధించి జట్టు తరఫున అత్యధిక స్కోరు సాధించాడు. వైభవ్ సూర్యవంశీ ( Vaibhav Suryavanshi ), కెప్టెన్ ఆయుష్ మాత్రే ( Ayush Matre ) కూడా అర్ధ సెంచరీలు సాధించారు.